Zeremi 50:9 - NYANMIƐN NDƐ'N 1998

⁹ Yɛlɛ kɛ m bɔbɔ min n wa yia nglo lɔ lika'n nun nvle-nvle dandan mun. Man be nin Babilɔni be wa kun. Be wa jrɛn i wun sɛsɛsɛ. Be ta'm be ´yo kɛ alɛ kunfuɛ kpakpa'm be liɛ'n sa. Sɛ be to be-ɔ be su to fuan-man.

Zeremi 50:9 ပူးပေါင်းရင်းမြစ်များ

2 Samiɛl 1:22

Sɛ Zonatan i ta'n ti sran'n, wuun n ´se kɛ kannzɛ i kpɔfuɛ'm be ti wunmiɛnfuɛ sɛ, sanngɛ ɔ'a wanndi-man be bo le. Yɛ Sail kusu, sɛ i tokofi'n ti sran'n, wuun n ´se kɛ ɔ'a sɛ-mɛn i sin ngbɛn sa le.

Ngɔjue Fɛfɛ Kpa'n 3:8

Tokofi o be sa nun sɛsɛsɛ. Be si alɛ kun kpa. Be tokofi'n san bé bo kɛ ɔ ´yo nan kɔnguɛ sɛ sa wie ´ba-a, ɔ'a fu-man be nun'n ti.

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 41:25

N ko tuli sran kun bo mɛn'n i nglo lɔ, ɔ fin wia afiliɛ lɔ bali, ɔ bo min dunman. Ɔ tiatia siefuɛ'm be su kɛ be tiatia nnɔtiɛ'n nun'n sa. Ɔ tiatia be su kɛ sɛ wufuɛ ɔ tiatia i ufa'n su sa .

Zeremi 15:14

N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n, ɔ wa yra amun.

Zeremi 25:14

Babilɔnifuɛ'm be bɔbɔ be wa su nvle wie mun bɔ be lɛ wunmiɛn kpa'n, be ´su famiɛn dandan kpa mun. Sa nga be yoli'n, n ´nian su n ´yo be wie.› »

Zeremi 25:26

N fa mannin mɛn'n i nglo lɔ famiɛn nga be o koko o, nga be o mmua o, be kwlakwla. N fa mannin asiɛ'n su famiɛn diwlɛ be nunfuɛ'm be kwlakwla. Sesak famiɛn'n yɛ ɔ kasiɛn nɔnnin-ɔn.

Zeremi 50:14

Ta tofuɛ mun, an `sin be wa jranjran Babilɔni wun sɛsɛsɛ. Amun `to i wun ta. Nán an se kɛ amun ´yaci ta mma'n wie lɛ. Ɔ fɔnnin Anannganman wun ngboko, an `to i wun ta.

Zeremi 50:21

A nin Mɛrataim nvle'n be ko kun. A nin Pɛkɔdfuɛ mun be ko kun. Kun be, nunkun be! Nán be nun kun sa ka lɛ. Sa nga n waan a `yo'n, fa yo be.» Anannganman yɛ ɔ kan sɔ-ɔ.

Zeremi 50:26

Man Babilɔnifuɛ'm be kpɔfuɛ mun be fin wa be fin wa, be `kpuke be tanngannin'm be nun. Be `isa ninnge'm be bo i kofie. Be `nunnun klɔ'n, nán like fi ka lɛ.

Zeremi 50:29

An `flɛflɛ ta tofuɛ'm be ngba man be nin Babilɔni ko kun. Man be ko tran Babilɔni anuan'n i nyrun lɛ. Nán be man sran kun sa sinwlɛ. Sa ng'ɔ fa yoli i wiengu mun'n, man be fa yo i wie. Sa ng'ɔ fa wlali be nun'n, man be fa wlɛ i nun wie. Yɛlɛ kɛ ɔ yoli i wun kpakpa Anannganman'n su. Ɔ yoli i wun kpakpa Izraɛl i Nyanmiɛn'n su.

Zeremi 50:3

Nvle kun fin nglo lɔ lika liɛ'n nun su ba. Sɛ n ´kwla se'n, ɔ nin i be wa yia nun. Ɔ wa saci lika'n, ɔ ´kaci kɛ aawlɛ flɛnnɛn sa! Sran su tran-man su kun. I sran o, i nnɛn o, be ´bo sanndi.

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.