Zeremi 51:30 - NYANMIƐN NDƐ'N 1998

³⁰ Babilɔni alɛ kunfuɛ kpakpa'm b'a kun-man alɛ'n kun. B'a wluwlu be fiawlɛ'm be nun sɛsɛsɛ. Bé wun ɔ'a fɔ mlɔnmlɔn. B'a kaci kɛ bla sin sa siɛn'n. Be kpɔfuɛ'm b'a bubu be klɔ'n i wun anuan mun. B'a fa sin b'a yi bé sua'm be nun.

Zeremi 51:30 ပူးပေါင်းရင်းမြစ်များ

Jue Mun 107:16

Afin ɔ sacili aaba anuan mun, ɔ bubuli anuan'm be nun gboklo'm bɔ be fa blalɛ be yoli'n be nun.

Jue Mun 147:13

Afin ɔ yo man sa fi kwla nyan-man amun mlɔnmlɔn. Ɔ yo amun mma'm be kpa.

Jue Mun 76:5

Nyanmiɛn, kɛ a fin oka nga be ti adudua'n be su lɔ ´ba'n, a yo nyɛnmɛn o, a yo sro o.

Ezai 19:16

I blɛ sɔ nun'n, kɛ Eziptfuɛ'm be wa wun kɛ Anannganman b'ɔ sie mɛn wunmuan'n ɔ nin be ɔ'a nyɛn i'n, be ´kaci kɛ bla sa, be ´usu yɛ srɛ ´kun be.

Ezai 47:14

Nian, be ti kɛ ijre bɔ sin yrɛ i'n sa, be kwla de-man bé wun sin taaman'n i sa nun, nán sɛnmlɛn bɔ be fa tɔn kpaun nin-ɔn, nán sin bɔ be trɛn i wun be tɔn sin nin-ɔn.

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Zeremi 50:15

Amun `bo sin yiɛ i nan amun `kpan alɛ kpanlɛ. An `nian, ɔ'a mɛn i sa'n su. I sasawlɛ sua'm be su bu be gua. I klɔ wun talɛ'n ɔ'a wie bu. Anannganman'n su tu i klunngbɔ. An `tu amun klunngbɔ be guɛ i su. Sa ng'ɔ fa yo sran mun'n, an `fa yo i wie.

Zeremi 51:32

Be jinjin atin'm be su sɛsɛsɛ. Klɔ'n i kekle lika'n, b'a fa sin b'a yi nun. E alɛ kunfuɛ'm be si-man wie se kun.»

Zeremi 51:57

Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Amɔs 1:5

Gboklo nga be fa to Damas klɔ'n i anuan'n nun, n ´tu, kpɛkuun n ´nunnun Bikat-Avɛn lɔfuɛ mun nin famiɛn ng'ɔ sie Bɛt-Edɛni'n. Sirifuɛ'm be kusu be liɛ'n, be wa tra be ´kɔ Kir.» Anannganman'n yɛ ɔ kan sɔ kle amun-ɔn .

Naɔm 3:13

Wɔ alɛ kunfuɛ mun b'a kaci kɛ bla mun sa. Ɔ kpɔfuɛ'm be kan-man klɔ'n i anuan mun nan b'a tike. Sin'n sacili anuan'm be nun gboklo mun.

Sa nglô yile 18:10

Kɛ be ´wun nyrɛnnɛn b'ɔ su wun i'n b'ɔ ´yo be sro'n ti'n, be ´jran mmua lɔ be ´se kɛ: ‹?Eee, nzu nyrɛnnɛn sa yɛlɛ nga? ?Nzu nyrɛnnɛn sa yɛlɛ nga? Babilɔni klɔ dan'n b'ɔ ti famiɛn klɔ'n, dɔ kunngba su i sufuɛ'm b'a nyan sa nga be yoli'n i nuan akatua!›