Zeremi 51:12 - NYANMIƐN NDƐ'N 1998

¹² An `man flanga'n su man be wun kɛ amun su di be klɔ wun talɛ wun junman. Be bɔ be nian amun su'n, man be sɔn. Amun `siesie be sɛsɛsɛ. Amun `sua Babilɔnifuɛ'm be wun aya. Akunndan nga Anannganman fɛli i Babilɔni wun'n, i nuan yialɛ su like yɛ ɔ o lɛ-ɔ.

Zeremi 51:12 ပူးပေါင်းရင်းမြစ်များ

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 11:12

Ɔ ´kplan nzɔliɛ kun fa man nvle-nvle mun. Ɔ wa flɛflɛ Izraɛlfuɛ nga be kannin bé bo bé mɛn nun'n. Ɔ wa tian Zidafuɛ nga be bo sanndili asiɛ'n i bue nnan'n su'n be nuan.

Ezai 13:2

«Amun `kplan nzɔliɛ kun oka bɔ like fi fifi-man su'n i su, amun `kpan kekle be flɛ be, amun `fa amún sa flɛ be. Man be sin Babilɔni anuan'm be nun be bla.

Zeremi 23:20

Sɛ a ´wun kɛ Anannganman'n i ya'n ɔ ´jɔ'n, wuun sa ng'ɔ guguli kɛ ɔ ´yo'n ɔ'a wie kwlaa yo. Cɛn wie yɛ amun wa wun i wlɛ-ɔ.

Zeremi 4:28

Sɛ n ´kwla se'n, asiɛ'n wo sɛ nun. Nyanmiɛn b'ɔ la nglo lɔ'n plaii'n kusu ɔ'a mlan, yɛlɛ kɛ ndɛ nga n ko kan'n, wuun m'an kan. N sa-man min sin n kaci-mɛn i kun.»

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Zeremi 50:25

Sɛ e kwla se'n, Anannganman'n ɔ'a tike i alɛ ninnge guawlɛ'n i anuan. Ɔ'a fa alɛ ninnge'n. Ɔ'a fa ya kpa sa kɛ safunyrɛn'n ɔ fɛ i alɛ ninnge'n ya su'n sa. Anannganman b'ɔ sie mɛn wunmuan'n, ɔ wa yo sa Babilɔni mɛn nun'n.

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Zeremi 51:27

«An `kplan flanga mɛn'n nun. An `fita nnɛn wɛ'n nun nvle-nvle'm be nun lɔ. An `kpa sran kpanngban kpa man be nin Babilɔni be ko kun. An `flɛflɛ nvle-nvle'm be nunfuɛ mun. Ɔliɛ Ararat lɔfuɛ mun nin Mini lɔfuɛ mun, ɔ nin Askenazfuɛ mun. An `siesie sran man be kpa sonja i sɔ mɛn liɛ'm be nun. An `fa nnɛn kpanngɔ kpanngban kpa kɛ lalo mun sa man be nin i wɔ kunlɛ.

Zeremi 51:29

Babilɔni i wun akunndan nga Anannganman'n buli'n, kɛ bɔ ɔ su yo i su sa'n, asiɛ ɔ lɛ kejelɛ! Anannganman'n man Babilɔni mɛn ɔ'a kaci i liɛ kɛ aawlɛ flɛnnɛn wie sa. Sran ba kun sa ijɔ-man su kun.

Ngwlɛ Yilɛ 2:17

Sa nga Anannganman guguli kɛ ɔ ´yo'n yɛ ɔ'a yo i yɛ. Ndɛ ng'ɔ kɛnnin i lalafuɛ nun'n, i nuan like'n yɛ ɔ'a yo i yɛ. Kɛ ɔ ´nunnun wɔ'n, ɔ'a si-man wɔ aunnvuɛ. Ɔ yoli man ɔ kpɔfuɛ'm be klun jɔli. Ɔ yoli man ɔ kpɔfuɛ'm be nyinman-nyinman bé wun .

Zoɛl 3:2

Yɛ cɛn sɔ'm be nun'n, n ´fa n Wawɛ'n m ´man afanniɛn yasua mun nin afanniɛn mmla mun.

Naɔm 2:1

Zidafuɛ mun, amun `nian, jasin fɛ bofuɛ kun yɛ ɔ fin oka'm be su lɔ ´ba yɛ. Ɔ ti fɔundi jasin bofuɛ. Amun `di amun cɛn mun, ninnge nga amun fua be kleli Nyanmiɛn kɛ amun ´fa mɛn i'n, amun `fa ko mɛn i. Sran ng'ɔ sin amun su kle amun yalɛ'n, ɔ ba-man kun. Ɔ ba-man kun, i blɛ'n wieli.

Zozie 8:14

Kɛ nglɛmun Ai famiɛn'n wunnin Izraɛlfuɛ mun'n, ɔ nin i sonja'm be fiteli ndɛndɛ kɛ be nin be ´ko kun lika kunngba nga be nin be kunnin klikli lɔ'n, b'ɔ kɔ Zurdɛn i kongo wun lɔ'n. Ɔ si-man kɛ sran wie'm b'a bu b'a sa be kɔmin sin lɔ nan b'a siesie bé wun kɛ be nin be wa kun.