Zeremi 51:18 - NYANMIƐN NDƐ'N 1998

¹⁸ Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 51:18 ပူးပေါင်းရင်းမြစ်များ

Ezipt Lɔ Tulɛ'n 12:12

Kɔnguɛ nga, n wa sinsin Ezipt mɛn'n nun'n, n ´kun sran'm bé wa klikli mun, n ´kun nnɛn'm bé wa klikli'm be wie. N wa bu amuɛn nga be wo Ezipt mɛn'n nun'n be fɔ. Min yɛ n ti Anannganman nin-ɔn.

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezai 2:18

Amuɛn wie fi su ka-man lɛ.

Ezai 46:1

Bɛl ɔ'a koto, Nɛbo ɔ'a klu. Amun fa be nzɔliɛ mun sie nnɛn nga be sua trɔ'n be su. Be sua be kɛ trɔ sa. Be kaci trɔ nɔnnin-nɔnnin nnɛn sɔ'm bɔ b'a fɛ'n be su.

Ezai 57:12

N wa kan amún sa kpa bɔ amun yo i ngboko'n, nin amun junman klanman bɔ amun di i ngboko'n. Sɛ n kan be'n, be su yo-man amún wun sa ye.

Zeremi 10:11

«An `se be kɛ yoo: ‹Ninnge sɔ'm bɔ nán be yɛ be yili nglo lɔ nin asiɛ'n, be ´nunnun asiɛ'n su. Be su wun-man be kun.› »

Zeremi 10:14

Sran'm be kwlaa be kaci sinnglinfuɛ. Be wun-man sa wlɛ. Ajuin difuɛ nga be yi amuɛn ba'n be wun nyannzuɛn. Be wun kɛ bé sa nuan like sɔ'n be ti finfin like. Nguan fi nun-man be nun.

Zeremi 10:15

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 18:15

Sanngɛ kpɛkuun min nvlefuɛ'm bé wla ɔ'a fi min. Be yra ansans be fa man ninnge finfin mun. B'a yo man b'a yaci be atin'n lɛ. B'a yaci be atin laa'n lɛ. B'a ko fa atin nga b'a yi-man'n.

Zeremi 46:25

Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n wan yoo: «N tɛ bu amuɛn nga be flɛ i Amɔn'n i fɔ. Yɛ Ezipt mɛn'n nin i amuɛn mun, ɔ nin i famiɛn mun, n ´tu be fɔ. Ezipt famiɛn'n nin sran nga be fa bé wla guɛ i su'n, n ´tu be fɔ.

Zeremi 48:7

Moabfuɛ mun, kɛ bɔ amun amuɛn nin amun ninnge'm be su yɛ amun lafi'n, i ti be wa fa amun mɛn'n. Be ´fa amun amuɛn bɔ be flɛ i kɛ Kɛmɔs'n, be ´fɛ i be ´kɔ mɛn uflɛ nun. Amun amuɛn nyrun tranfuɛ nin amun famiɛn i awlo lɔ sran dandan'n be kwlaa'n, be ´fa be ´kɔ mɛn uflɛ nun.

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Ezekiɛl 6:6

Lika kwlaa nga an tran lɛ'n, amun klɔ'm be ´bubu kpɛkuun amun sraka yiwlɛ'm bɔ be o kpɔlɛ'm be su'n be ´tɔ srolo. Amun sraka yiwlɛ'm be ´bubu, be su yo-man be nun like fi kun. Be ´saci amun amuɛn mun, be ´nunnun be osu'n mlɔnmlɔn, amun ansans'm be yrawlɛ'm be ´saci, amuɛn nga amun takali be'n be kwlaa be ´saci mlɔnmlɔn.

Zonas 2:8

Blɛ bɔ n wuli wieli'n, bɔ wunmiɛn fi nun-man min nun kun'n, mín nyin kpɛnnin wɔ su. Ɔ kusu, kɛ a o ɔ́ sua'n b'ɔ ti ɔ liɛ klonglo'n nun lɔ'n, a tili min srɛwa'n.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .