Zeremi 51:51 - NYANMIƐN NDƐ'N 1998

⁵¹ «Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Zeremi 51:51 ပူးပေါင်းရင်းမြစ်များ

Jue Mun 109:29

Be bɔ be kan min wun ndɛ tɛtɛ'n, man bé nyin gua ase. Man nyannzuɛn'n ɔ sra be kɛ tralɛ sa.

Jue Mun 71:13

Man be bɔ min fɔ'n yɛ be bu'n, be wun nyannzuɛn, man be nunnun. Man be bɔ be klo kɛ n wun nyrɛnnɛn'n, be wun nyannzuɛn sa mlɔnmlɔnmlɔn!

Jue Mun 79:1

Jue nga ti Azaf liɛ. I waan: Ee Nyanmiɛn, aofuɛ wie'm b'a fa ɔ lika'n, b'a yo ɔ́ sua'n i fiɛn, yɛ b'a bubu Zerizalɛm klɔ wunmuan'n, ɔ'a kaci kɛ yɛbuɛ kwle sa.

Jue Mun 79:12

Min Min, be nga be mɛn'n mantan e liɛ'n b'a klɔklɔ wɔ. Ɔ nzowa nga be kpɛli wɔ'n, man be nyɛn i su sa sɔ kpɛ nso.

Jue Mun 79:4

Be nga be lika'm be mantan e wa'n, be kpɛ e nzowa. Be nga be mɛn'm be sin yia e liɛ'n, be yo e finfin, be srisri ye.

Jue Mun 89:46

Wɔ man ɔ yoli oke i gbanflɛn nun. A guɛli i nyin ase.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 21:1

Sa ng'ɔ wa ju jenvie'n i nuan aawlɛ flɛnnɛn'n i su'n. E kpɔfuɛ'm be fin aawlɛ flɛnnɛn'n nun mɛn ng'ɔ yo sro'n i nun lɔ be ba kɛ seke b'ɔ kpɛ b'ɔ sin mɛn'n i ngua lɔ kɔ'n sa.

Ezai 47:1

Babilɔni, sɛ a ti bla'n, wuun n ´se kɛ: «Ɔ bɔ a ti talua bɔ a si-man bian'n, jra, tran ase ndutre'n nun. Kaldefuɛ'm bé wa bla, tran ase asiɛ wun, afin a ti-man famiɛn kun. Be su flɛ-man wɔ kɛ Babilɔni Klanman kun. Be su flɛ-man wɔ kɛ Babilɔni Klanman Lɛkɛlɛkɛ kun.

Zeremi 14:3

Sran dandan'm be sunman be sran mun kɛ be ko sa nzue blɛ be. Be kɔ-ɔ, be nyan-man nzue gbo'm be nun lɔ. Be fa be sɛ kee'm be sa be sin ba. Be kata bé ti yɛ be ba-a nyannzuɛn'n dunman nun.

Zeremi 25:26

N fa mannin mɛn'n i nglo lɔ famiɛn nga be o koko o, nga be o mmua o, be kwlakwla. N fa mannin asiɛ'n su famiɛn diwlɛ be nunfuɛ'm be kwlakwla. Sesak famiɛn'n yɛ ɔ kasiɛn nɔnnin-ɔn.

Zeremi 31:19

E kacili é sin sili wɔ, siɛn'n, y'a kaci ajalɛ'n. E bɔbɔ e wun kɛ nga e yoli'n ɔ'a yo-man kpa. Ɔ man e fin e wue'n nun. E gbanflɛn nun sa nga e yoli'n ɔ yo e nyannzuɛn.›

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Ngwlɛ Yilɛ 1:10

I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 5:1

Sa nga ɔ'a ju e su yɛ'n, Anannganman, nán ɔ́ wla fi. Ɔ bɔbɔ nian sokpalɛ bɔ y'a sokpa-a.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ezekiɛl 36:30

N ´yo man amun waka'm be ´su mma kpanngban, yɛ amun fie'n su ninnge'm be ´sɔn, kɛ ɔ ´yo nan awe'n ɔ'a kuakua-man amun kun mɛnfuɛ'm be afiɛn'n ti.

Ezekiɛl 7:18

Be ´wla bajɛ tralɛ, yɛ srɛ'n ´kun be kpo. Be kwlaa be ´wun nyannzuɛn. Be kwlaa be ´yi bé ti'n.

Ezekiɛl 9:7

Ɔ seli be kɛ: «An `yo Nyanmiɛn i sua'n i fiɛn, an `yo man fuɛn'm be yi sua'n i awlo klun'n. Kpɛkuun an `fite be wɔ be nyrun.» Be fiteli be ɔli be nyrun klɔ'n nun. Be ´kɔ'n, wuun be ´kun sran mun.

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Amɔs 7:9

Izaak osufuɛ'm be sraka yiwlɛ lika nga be o kpɔlɛ kpɔlɛ'm be su'n, n ´saci be. M ´bubu be amuɛn sua'm be kwlaa. N ´fa alɛ n ´tua Izraɛl nvle'n i kalɛ.»

Mise 6:16

Famiɛn Ɔmri ɔ nin i wa Akab i awlofuɛ'm bé sa tɛtɛ nga be yo'n, i su yɛ amun nian-an. Like nga be yo'n, yɛ amun yo-ɔ. I sɔ'n ti amun klɔ'n ɔ ´bo. Amun kusu bɔ amun wo klɔ'n su'n, srisrilɛ yɛ be ´srisri amun-ɔn. Nyannzuɛn trɔ nga bɔ yɛ ɔ jin min mɛn wunmuan'n i ti su yɛ'n, amun yɛ amun ´suɛ i sɔ nyannzuɛn trɔ liɛ nin-ɔn.»

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»