Zeremi 51:26 - NYANMIƐN NDƐ'N 1998

²⁶ Ɔ man oka wunmuan kun kɛ wɔ sa'n, be kunndɛ sua bo ase wlalɛ yɛbuɛ wɔ su-ɔ, be su nyɛn-mɛn i kun, nan nán se kɛ sua cɔnjɔ su yɛbuɛ. A ´yo sa flɛnnɛnnɛn!» Anannganman'n yɛ ɔ kan sɔ-ɔ.

Zeremi 51:26 ပူးပေါင်းရင်းမြစ်များ

Ezai 14:23

«N wa yo man Babilɔni ɔ ´yo kɛ fɔkɔ sa, ɔ ´yo jukunin'm be lawlɛ. N ´nunnun i, be su wun-mɛn i osu'n kɛ b'a fa kuanwla b'a cuan-cuan lika sa.» Anannganman b'ɔ sie mɛn wunmuan'n yɛ ɔ kan sɔ-ɔ.

Zeremi 25:12

Anannganman waan: ‹Kɛ afuɛ ableso sɔ'n ko wie'n, e nin Babilɔni famiɛn'n nin i mɛn'n nunfuɛ mun e ´yia nun. Yialɛ bɔ e nin be e ´yia nun'n, be sa tɛ bɔ be yo'n ti-ɔ. N ´yo man Kaldefuɛ sɔ'm be mɛn'n ´nunnun mlɔnmlɔn.

Zeremi 51:29

Babilɔni i wun akunndan nga Anannganman'n buli'n, kɛ bɔ ɔ su yo i su sa'n, asiɛ ɔ lɛ kejelɛ! Anannganman'n man Babilɔni mɛn ɔ'a kaci i liɛ kɛ aawlɛ flɛnnɛn wie sa. Sran ba kun sa ijɔ-man su kun.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Zeremi 51:43

Babilɔni klɔ'n, b'a bubu i sa flɛnnɛnnɛn! Ɔ'a kaci kɛ aawlɛ flɛnnɛn sa. Sran ba kun sa ijɔ-man su kun. Sran ba kun sa sin-man su.