Zeremi 51:27 - NYANMIƐN NDƐ'N 1998

²⁷ «An `kplan flanga mɛn'n nun. An `fita nnɛn wɛ'n nun nvle-nvle'm be nun lɔ. An `kpa sran kpanngban kpa man be nin Babilɔni be ko kun. An `flɛflɛ nvle-nvle'm be nunfuɛ mun. Ɔliɛ Ararat lɔfuɛ mun nin Mini lɔfuɛ mun, ɔ nin Askenazfuɛ mun. An `siesie sran man be kpa sonja i sɔ mɛn liɛ'm be nun. An `fa nnɛn kpanngɔ kpanngban kpa kɛ lalo mun sa man be nin i wɔ kunlɛ.

Zeremi 51:27 ပူးပေါင်းရင်းမြစ်များ

Bo Bolɛ 10:3

Gɔmɛr wuli Askenaz, nin Rifat yɛ Tɔgarma.

Bo Bolɛ 8:4

I anglo nso'n i le blu le nso'n su'n, mmeli'n ko jrannin Ararat oka'm be nun kun su.

2 Famiɛn Mun 19:37

Le kun'n, ɔ koto i amuɛn bɔ be flɛ i kɛ Nisrɔk'n i sua'n nun lɔ, kpɛkuun i wa Adramelɛk nin Sarɛzɛr be ko kunnin i nin tokofi, nan b'a wanndi b'a ɔ Ararat mɛn'n nun lɔ. I wa Ezar-Adɔn yoli famiɛn, ɔ sinnin i osu.

1 Be Nyoliɛ 1:6

Gɔmɛr wuli Askenaz, nin Difat, ɔ nin Tɔgarma.

Ezai 18:3

Amun nga amun wo mɛn wunmuan nun'n, amun bɔ amun tran asiɛ'n su'n, amun `nian nzɔliɛ nga be kplɛnnin i oka'm be su'n, amun `sie amún su kɛ be ´fita nnɛn wɛ nun'n.

Zeremi 25:14

Babilɔnifuɛ'm be bɔbɔ be wa su nvle wie mun bɔ be lɛ wunmiɛn kpa'n, be ´su famiɛn dandan kpa mun. Sa nga be yoli'n, n ´nian su n ´yo be wie.› »

Zeremi 46:23

Ɔliɛ Ezipt lɔ bo ble'n bɔ be wlu nun-ɔn, ɔ wlu-man'n, Eziptfuɛ sɔ'm be kpɔfuɛ'm be su bubu i nun waka'n. Afin be sɔnnin kekleke, ɔ waan lalo mun-ɔn, be ka be-ɔ ɔ yo-man ye.

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Zeremi 50:3

Nvle kun fin nglo lɔ lika liɛ'n nun su ba. Sɛ n ´kwla se'n, ɔ nin i be wa yia nun. Ɔ wa saci lika'n, ɔ ´kaci kɛ aawlɛ flɛnnɛn sa! Sran su tran-man su kun. I sran o, i nnɛn o, be ´bo sanndi.

Zeremi 50:9

Yɛlɛ kɛ m bɔbɔ min n wa yia nglo lɔ lika'n nun nvle-nvle dandan mun. Man be nin Babilɔni be wa kun. Be wa jrɛn i wun sɛsɛsɛ. Be ta'm be ´yo kɛ alɛ kunfuɛ kpakpa'm be liɛ'n sa. Sɛ be to be-ɔ be su to fuan-man.

Zeremi 51:12

An `man flanga'n su man be wun kɛ amun su di be klɔ wun talɛ wun junman. Be bɔ be nian amun su'n, man be sɔn. Amun `siesie be sɛsɛsɛ. Amun `sua Babilɔnifuɛ'm be wun aya. Akunndan nga Anannganman fɛli i Babilɔni wun'n, i nuan yialɛ su like yɛ ɔ o lɛ-ɔ.

Zeremi 51:14

Anannganman b'ɔ sie mɛn wunmuan'n ɔ tali i bɔbɔ i wun nda. I wan yoo: ‹Sran nga be wa ju gua ɔ su'n, nán sa yolɛ-ɔ. A wun be sa-a, ɔ waan lalo mun-ɔn.› Be yɛ be ´bo sro be ´gua ɔ wun nin-ɔn.

Zeremi 51:28

An `kpa sran kpanngban kpa Medi famiɛn'm bé sa nun. Kan kwlaa bɔ Medi mɛn'n nun nvle siefuɛ mun nin lika su kpɛn'm be o lɛ'n, an `ko kpa sran lɔ.

Zeremi 6:1

«Bɛnzamɛn i osu nunfuɛ mun, an `jaso Zerizalɛm be ko fia. An `bo awɛ Tekoa lɔ. An `sie nzɔliɛ kun Bɛt-Akerɛm lɔ. Nyrɛnnɛn dan kpa kun fin mɛn'n i nglo lɔ su ba.

Amɔs 3:6

?Klɔ kun su'n sɛ be ´bo awɛ'n, sran'm be usa-man kɛ nguɛ sa-a? ?Sa onin yɛ ɔ tɔ klɔ kun su sa bɔ nán Anannganman'n yɛ ɔ mɛn i wun atin-ɔn?

Zakari 14:2

N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.

Jɔlɛ Difuɛ Mun 6:5

Afin be ´ba'n, be fa be nnɛn mun, ɔ nin bé tannin sua mun yɛ be ba-a. Be kpanngban liɛ'n, a wun be sa-a, ɔ waan lalo mun-ɔn, be nin be nyɔnngɔnmɛn'm be tru lika nun sɔ trutrɛɛ yɛ be saci ninnge mun-ɔn.