Zeremi 51:22 - NYANMIƐN NDƐ'N 1998

²² I yasua mun o, i bla mun o, wɔ yɛ n fa wɔ n fa kpuke be nun-ɔn. I oke mun o, i ba kanngan mun o, wɔ yɛ n fa wɔ n fa kpuke be nun-ɔn. I gbanflɛn mun o, i talua mun o, wɔ yɛ n fa wɔ n fa kpuke be nun-ɔn.

Zeremi 51:22 ပူးပေါင်းရင်းမြစ်များ

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Ezai 13:15

Be nun sran kwlaa nga be to i'n, be ´fa ta be ´srɛn-srɛn i, be kwlaa nga be tra be'n, be ´kun be nin tokofi.

Ezai 13:16

Sran wie'm be ´yi sran sɔ'n bé wa nɔnman'm be ase, be ´tiatia be su be bɔbɔ be nyrun lɛ, sran wie'm be nin sran sɔ'm bé yi mun be ´la kekle nun.

Ezai 13:18

Be ´fa be ta'm be ´to gbanflɛn'm bé wun, be ´gua be ase fɛiin, be su yaci-man ba nɔnman'm be lɛ. Ba kanngan'm be su yo-man be annvɔ.»

Ezai 20:4

Asiri famiɛn'n ɔ ´fa Eziptfuɛ mun ko yo i kanga, ɔ ´fa Etiopifuɛ mun bé mɛn'n nun kɔ i liɛ nun lɔ. Ɔ ´fa gbanflɛn mun nin kpɛnngbɛn mun ´kɔ. Kɛ be ´kɔ sɔ'n bé wun ngbɛn be ja ngbɛn. Be wia sin'n ɔ ´fite su. Sa nga ɔ ´yo nyannzuɛn dan man Eziptfuɛ mun!

Zeremi 44:7

Siɛn'n, Anannganman b'ɔ ti Izraɛl Nyanmiɛn'n b'ɔ sie mɛn wunmuan'n usa kɛ yoo: «?Nguɛ ti yɛ amun bɔbɔ amun yo amún wun tɛ sɔ-ɔ? ?Zida mɛn wunmuan'n i yasua mun o, i bla mun o, i ba kanngan mun o, i ba nɔnman mun o, yɛ amun kunndɛ kɛ be nunnun-ɔn?

Zeremi 50:37

Be `fa alɛ fuan be nnɛn kpanngɔ mun, be ´fa saci be alɛ kakaklolo mun. Be ´fa tu nvle-nvle nga be nin be ju be kun'n. Man be kaci kɛ bla sin sa. Man sran'm be `tɔ be bo ninnge kpakpa'm be su be fa.

Zeremi 51:23

I nnɛn kankanfuɛ mun o, i nnɛn mun o, i lika tutufuɛ mun o, i lika tutulɛ ninnge mun o, i nvle siefuɛ mun o, i lika su kpɛn mun o, wɔ yɛ n fa wɔ n kpuke be nun-ɔn.

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Ngwlɛ Yilɛ 2:21

Gbanflɛn mun nin kpɛnngbɛn'm be fuɛn'm be jaja klɔ gua'n su. Min talua mun nin min gbanflɛn mun, alɛ'n ɔ dili be. Kɛ a fali ya'n, a kunnin be, a nunkunnin be, w'a si-man be aunnvuɛ.

Ezekiɛl 9:6

An `nunnun sran oke o, gbanflɛn o, talua o, ba kanngan mun o, bla mun o. Sanngɛ be nga bɔ be sieli be ngban su nzɔliɛ'n, nán amún sa kan be wie fi. An `bo i bo mín sua'n i nyrun lɛ .» Be boli sran'm be kunlɛ bo kpɛnngbɛn nga be o Nyanmiɛn i sua'n i nyrun lɛ'm be su.

Mmla'n 32:25

Be ´fa tokofi be ´kun sran mun klɔ nun atin'm be nun. Sran nga be o awlo'm be nun'n, be kusu, srɛ'n ɔ ´kun be kpo. Wie'n su yaci-man sran fi lɛ, i gbanflɛn mun o, i talua mun o, i ba nɔnman mun o, i oke mun o, ɔ ´wlu be kwlakwla be nun.

1 Samiɛl 15:3

I ti kɔ ko kun Amalɛkfuɛ mun, nunnun Amalɛkfuɛ'm bé sa nun ninnge'n kwlaa. Nán kun sa ka lɛ. Kun sran'm be kwlaa, i bla o, i yasua o, i ba kanngan o, i ba nɔnman o! Kun nnɛn'm be kwlaa, i nannin o, i bua o, i nyɔnngɔnmɛn o, i aflunmun o!› »