Zeremi 51:43 - NYANMIƐN NDƐ'N 1998

⁴³ Babilɔni klɔ'n, b'a bubu i sa flɛnnɛnnɛn! Ɔ'a kaci kɛ aawlɛ flɛnnɛn sa. Sran ba kun sa ijɔ-man su kun. Sran ba kun sa sin-man su.

Zeremi 51:43 ပူးပေါင်းရင်းမြစ်များ

Jue Mun 46:8

Anannganman b'ɔ sie mɛn wunmuan'n ɔ nin ye o nun, Zakɔb i Nyanmiɛn'n ti kɛ e fiawlɛ klɔ sa.

Ezai 13:20

Sran'm be su tran-man nun mlɔnmlɔn kun, sran'm be su tran-man lɛ kun nan kɛ ɔ ´yo-ɔ ɔ'a yo. Arabfuɛ'm be su kplan-man be tannin sua'n lɛ, yɛ bua kankanfuɛ'm be su jran-man lɛ.

Ezai 34:13

Famiɛn'm bé sua'm be wa kaci susrɛ. Flɔn nin owie-owie'm be ´fifi fiawlɛ sua'm be nun. Nsoso mun yɛ be ´tran sua sɔ'm be nun-ɔn, klɔnsoklo mun yɛ be ´la lɛ-ɔ.

Ezai 47:11

Nyrɛnnɛn sa kun wa tɔ wɔ su, a su si-mɛn i finwlɛ. Sa kekle kun wa tɔ ɔ su, a su kwla yi-mɛn i ɔ́ su. Yalɛ'n wa fu ɔ nun, ɔ ´di wɔ.

Zeremi 18:16

B'a yo man kɛ a wun be mɛn'n sa-a, ɔ yo sro, sran'm be yaci-mɛn i finfin yolɛ, be kwlaa nga be sin lɛ'n, be nuan bo bé wun, yɛ be keje be ti sɛkɛsɛkɛsɛkɛ.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 50:12

Sanngɛ an `nian kɛ amún nin ɔ'a wun nyannzuɛn-ɔn. An `nian kɛ bla ng'ɔ wuli amun'n i nyin ɔ'a gua ase-ɔ. I yɛ ɔ'a ka nvle'm be siɛn-ɔn. I mɛn'n ɔ'a kaci kɛ aawlɛ flɛnnɛn bɔ nzue tɔ-man lɔ'n sa!»

Zeremi 51:29

Babilɔni i wun akunndan nga Anannganman'n buli'n, kɛ bɔ ɔ su yo i su sa'n, asiɛ ɔ lɛ kejelɛ! Anannganman'n man Babilɔni mɛn ɔ'a kaci i liɛ kɛ aawlɛ flɛnnɛn wie sa. Sran ba kun sa ijɔ-man su kun.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Zeremi 51:62

Kpɛkuun `kan gua su kɛ: ‹Anannganman, ɔ bɔbɔ yɛ a kannin lika nga ndɛ kɛ be `nunnun i-ɔ, ɔ nin i sran mun o, ɔ nin i nnɛn mun o! Wɔ yɛ ɔ waan like fi su tran-man su kun, nan ɔ ´bubu flɛnnɛnnɛn, man be su kplɛn-mɛn i kun nin-ɔn.›