Zeremi 51:16 - NYANMIƐN NDƐ'N 1998

¹⁶ I nɛn b'ɔ ´uke sa'n, kpɛkuun nyanmiɛn su lɔ nzue'n b'a kan b'a bo nun. Nzue'n ɔ mlan dan kpa asiɛ'n i bue kun lɔ. Ɔ man nyanmiɛn'n ɔ kpa sin kpɛkuun nzue'n tɔ. Sɛ e ´kwla se'n, aunngban'n fin i sua'n nun lɔ fite.

Zeremi 51:16 ပူးပေါင်းရင်းမြစ်များ

Bo Bolɛ 8:1

Nyanmiɛn buli Noe nin nnɛn nga be wo i sin lɔ'n be kwlaa be akunndan. Ɔ man ɔ fitali aunngban kun asiɛ'n su kpɛkuun nzue'n su kan ase.

Zɔb I Nyrɛnnɛn Wunlɛ 37:13

Blɛ'n wie ɔ fa tu sran'm be fɔ, blɛ'n wie kusu ɔ fa yo be ye.

Zɔb I Nyrɛnnɛn Wunlɛ 38:22

?Laglasi b'ɔ fin nglo lɔ gua'n, w'a ju kan be sie i lɔ'n i sin nan ɔ'a gua'n i nun lɔ le? ?Nzraama bɔ kɛ nzue tɔ'n ɔ gua'n, w'a wun i finwlɛ le?

Zɔb I Nyrɛnnɛn Wunlɛ 40:9

?Ɔ kekle nin min sɛ? Min nɛn'n ɔ ti kɛ nyanmiɛn b'ɔ kpla'n sa. ?Ɔ liɛ'n ɔ ju min liɛ nun?

Jue Mun 104:7

Sɛ n ´kwla se'n, kɛ a kpannin nzue'n su'n, kpɛkuun ɔ wanndili. Wɔ man nyanmiɛn'n boli nun, kpɛkuun nzue sɔ'n ɔ kacili i ja sin.

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Jue Mun 147:18

Kɛ ɔ ko uke i nuan'n sa'n, b'ɔ ko fitɛ i aunngban'n, wuun laglasi sɔ'n ɔ'a klo lalaa. Kpɛkuun laglasi'n b'ɔ kloli sɔ'n i nzue'n ɔ su sonji.

Jue Mun 18:13

Lika'n ɔ kpɛjɛ i nyrun kpa weiin, kpɛkuun nyanmiɛn ble nin nzraama bɔ kɛ nzue tɔ'n ɔ gua'n, ɔ nin sɛnmlɛn be fin lika ng'ɔ kpaja sɔ'n nun fite.

Jue Mun 46:6

Nyanmiɛn'n wo klɔ sɔ'n nun, ɔ man klɔ sɔ'n, kɛ ɔ taka lɛ'n yɛ ɔ taka-a. Kɛ lika'n ´ti muaan'n, Nyanmiɛn niɛn i lika.

Jue Mun 68:33

Asiɛ'n su mɛnmɛnfuɛ mun, amun `to jue manman Nyanmiɛn. Amun `bo flɛ e Min'n

Jue Mun 78:26

I sin'n, Nyanmiɛn suli aunngban ng'ɔ fin wia afiliɛ'n i bo, ɔ man ɔ fitali nglo lɔ. I fanngan nun'n, ɔ suli mɛn'n i ja ngua lɔ aunngban'n i bo kɛ ɔ fita.

Ezipt Lɔ Tulɛ'n 10:13

Moiz mannin kpɔnman'n su, ɔ tinngɛli i Ezipt mɛn'n su, yɛ Anannganman yoli man aunngban kun fin wia afiliɛ lɔ wa fitali Ezipt mɛn'n nun. Ɔ fitali wia nun nin kɔnguɛ wunmuan'n nun. Nglɛmun kɛ aliɛ'n ´cɛn'n, aunngban'n ɔ'a fa lalo mun ɔ'a ba.

Ezipt Lɔ Tulɛ'n 10:19

Anannganman yoli man aunngban dan kpa kun fitali, ɔ fin wia atɔliɛ lɔ, ɔ wa fali lalo mun ɔli ɔ ko guali jenvie'n nun lɔ.

Ezipt Lɔ Tulɛ'n 14:21

Moiz tinngɛli i sa'n jenvie'n su. Anannganman yoli man aunngban dan kun b'ɔ fin wia afiliɛ lɔ'n fitali kɔnguɛ wunmuan'n nun. Ɔ suli nzue'n ɔli wa, ɔ suli ɔli wa, nan nzue'n i nun ɔ'a kpɛ, kpɛkuun i osu'n yoli wisiwisi.

Ezekiɛl 10:5

Be tili anz sɔ'm be ndɛwa'n i kplalɛ awlo klun i nnyɔn su liɛ'n nun lɔ, ɔ tɛ kɛ Nyanmiɛn b'ɔ kwla like kwlaa yo'n i bɔbɔ yɛ ɔ su ijɔ sa .

Amɔs 9:7

«?Izraɛlfuɛ mun, an bu amun klun lɔ kɛ min waan amun kpa tra Etiopifuɛ mun? Nán wafa kunngba nga n fali amun Ezipt lɔ m bali'n, yɛ n fali Filistifuɛ mun Kaftɔr lɔ m bali-ɔ? ?Nɛ́n i kunngba'n yɛ n fali Sirifuɛ mun Kir lɔ m bali-ɔ?»

Zonas 1:4

Anannganman man aunngban dan kun fitali jenvie'n su, kɛ e ´ijɔ wa-a jenvie'n yɛ ɔ su bo yɛ. Nzue'n su wa bubu mmeli'n nun.

Zonas 4:8

Wia'n fili, Anannganman man aunngban wie fitali. Aunngban sɔ'n fin wia afiliɛ lɔ, i sɔ'n ti ɔ lo kɛ sin sa. Wia sɔ'n boli Zonas kekle kpa. Ɔ ka kaan nan i nyrun ɔ'a ´blu. Yɛ Zonas waan: «Kɛ n ko tran nguan nun'n, ɔ flunman kɛ n `wu!»