Zeremi 51:29 - NYANMIƐN NDƐ'N 1998

²⁹ Babilɔni i wun akunndan nga Anannganman'n buli'n, kɛ bɔ ɔ su yo i su sa'n, asiɛ ɔ lɛ kejelɛ! Anannganman'n man Babilɔni mɛn ɔ'a kaci i liɛ kɛ aawlɛ flɛnnɛn wie sa. Sran ba kun sa ijɔ-man su kun.

Zeremi 51:29 ပူးပေါင်းရင်းမြစ်များ

Ezai 14:16

Be nga be wun wɔ'n, be nian wɔ kpa siin, kɛ be wun wɔ'n, be nian wɔ lelele, be tu-man be nyin. Yɛ be usa kɛ: «?Sakpa, sran ng'ɔ yo bɔ asiɛ'n keje'n, b'ɔ yo man famiɛn diwlɛ'm bé nyin utu ase'n, yɛ ɔ o yɛ?

Ezai 24:20

Sɛ asiɛ'n ti sran'n, wuun e ´se kɛ ɔ su bo nvaka kɛ nzanboɛfuɛ sa. Ɔ keje kɛ kuku wie sa. Asiɛ'n sufuɛ'm be sa tɛ'n tin be su kɛ trɔ sa. B'a tɔ yɛ be kwla jaso-man kun.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 50:13

Anannganman ɔ'a fɛ i wun ya. I ti sran tran-man nun kun. I ti ɔ ´kaci flɛnnɛn! Sran nga be ´sin Babilɔni'n, kɛ be wun sa ng'ɔ juli i su'n, be ´yo i finfin. Kɛ be wun sacilɛ bɔ ɔ'a saci'n, be srisri i.

Zeremi 50:36

«Be ´fa alɛ tu be wunnzue yifuɛ mun, nan be `yo kɛ sran bɔ be si-man ngwlɛlɛ sa. Be ´fa alɛ `tu be alɛ kunfuɛ mun, nan bé sa sin `bubu be.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Zeremi 50:45

Babilɔni wun akunndan nga Anannganman ɔ'a fa'n, an `tie, Kaldefuɛ'm be nvle'n i wun gugulɛ nga ɔ'a gugu'n, an ´tie. Be ´fa be kɔ kɛ bua mun sa. Ba kun sa su ka-man lɛ. Be ´saci be tranwlɛ'n mlɔnmlɔn.

Zeremi 50:46

Kɛ be boli ndolo kɛ: ‹Babilɔni ɔ'a tɔ oo!› Asiɛ'n lɛ kejelɛ. Be ti i nganniɛn'n nvle-nvle'm be nun.»

Zeremi 51:26

Ɔ man oka wunmuan kun kɛ wɔ sa'n, be kunndɛ sua bo ase wlalɛ yɛbuɛ wɔ su-ɔ, be su nyɛn-mɛn i kun, nan nán se kɛ sua cɔnjɔ su yɛbuɛ. A ´yo sa flɛnnɛnnɛn!» Anannganman'n yɛ ɔ kan sɔ-ɔ.

Zeremi 51:28

An `kpa sran kpanngban kpa Medi famiɛn'm bé sa nun. Kan kwlaa bɔ Medi mɛn'n nun nvle siefuɛ mun nin lika su kpɛn'm be o lɛ'n, an `ko kpa sran lɔ.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Zeremi 51:43

Babilɔni klɔ'n, b'a bubu i sa flɛnnɛnnɛn! Ɔ'a kaci kɛ aawlɛ flɛnnɛn sa. Sran ba kun sa ijɔ-man su kun. Sran ba kun sa sin-man su.

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Zoɛl 2:10

Kɛ be ´ba'n, asiɛ'n keje, nyanmiɛn'n b'ɔ la nglo lɔ plaii yo kɛ ɔ su wa bu tɔ sa, wia'n kpan-man kun, anglo kusu ta-man kun, be wun-man nzraama'm be wun kun .

Amɔs 8:8

Sa sɔ'm be ti, asiɛ'n ɔ ´keje, i su tranfuɛ'm be kwlaa be wa tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su nglo kpɛkuun ɔ ´tɛ i wun ase kɛ Ezipt lɔ nzue ba dan'n sa.»

Sa nglô yile 18:2

Ɔ kpan seli kɛ: «Babilɔni klɔ dan'n ɔ'a saci, ɔ'a saci! Ɔ'a kaci asiɛ usu'm be tranwlɛ, ɔ'a kaci mmusu nin tete anunman bɔ sran'm be kpɔ be'n bé sua,