Zeremi 51:32 - NYANMIƐN NDƐ'N 1998

³² Be jinjin atin'm be su sɛsɛsɛ. Klɔ'n i kekle lika'n, b'a fa sin b'a yi nun. E alɛ kunfuɛ'm be si-man wie se kun.»

Zeremi 51:32 ပူးပေါင်းရင်းမြစ်များ

Ezai 44:27

N se jenvie dan'n kɛ: «Wu kee, man ɔ nzue'n wie nun.»

Ezai 47:14

Nian, be ti kɛ ijre bɔ sin yrɛ i'n sa, be kwla de-man bé wun sin taaman'n i sa nun, nán sɛnmlɛn bɔ be fa tɔn kpaun nin-ɔn, nán sin bɔ be trɛn i wun be tɔn sin nin-ɔn.

Zeremi 51:30

Babilɔni alɛ kunfuɛ kpakpa'm b'a kun-man alɛ'n kun. B'a wluwlu be fiawlɛ'm be nun sɛsɛsɛ. Bé wun ɔ'a fɔ mlɔnmlɔn. B'a kaci kɛ bla sin sa siɛn'n. Be kpɔfuɛ'm b'a bubu be klɔ'n i wun anuan mun. B'a fa sin b'a yi bé sua'm be nun.

Zeremi 51:31

Sran'n wie wanndi ko to i wiengu wanndifuɛ'n, jasin bofuɛ'n, wie to wie atin nun. Jasin bofuɛ'm be su be wun su. Be kan bé wun ndɛndɛ be ko bo jasin'n kle Babilɔni famiɛn'n. Be waan: ‹Ee, e kpɔfuɛ'm b'a fa klɔ wunmuan'n.›

Zeremi 51:33

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Be sili Babilɔni su danme. Be sili su danme kɛ lika wie bɔ ɔ cɛ kan be su wa bo ble nun'n sa.»

Zeremi 52:7

Babilɔnifuɛ'm be kpɛli klɔ'n i wun talɛ'n nun toklo. Kɔnguɛ'n, alɛ kunfuɛ'm be kwlaa be fin klɔ'n nun fiteli, nan b'a wanndi. Be sinnin anuan ng'ɔ o famiɛn'n i fie'n i wun lɛ'n nun. Ɔ o talɛ nnyɔn'm be afiɛn nun. Be fali lika kpɛtɛkplɛɛ'n i atin'n. Sanngɛ kɛ ɔ ´yo sɔ'n, wuun Babilɔnifuɛ'm b'a sin b'a yia klɔ'n .