Zeremi 51:15 - NYANMIƐN NDƐ'N 1998

¹⁵ I kwlalɛ b'ɔ kwla'n man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Zeremi 51:15 ပူးပေါင်းရင်းမြစ်များ

Zɔb I Nyrɛnnɛn Wunlɛ 9:8

I ngunmin yɛ ɔ fali nyanmiɛn'n ɔ sɛli i nglo lɔ kɛ bɛ sa-a. Ɔ nanti jenvie'n i nzue ng'ɔ jaso nglo kendengleiin'n su.

Jue Mun 104:2

Ɔ wun ti kpajawa yɛiin. Sɛ n ´kwla se'n, a trɛ nyanmiɛn'n b'ɔ la nglo lɔ plaii nun'n kɛ tannin sua sa.

Jue Mun 104:24

Ee Anannganman, junman nga a di be'n, be sɔnnin o! Ngwlɛlɛ nga a fa yoli i kwlakwla sɔ'n ɔ cɛnnin o! Ɔ sa nuan ninnge'n ɔ'a yi asiɛ'n.

Jue Mun 107:25

Kɛ ɔ ´uke i nuan sa'n, wuun aunngban dan'n ɔ su tu, wuun nzue'n ɔ su jaso kendenglein!

Jue Mun 136:5

I yɛ i ngwlɛlɛ'n ti ɔ yili nyanmiɛn'n b'ɔ la nglo lɔ plaii nin-ɔn, afin i klun-ufue'n wo lɛ tititi.

Nyanndra Mun 3:19

Akunndan'n yɛ Anannganman fa yili asiɛ nin-ɔn. Ngwlɛlɛ'n yɛ ɔ fa yoli nyanmiɛn su lɔ nin-ɔn .

Ezai 40:22

Anannganman ti asiɛ'n i ti su nglo lɔ ɔ man asiɛ'n su sran'm be ti kanngan kɛ lalo mun sa. I yɛ ɔ tinngɛli nyanmiɛn ng'ɔ wo e ti su nglo'n i nun kɛ tannin sa-a, i yɛ ɔ trɛli nun kɛ tannin sua sa yɛ ɔ fa yoli i tranwlɛ nin-ɔn.

Ezai 40:26

Amun `man amún nyin su nglo be `nian! ?Wan yɛ ɔ yili nzraama mun-ɔn? ?Nán sran nga b'ɔ man be kwlaa be fite nyannglaan nin-ɔn? Ɔ fa be dunman'n flɛflɛ be kwlaa, i kwlalɛ b'ɔ kwla dan'n nin i wunmiɛn dan'n ti'n, wie fi tu-man nun.

Ezai 42:5

Sran ng'ɔ yili nyanmiɛn'n b'ɔ la nglo lɔ plaii'n, b'ɔ tinngɛli nun kɛ bɛ sa'n, b'ɔ yili asiɛ'n nin i su ijre, nin waka mun'n, b'ɔ mannin i su sran'm be nguan'n, b'ɔ mannin i su sran'm be wunmiɛn'n, Nyanmiɛn b'ɔ ti Anannganman'n, ɔ kan kle sran ng'ɔ kpɛli i'n kɛ:

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Ezai 45:12

Min yɛ n yili asiɛ nin-ɔn. Min yɛ n yili i su sran mun-ɔn. Nyanmiɛn'n b'ɔ la nglo lɔ plaii'n, m bɔbɔ min yɛ n fali ń sa n tinngɛli nun-ɔn. Min yɛ n sie nzraama mun-ɔn.

Ezai 48:13

M bɔbɔ yɛ n fali mín sa n wlali asiɛ'n i bo ase-ɔ, sɛ nyanmiɛn ng'ɔ la nglo lɔ plaii yɛ'n o ti bɛ'n, wuun n ´se kɛ m bɔbɔ yɛ n fali min sa n tinngɛli nun-ɔn. Sɛ asiɛ'n nin nyanmiɛn'n be ti sran'n, wuun n ´se kɛ, kɛ m bo be dunman cɛ'n, kpɛkuun be ba likawlɛ.

Ezai 51:13

Anannganman b'ɔ yili amun'n, b'ɔ tinngɛli nglo lɔ ng'ɔ la plaii'n nun kɛ bɛ sa'n, b'ɔ wlali asiɛ'n i bo ase'n, amún wla fi i su. Cɛn kwlaa amun usu, srɛ b'ɔ kun amun be nga be tin amun su'n be ya bɔ be fa'n ti, ɔ waan be su wa nunnun amun sa! ?Sanngɛ be ya sɔ'n bɔ be fa'n, ɔ yo nzu ye?

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Sa nga bé yôli'n 17:24

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.

Rɔmfuɛ Mun 1:20

Sran nyinma wun-man Nyanmiɛn'n, sanngɛ kɛ ɔ fin cɛn ng'ɔ yili mɛn'n, ninnge kwlaa ng'ɔ yo be bɔ be wun be'n, ɔ man be wun i wlɛ weiin kɛ Nyanmiɛn o lɛ yɛ ɔ kwla sa'n kwlaa yo. I sɔ'n ti be lɛ-man ndɛ fi .

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?

Sa nglô yile 4:11

«E Min Nyanmiɛn, kɛ be ´yi wɔ ayɛ be ´manman wɔ bɔ be se kɛ a kwla sa'n kwlaa yo'n i su-ɔ, afin wɔ yɛ a yili like'n kwlaa-a, a klo kɛ a ´yi be ti yɛ a yili be-ɔ, yɛ ɔ ti yɛ be o lɛ-ɔ .»