Zeremi 50:4 - NYANMIƐN NDƐ'N 1998

⁴ I sɔ blɛ'n nun yɛ Izraɛlfuɛ mun nin Zidafuɛ mun be ´ba likawlɛ nin-ɔn, be ´ba'n, wuun be ´sun. Be ´kunndɛ Anannganman be Nyanmiɛn'n.» Anannganman'n yɛ ɔ kan sɔ-ɔ.

Zeremi 50:4 ပူးပေါင်းရင်းမြစ်များ

2 Be Nyoliɛ 7:14

amun bɔ amun ti min nvle nunfuɛ'm bɔ min dunman'n wo amun su'n, sɛ amun kan amun wun ase'n, sɛ amun srɛ min'n, sɛ amun fa amun wun mantan min'n, yɛ sɛ amun yaci amun nzuɛn tɛtɛ'n, kɛ n wo nyanmiɛn su lɔ'n, n ´sie min su n ´tie amun srɛlɛ'n. N ´yaci amún wun sa mun n ´cɛ amun, yɛ n ´yo man amun mɛn'n ´yo kpa sin i osu laa'n nun.

Jue Mun 105:4

An `fa amun wun mantan Anannganman b'ɔ kwla'n! An `kunndɛ kɛ ɔ nin amun tran tititi.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 45:19

Ndɛ nga n kannin'n, m'an kɛn-mɛn i nvialiɛ nun, m'an kɛn-mɛn i asiɛ'n i lika tuun wie nun. M'an se-man Zakɔb osu nunfuɛ'm be kɛ be kunndɛ min kan like fi nun-man lɛ'n! Min, Anannganman n kan ndɛ ng'ɔ ti i su'n, n kan ndɛ nanwlɛ .»

Ezai 55:6

Blɛ bɔ be fa bé wun mantan Anannganman ɔ tɛ yo ye'n, amun `kpɛ amun nyin i wun lɔ, kɛ ɔ tɛ o koko'n, amun `kpan flɛ i.

Ezai 63:4

Afin ɔ o min anwlɛn'n nun kɛ n ´tu min klunngbɔ cɛn kun. Blɛ'n ɔ'a ju kɛ n de min sran mun.

Zeremi 31:31

Anannganman'n waan: «Cɛn wie lele'n, e nin Izraɛl nvle'n nin Zida nvle'n e wa tra aenguɛ uflɛ .

Zeremi 33:15

I blɛ sɔ nun'n, n ´yo man David i anunman kpa nanwlɛ su kun ɔ wa jaso i osu nun. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun .

Zeremi 41:6

Yɛ Ismaɛl fin Mizpa fite bali be atin kpalɛ-ɔ. Ɔ ´ba-a, wuun ɔ ´sun. Ɔ ko toli be kpɛkuun ɔ seli be kɛ yoo: «An `bla e wɔ Gɛdalia awlo lɔ.»

Ezekiɛl 16:61

Ɔ wla wa kpɛn ɔ nzuɛn'n su, yɛ nyannzuɛn'n ɔ wa kun wɔ blɛ bɔ a wa sɔ ɔ niaan bla'm be nun, ɔ nyrun kpɛn mun o, ɔ sinma mun o. N ´fa be man wɔ kɛ ɔ mma bla mun sa, sanngɛ nán kɛ be o aenguɛ nga min nin wɔ e trali'n nun wie ti-ɔ.

Ezekiɛl 39:25

Anannganman Nyanmiɛn wan yoo: «N ´fa Zakɔb i anunman nga be trali be lomuɛn'n n ´sa be sin, yɛ n ´si Izraɛlfuɛ'm be aunnvuɛ. N ´si min dunman fɛ'n i ti kwla.

Ndɛ Nga Nyanmiɛn I Nuan Ijɔfuɛ Oze Kannin'n 11:10

Be nga be bo be sanndili'n, be wa su Anannganman'n su, Anannganman b'ɔ kpan kɛ asɔmɔli sa'n, be ´su i su. Kɛ ɔ ´kpan sa'n, i mma'm bɔ be o jenvie'n i bue kun lɔ'n be ´usu yɛ be ´ba-a.

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Ndɛ Nga Nyanmiɛn I Nuan Ijɔfuɛ Oze Kannin'n 6:1

Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.