Zeremi 51:24 - NYANMIƐN NDƐ'N 1998

²⁴ Sanngɛ andɛ, an `ko nian Babilɔni lɔ be `nian. An `ko nian Kalde mɛn'n nunfuɛ mun be `nian. Sa nga be fa yoli Siɔn'n, m'an yi i kwlakwla'n m'an man be kpan!»

Zeremi 51:24 ပူးပေါင်းရင်းမြစ်များ

Jue Mun 79:10

?Ɔ yo sɛ yɛ man aofuɛ'm be kwla usa kɛ: «Be Nyanmiɛn'n wo nin» nin-ɔn? Man be si kɛ ɔ sufuɛ nga be kun be'n, a tu be klunngbɔ. Man e kusu e wun i sɔ wie.

Ezai 48:14

Amun kwlakwla amun `yia, yɛ amun `tie! ?Amun nun'n, wan mun yɛ be dun mmua boli sa nga'm be su-ɔ? Sran sɔ'n, n klo i, ɔ wa yia sa nga min waan ɔ ´fa yo Babilɔnifuɛ mun'n i nuan, yɛ i sa wa ´ti Kaldefuɛ mun.

Ezai 61:2

I waan n wa kan afuɛ nga Anannganman ɔ ´yo sran'm be ye'n nin cɛn ng'ɔ ´tu i klunngbɔ i kpɔfuɛ'm be su'n, be ndɛ. I waan n wa fɔnvɔ be nga be o sɛ nun'n mun .

Ezai 66:6

Aniɛn kekle kpa kun tɛ klɔ'n nun lɔ, ɔ tɛ Anannganman i sua'n nun lɔ. Anannganman b'ɔ su tannin i kpɔfuɛ'm bé sa bɔ be yoli'n i ti kalɛ ´man be'n, i aniɛn-ɔn.

Zeremi 25:14

Babilɔnifuɛ'm be bɔbɔ be wa su nvle wie mun bɔ be lɛ wunmiɛn kpa'n, be ´su famiɛn dandan kpa mun. Sa nga be yoli'n, n ´nian su n ´yo be wie.› »

Zeremi 50:10

Be ´fɛn Babilɔni mɛn nunfuɛ'm be bo ninnge mun. Be bɔ be ´fɛn'n, be ´fɛn i kpa man be klun ´jɔ.» Anannganman'n yɛ ɔ kan sɔ-ɔ.

Zeremi 50:15

Amun `bo sin yiɛ i nan amun `kpan alɛ kpanlɛ. An `nian, ɔ'a mɛn i sa'n su. I sasawlɛ sua'm be su bu be gua. I klɔ wun talɛ'n ɔ'a wie bu. Anannganman'n su tu i klunngbɔ. An `tu amun klunngbɔ be guɛ i su. Sa ng'ɔ fa yo sran mun'n, an `fa yo i wie.

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Zeremi 51:23

I nnɛn kankanfuɛ mun o, i nnɛn mun o, i lika tutufuɛ mun o, i lika tutulɛ ninnge mun o, i nvle siefuɛ mun o, i lika su kpɛn mun o, wɔ yɛ n fa wɔ n kpuke be nun-ɔn.

Zeremi 51:35

Sa nga Babilɔni fa wlali ye nun'n, man i su sa'n tɔ i bɔbɔ i ti'n su. Kunlɛ nga be kunnin ye'n, man i su sa'n tɔ Kaldefuɛ sɔ'm be su.» Kɛ Zerizalɛmfuɛ'm be kan sa.

Zeremi 51:49

Babilɔnifuɛ'm be kunnin Izraɛlfuɛ sunman. An `se kɛ sɛ: «Babilɔni bɔ asiɛ'n i lika kun nga i nunfuɛ'n b'a kun-man sran nun'n ɔ nun-man'n lɛ'n, be wa kun lɔfuɛ'm be wie. Izraɛlfuɛ'm be kunlɛ bɔ be kunnin be'n ti .

Zeremi 51:56

Lika sacifuɛ'n wo balɛ. Ɔ nin Babilɔni su wa yia nun. Ɔ wa tra Babilɔni i safunyrɛn mun. Ɔ ´bubu be ta'm be nun. Afin Anannganman'n ti Nyanmiɛn kun b'ɔ sran kun i sa ng'ɔ yo'n i su yɛ ɔ nian yo i wie-ɔ.

Ngwlɛ Yilɛ 3:64

Anannganman, sa nga be fa yoli min'n, nian su yo be wie.

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 18:24

yɛ Nyanmiɛn nuan ijɔfuɛ mun, nin i sran mun, ɔ nin be kwlaa nga be kunnin be asiɛ'n su wa'n, be wunnin be mmoja'n ɔ su lɔ .»

Sa nglô yile 6:10

Be kpannin kekle be seli kɛ: «?Nannan, ɔ bɔ ɔ nzuɛn'n nin klɔ sran liɛ'n ti-man kun'n, bɔ a ti nanwlɛfuɛ'n, cɛn onin yɛ a ´di e jɔlɛ'n bɔ a ´tu e klunngbɔ asiɛ'n sufuɛ'm bé su kunlɛ bɔ be kunnin ye'n ti-ɔ ?»