Zeremi 51:34 - NYANMIƐN NDƐ'N 1998

³⁴ «Nɛbikadnɛzar b'ɔ ti Babilɔni famiɛn'n ɔ'a yo-man ye blɛblɛ, ɔ kunnin ye mlɔnmlɔn. Ɔ'a gua ye lɛ kɛ kpongbo bɔ like fi nun-man nun kun'n sa. Ɔ mɛnnin e kɛ wuo ɔ'a mɛn like sa. E sa nun like kpakpa'n, ɔ wieli i kwlaa di trili. Kpɛkuun ɔ tuli ye i mɛn'n nun.

Zeremi 51:34 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:15

Yalɛfuɛ'm be ninnge kpakpa ng'ɔ fɛli i be sa nun'n, ɔ ´fi be gua. Nyanmiɛn ɔ ´yi be i klun lɔ ´fite.

Jue Mun 74:13

Ɔ wunmiɛn dan'n ti, a kpɛli jenvie nun'n. A kpacili jenvie'n nun ninnge sroesroe'm bé ti'm be nun .

Nyanndra Mun 1:12

nan e `tra be kplu e `sie be mɔnnɛn-mɔnnɛn kɛ e yɛ e ti anannganman wie'n b'ɔ kun sran'n sa.

Ezai 34:11

Nzue nun anunman bɔ be tra jue sie be konvi bo'n nin jukunin'm be yɛ be ´fɛ i sɔ lika liɛ nin-ɔn. Akpatue mun nin kɔkɔkuankuan'm be ´tran nun. Nyanman kan'n nin nyanman bɔ sunmun wo i nuan'n, lika'n bɔ Anannganman ɔ ´saci i'n ti'n, ɔ ´fa be ´fa sunnzun.

Ezai 42:22

kpɛkuun be fɛnnin i sran'm be bo ninnge mun, yɛ be kuakuali be. Be trali be aya nun buɛ'm be nun, be wlali be bisua. Be fɛnnin bé bo ninnge mun, yɛ sran fi ɔ'a de-man be . Kɛ be fali bé bo ninnge'm be ngba'n, sran fi a se-man kɛ: «Amun `yi ninnge mun `man!»

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Zeremi 50:7

Be bɔ be nin be yia nun'n, be di be. Be kpɔfuɛ'm be se kɛ: ‹Be bɔbɔ yɛ be yoli bé wun-ɔn, afin be fɔnnin Anannganman'n i wun. I bɔ yɛ man be ko nyan bé ti'n, i bɔ yɛ bé nannan'm be fa cici bé wla'n, be fɔnnin i wun.›

Zeremi 51:44

Anannganman'n wan yoo: «Babilɔni lɔ amuɛn nga be flɛ i kɛ Bɛl'n, e nin i y'a nyɛn i. Like ng'ɔ dili'n, n ´yo man ɔ ´fi. Ɔ man nvle-nvlefuɛ nga be kɔ lɔ beblebe'n, be ´yaci lɔ kɔlɛ. Talɛ ng'ɔ si Babilɔni wun'n, ɔ'a bu ɔ'a tɔ.

Zeremi 51:49

Babilɔnifuɛ'm be kunnin Izraɛlfuɛ sunman. An `se kɛ sɛ: «Babilɔni bɔ asiɛ'n i lika kun nga i nunfuɛ'n b'a kun-man sran nun'n ɔ nun-man'n lɛ'n, be wa kun lɔfuɛ'm be wie. Izraɛlfuɛ'm be kunlɛ bɔ be kunnin be'n ti .

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ngwlɛ Yilɛ 2:16

Ɔ kpɔfuɛ'm be kwlakwla b'a nyan nuan. Be yɛ be sri yɛ. Be yɛ be ´yo wɔ fiaan yɛ. Be waan: «Ɔ'a jran-man e nyrun! Cɛn nga y'a minndɛ i lele'n yɛ ɔ o yɛ, yɛ ɔ'a ju ndɛ yɛ.»

Ezekiɛl 36:3

I sɔ'n ti'n, kan be su ndɛ. Se kɛ: ‹Anannganman Nyanmiɛn wan yoo: Nanwlɛ, bue'n kwlaa su be waan be ´saci amun, be waan be ´fa amun nan amun `kaci nvle uflɛ'm be liɛ, i ti be yoli amun finfin, yɛ be kpɛli amun nzowa.›

Ndɛ Nga Nyanmiɛn I Nuan Ijɔfuɛ Oze Kannin'n 8:8

Izraɛl bɔbɔ yɛ man be mlinnin be wun-ɔn. Siɛn'n, be o nvle-nvle'm be afiɛn kɛ talie wie b'ɔ lɛ-man nyrun'n sa.

Amɔs 8:4

Amun bɔ an tɛ tia mɛn'n nun aunnvuɛfuɛ'm be su bɔ amun waan nán amún nyinma wun be nga be lɛ-man nyrun mɛn nun'n, an `tie ndɛ ng'ɔ o yɛ'n:

Naɔm 2:2

Ninivfuɛ mun, sonja kpakpa'm be nin amun su ba alɛ kunlɛ. Amun `sasa amun fiawlɛ klɔ'n i anuan'n, amun `nian amun atin'm be su, amun `buabua amún wun amun `fa amun wunmiɛn'n kwlakwla nan an nin be an `kun.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [