Zeremi 50:7 - NYANMIƐN NDƐ'N 1998

⁷ Be bɔ be nin be yia nun'n, be di be. Be kpɔfuɛ'm be se kɛ: ‹Be bɔbɔ yɛ be yoli bé wun-ɔn, afin be fɔnnin Anannganman'n i wun. I bɔ yɛ man be ko nyan bé ti'n, i bɔ yɛ bé nannan'm be fa cici bé wla'n, be fɔnnin i wun.›

Zeremi 50:7 ပူးပေါင်းရင်းမြစ်များ

Jue Mun 71:5

Afin min Min Nyanmiɛn, min sunnzunlɛ'n kwlakwla taka ɔ́ su. Kɛ ɔ fin min kaan nun'n, ɔ́ su yɛ n lafi-ɔ.

Jue Mun 79:7

Afin b'a fɛn Izraɛlfuɛ'm bé bo ninnge'n kwlaa kpan, b'a saci be mɛn'n kwlaa.

Jue Mun 90:1

Moiz b'ɔ ti Nyanmiɛn sunmanfuɛ'n i srɛlɛ b'ɔ srɛli'n. I waan: Min Min, kɛ ɔ fɛ i e nannan'm be blɛ su lele b'ɔ ´ju e blɛ liɛ'n su yɛ'n, a yoli e fiawlɛ tititi.

Jue Mun 91:1

Sran ng'ɔ ko fia Nyanmiɛn bɔ like fi nun-mɛn i sin'n i sin'n, wuun ɔ'a tran Nyanmiɛn b'ɔ kwla like kwlaa yo'n i fɔnvɔ'n nun.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Ezai 56:9

Aawlɛ nun nnɛn mun, bo nun nnɛn mun, amun kwlaa amun `bla wa di like.

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Zeremi 10:25

Be ng'ɔ fata kɛ ɔ ya dan'n tran be su'n, yɛlɛ mɛn nga be si-man wɔ'n, yɛlɛ minniɛn nga be bo-man ɔ dunman'n. Afin be su fɛn ɔ nvlefuɛ'm be bo ninnge mun. Be su saci be tranwlɛ'n, be su nunnun be.

Zeremi 14:8

?Wɔ bɔ ɔ su yɛ Izraɛlfuɛ'm be fa be wla'n gua'n, wɔ bɔ sɛ sa tɔ be su-ɔ, wɔ yɛ a ti be defuɛ'n, ɔ yo sɛ ti yɛ a yo ɔ́ wun kɛ aofuɛ wie sa sɔ-ɔ? ?Ɔ yo sɛ ti yɛ a yo ɔ́ wun kɛ sran wie b'ɔ su sin kɔ i lika yɛ wa a sike sran cɛn kun sa sɔ-ɔ?

Zeremi 17:13

Anannganman, wɔ bɔ ɔ su yɛ Izraɛl i wla'n wo'n, be bɔ be kaci be sin be si wɔ'n be ´wun nyannzuɛn. Be bɔ be yaci wɔ lɛ kɔ like uflɛ sin'n, be ti kɛ dunman bɔ b'a klɛ i aunnyan nun bɔ i nunnunlɛ ɔ yo-man ya'n sa. Afin Anannganman b'ɔ ti kɛ nzue ti kun bɔ i nun nzue'n ti klengle b'ɔ wie-man nun le sa'n, b'a yaci i lɛ.

Zeremi 2:3

I blɛ sɔ nun'n, wuun Izraɛl ti min liɛ mlɔnmlɔn kɛ mma klikli nga afuɛ nuan'n ju be ti'n sa. Sran kwlaa ng'ɔ kɛn i-ɔ, ɔ nin min e lɛ i. I sɔfuɛ'n ´wun nyrɛnnɛn.› » Anannganman'n yɛ ɔ kan sɔ-ɔ.

Zeremi 31:23

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ n ko fa Zida klɔ'm be su sran nga be trali be lomuɛn n ko ba'n, be wa kan ndɛ ng'ɔ o yɛ'n ekun. Be ´se kɛ. ‹Nyanmiɛn oka, ndɛ nanwlɛ lika, man Anannganman'n yo ɔ liɛ ye!›

Zeremi 33:15

I blɛ sɔ nun'n, n ´yo man David i anunman kpa nanwlɛ su kun ɔ wa jaso i osu nun. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun .

Zeremi 33:16

I blɛ sɔ nun'n, Zida nvle'n ´fite nun. Zerizalɛm klɔ'n ɔ ´nyan manndran. Ɔ man be wa flɛ Zerizalɛm kɛ: Anannganman'n Ti E Ti Ndɛ Kanfuɛ.›

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Zeremi 50:14

Ta tofuɛ mun, an `sin be wa jranjran Babilɔni wun sɛsɛsɛ. Amun `to i wun ta. Nán an se kɛ amun ´yaci ta mma'n wie lɛ. Ɔ fɔnnin Anannganman wun ngboko, an `to i wun ta.

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Zeremi 50:33

Anannganman b'ɔ sie mɛn wunmuan'n wan yoo: «Izraɛlfuɛ mun nin Zidafuɛ mun'n, kɛ be ko fɛ'n yɛ b'a fɛ-ɔ. Be bɔ be trali be lomuɛn be ɔli'n be lɛ be nun cinnjin be waan be yaci-man be nun.

Ezekiɛl 34:5

Be bo sanndili gbee, yɛlɛ kɛ be nyan-man sunianfuɛ. Nnɛn tɛtɛ mun yɛ be di be blo lɔ-ɔ. Be bo sanndili gbee.

Ezekiɛl 35:12

A wa si jrɛiin kɛ min Anannganman n tili Izraɛl oka'm bé wun ndɛ kainkain nga a kannin'n. A seli kɛ: ‹B'a tɔ srololo, b'a kaci é sa nun siɛn kɛ nnɛn yɛ b'a trɛ i sa.›

Daniɛl 9:16

Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Daniɛl 9:6

Ɔ sufuɛ nga be ti ɔ́ nuan ijɔfuɛ bɔ be kannin ɔ́ nuan su ndɛ kleli e famiɛn mun nin e famiɛn i awlo lɔ sran dandan mun, nin e nannan mun, ɔ nin nvle'n nunfuɛ'm be kwlaa'n, y'a sie-man é su bé nuan bo.

Zakari 1:15

Ya nga m'an fɛ i nvle nga be fa bé wla gua be bɔbɔ be wun su'n, be wun'n, ɔ ti dan. Ɔ liɛ ya kaan sa bɔ n fɛli i Izraɛl wun'n, i ti ɔ sacili. Nvle sɔ'n bé sa o i sacilɛ sɔ'n nun wie.›

Zakari 11:5

Be bɔ be to i sɔ nnɛn mun'n, be ´kun be-ɔ be bu-mɛn i kɛ sa yɛ be su yo i lɛ-ɔ. Be nga kusu bɔ be yo be atɛ'n, be liɛ nga be kan'n yɛlɛ kɛ yoo: ‹E `la Anannganman'n i ase, afin e yɛ y'a nyan e wun yɛ.› Bua sɔ'm bé su nianfuɛ'm be si-man be aunnvuɛ bɔ kaan sa.

1 Timote 1:1

M Pɔl bɔ e Defuɛ Nyanmiɛn man Krist-Jésus bɔ e fa é wla guɛ i su'n ɔ sunmannin min'n,