Zeremi 51:44 - NYANMIƐN NDƐ'N 1998

⁴⁴ Anannganman'n wan yoo: «Babilɔni lɔ amuɛn nga be flɛ i kɛ Bɛl'n, e nin i y'a nyɛn i. Like ng'ɔ dili'n, n ´yo man ɔ ´fi. Ɔ man nvle-nvlefuɛ nga be kɔ lɔ beblebe'n, be ´yaci lɔ kɔlɛ. Talɛ ng'ɔ si Babilɔni wun'n, ɔ'a bu ɔ'a tɔ.

Zeremi 51:44 ပူးပေါင်းရင်းမြစ်များ

2 Be Nyoliɛ 36:7

Ɔ fali Anannganman i sua'n nun ninnge wafa-wafa wie mun ɔli Babilɔni. Ɔ ko fa be sieli i famiɛn sua'n nun.

Zɔb I Nyrɛnnɛn Wunlɛ 20:15

Yalɛfuɛ'm be ninnge kpakpa ng'ɔ fɛli i be sa nun'n, ɔ ´fi be gua. Nyanmiɛn ɔ ´yi be i klun lɔ ´fite.

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Ezai 21:9

Nian, nnɛn kpanngɔ fufuɛ wie'n be ba, be ba nnyɔn-nnyɔn.» Ɔ kpannin kekle, ɔ seli ekun kɛ: «Babilɔni ɔ'a tɔ, Babilɔni ɔ'a tɔ. Lɔfuɛ'm be amuɛn'm be kwlakwla b'a bubu b'a gua .»

Ezai 60:5

Sɛ a wun be'n, ɔ́ wun wa kpaja wɔ, ɔ wun wa nyrɛn wɔ, ɔ klun wa jɔ kpa, yɛlɛ kɛ jenvie'n nuan lɔ anyanbeun'n ɔ ´kaci ɔ́ su wa, yɛ nvle-nvlefuɛ'm be anwlɛn su ninnge kpakpa'm be kusu be kaci ɔ su wa wie.

Zeremi 50:15

Amun `bo sin yiɛ i nan amun `kpan alɛ kpanlɛ. An `nian, ɔ'a mɛn i sa'n su. I sasawlɛ sua'm be su bu be gua. I klɔ wun talɛ'n ɔ'a wie bu. Anannganman'n su tu i klunngbɔ. An `tu amun klunngbɔ be guɛ i su. Sa ng'ɔ fa yo sran mun'n, an `fa yo i wie.

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Zeremi 51:18

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 51:34

«Nɛbikadnɛzar b'ɔ ti Babilɔni famiɛn'n ɔ'a yo-man ye blɛblɛ, ɔ kunnin ye mlɔnmlɔn. Ɔ'a gua ye lɛ kɛ kpongbo bɔ like fi nun-man nun kun'n sa. Ɔ mɛnnin e kɛ wuo ɔ'a mɛn like sa. E sa nun like kpakpa'n, ɔ wieli i kwlaa di trili. Kpɛkuun ɔ tuli ye i mɛn'n nun.

Zeremi 51:47

Nan yoo: Cɛn wie lele e nin Babilɔni amuɛn mun e ´yia nun. Ɔ man Babilɔni mɛn wunmuan'n ɔ ´wun nyannzuɛn. Lɔfuɛ nga be wu'n, be fuɛn'n ´yo wannzo.

Zeremi 51:53

Sɛ bɔ Babilɔni fu lele ju nyanmiɛn su lɔ'n, sɛ i fiawlɛ'n yo klanman'n, sɛ b'ɔ ko fia kplɛ'n, kannzɛ ɔ yo sɛ'n m bɔbɔ n ´sunman i nunnunfuɛ mun be ´ko to i lɔ.» Anannganman'n yɛ ɔ kan sɔ-ɔ.

Zeremi 51:58

I kunngba'n i wan yoo: «Babilɔni klɔ'n i wun talɛ gbendengble mun, be ´wie bubu. I anuan nglo-nglo mun'n, sin'n ´di be ngba. Sran nga be ´di i sɔ junman'n, be ´fɛ ngbɛn. Be ´di i sɔ junman'n be ´man sin'n .»

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Daniɛl 4:1

«M bɔbɔ min famiɛn Nɛbikadnɛzar, n wo min famiɛn awlo'n nun, mín wla ti ase guawa.

Daniɛl 4:22

Be wa kan ɔ bo sran'm be nun. A nin blo nnɛn mun yɛ amun wa tran-an. A wa di ijre kɛ nannin'm be sa. Nyansue'n ɔ wa bo wɔ. A ´ka sɔ lele afuɛ nso. Kɛ blɛ sɔ'n ko sin'n, blɛli yɛ a wa si kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun-ɔn, nan ɔ fa famiɛn bia'n man sran nga i klun klo kɛ ɔ ´fa mɛn i'n.

Daniɛl 5:19

Nyanmiɛn man ɔ nyannin nyrun, i ti nvle'm be kwlaa, ɔ nin mɛnmɛn'm be kwlaa be nun sran mun bɔ be kan aniɛn wafa-wafa'n kwlaa'n be sroli i, be usuli i nyrun. Sran kwlaa nga famiɛn sɔ'n ɔ klo kɛ ɔ ´kun i'n, ɔ su kun i. Sran nga i waan ɔ ´yaci i lɛ'n, ɔ yaci i lɛ. Sran ng'ɔ klo kɛ ɔ ´mɛn i kɔmin su'n, ɔ mɛn i kɔmin su. Sran nga kusu bɔ i waan ɔ ´yo i wannzo'n, ɔ su yo.

Daniɛl 5:26

LIKE KALƐ'n i bo'n yɛlɛ kɛ: Nyanmiɛn ɔ'a ka ɔ sielɛ'n i blɛ'n yɛ ɔ'a sie i nuan.