Zeremi 51:53 - NYANMIƐN NDƐ'N 1998

⁵³ Sɛ bɔ Babilɔni fu lele ju nyanmiɛn su lɔ'n, sɛ i fiawlɛ'n yo klanman'n, sɛ b'ɔ ko fia kplɛ'n, kannzɛ ɔ yo sɛ'n m bɔbɔ n ´sunman i nunnunfuɛ mun be ´ko to i lɔ.» Anannganman'n yɛ ɔ kan sɔ-ɔ.

Zeremi 51:53 ပူးပေါင်းရင်းမြစ်များ

Bo Bolɛ 11:4

Be seli kɛ: «An man e kplan klɔ kun nin sua mlomlo kun. Man i sɔ sua liɛ'n i ti'n to nyanmiɛn'n lɔ. E `yo sɔ nan e dunman'n fu nan kusu y'a bo y'a sanndi-man asiɛ wunmuan'n su.»

Zɔb I Nyrɛnnɛn Wunlɛ 20:6

Sɛ bɔ ɔ nyin to nyanmiɛn'n, sɛ i ti'n ɔ to nyanmiɛn ble'n bɔbɔ'n,

Ezai 13:17

Anannganman waan: «Medifuɛ bɔ be ndɛ nun-man jɛtɛ ufue ndɛ nun'n, bɔ be bu-man sika ɔkwlɛ'n i like fi'n, n ´yo man be jaso sran sɔ'm bé wun.

Ezai 41:25

N ko tuli sran kun bo mɛn'n i nglo lɔ, ɔ fin wia afiliɛ lɔ bali, ɔ bo min dunman. Ɔ tiatia siefuɛ'm be su kɛ be tiatia nnɔtiɛ'n nun'n sa. Ɔ tiatia be su kɛ sɛ wufuɛ ɔ tiatia i ufa'n su sa .

Ezai 47:5

Kaldefuɛ'm bé wa bla, tran ase diin, yɛ fia aosin'n nun! Be su flɛ-man wɔ kɛ Famiɛn Diwlɛ'm Be Nun Dan'n kun.

Ezai 47:7

A seli kɛ: ‹N ´sie mɛn'n tititi. A bu-man ninnge nga a yo be'm be akunndan, ɔ'a kpɛn-man ɔ klun kɛ cɛn kun be ´wie.

Zeremi 49:16

A nyinman-nyinman ɔ́ wun, a yo ɔ́ wun dandan sran'm be su ngbɛn. Wɔ bɔ yɛbuɛ buɛ'm be nun yɛ a wo'n, wɔ bɔ kpɔlɛ'm be su nglo-nglo lɔ yɛ a tran'n, ɔli man a yo ɔ́ sua'n nglo mmua lɔ kɛ anunman nyin'n sa, n ´ti wɔ lɔ n ´to yi wɔ ase.› » Anannganman'n yɛ ɔ kan sɔ-ɔ.

Zeremi 50:21

A nin Mɛrataim nvle'n be ko kun. A nin Pɛkɔdfuɛ mun be ko kun. Kun be, nunkun be! Nán be nun kun sa ka lɛ. Sa nga n waan a `yo'n, fa yo be.» Anannganman yɛ ɔ kan sɔ-ɔ.

Zeremi 50:25

Sɛ e kwla se'n, Anannganman'n ɔ'a tike i alɛ ninnge guawlɛ'n i anuan. Ɔ'a fa alɛ ninnge'n. Ɔ'a fa ya kpa sa kɛ safunyrɛn'n ɔ fɛ i alɛ ninnge'n ya su'n sa. Anannganman b'ɔ sie mɛn wunmuan'n, ɔ wa yo sa Babilɔni mɛn nun'n.

Zeremi 50:45

Babilɔni wun akunndan nga Anannganman ɔ'a fa'n, an `tie, Kaldefuɛ'm be nvle'n i wun gugulɛ nga ɔ'a gugu'n, an ´tie. Be ´fa be kɔ kɛ bua mun sa. Ba kun sa su ka-man lɛ. Be ´saci be tranwlɛ'n mlɔnmlɔn.

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Zeremi 51:25

Anannganman wan yoo: «Like sacifuɛ kpli, se kɛ sɛ, e nin wɔ y'a nyɛn i andɛ. Nja b'ɔ nunkun asiɛ wunmuan'n, n wa to mín sa'n m bla wɔ. N ´su wɔ bo oka'n b'ɔ ti kpangba'n i ti su nglo lɔ n ´yi wɔ ase. N wa yo man a ´kaci sin mlɔnmlɔn.

Zeremi 51:48

Kɛ Babilɔni mɛn'n i nunnunfuɛ'n nga be fin nglo lɔ ´ba'n, nganniɛn dan kun ´tɛ asiɛ'n su nin nyanmiɛn su lɔ.» Anannganman'n yɛ ɔ kan sɔ-ɔ.

Zeremi 51:56

Lika sacifuɛ'n wo balɛ. Ɔ nin Babilɔni su wa yia nun. Ɔ wa tra Babilɔni i safunyrɛn mun. Ɔ ´bubu be ta'm be nun. Afin Anannganman'n ti Nyanmiɛn kun b'ɔ sran kun i sa ng'ɔ yo'n i su yɛ ɔ nian yo i wie-ɔ.

Zeremi 51:58

I kunngba'n i wan yoo: «Babilɔni klɔ'n i wun talɛ gbendengble mun, be ´wie bubu. I anuan nglo-nglo mun'n, sin'n ´di be ngba. Sran nga be ´di i sɔ junman'n, be ´fɛ ngbɛn. Be ´di i sɔ junman'n be ´man sin'n .»

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Amɔs 9:2

Sɛ be kɔ lele be ju blɔlɔ lɔ'n, n ´ko fa be lɔ m ba. Sɛ be ko fia nyanmiɛn su lɔ'n, n ´ko fa be lɔ n ´jra.

Amɔs 9:4

Sɛ alɛ kunlɛ nun be trali be lomuɛn nan be yoli kanga be nga be nin be be kun'n bé sa nun'n, n ´yo man be ´kun be. Mín nyin su jaso-man be su le. Nán kɛ be ye yolɛ ti-ɔ, sanngɛ be tɛ yolɛ ti-ɔ.»

Abakik 2:9

Sran nga i waan ɔ ´di ndrunmun ´fa si i awlo nan ɔ'a nyan tranwlɛ kpa, nan sa ɔ'a nyɛn-mɛn i'n, i yako lele!