Zeremi 50:12 - NYANMIƐN NDƐ'N 1998

¹² Sanngɛ an `nian kɛ amún nin ɔ'a wun nyannzuɛn-ɔn. An `nian kɛ bla ng'ɔ wuli amun'n i nyin ɔ'a gua ase-ɔ. I yɛ ɔ'a ka nvle'm be siɛn-ɔn. I mɛn'n ɔ'a kaci kɛ aawlɛ flɛnnɛn bɔ nzue tɔ-man lɔ'n sa!»

Zeremi 50:12 ပူးပေါင်းရင်းမြစ်များ

Ezai 14:22

Anannganman b'ɔ sie mɛn wunmuan'n wan yoo: «N wa jaso bé wun, n wa nunnun Babilɔni i dunman'n nin sran nga be kali nun lɛ'n mun. N wa nunnun Babilɔnifuɛ mun nin be nga be wa jaso su'n.» Anannganman'n yɛ ɔ se sɔ-ɔ.

Ezai 23:13

Amun `nian, Kaldefuɛ'm be lɛ-man nyrun kun, Asirifuɛ'm be fali bé mɛn'n mannin aawlɛ flɛnnɛn'n nun nnɛn mun. Kaldefuɛ sɔ'm be su kplan like fleinflein mun nan be ´jran su be kun alɛ. Be su saci Tir lɔ sua kpakpa mun, be su bubu be weiin.

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 15:9

Bla b'ɔ wuli ba yasua lele nso'n, yɛ ɔ lɛ-man wie kun yɛ, yɛ ɔ su wu yɛ. I nyrun'n, lika ɔ'a san sanngɛ wia'n tɛ o nun. Ɔ'a sokpa, ɔ'a wun nyannzuɛn. Be nga be ka lɛ'n, n ´yo man be wu be kpɔfuɛ'm be nyrun.» Anannganman'n yɛ ɔ kan sɔ-ɔ.

Zeremi 22:6

Zida famiɛn'n i sua'n i wun ndɛ nga Anannganman kan'n yɛ: «A ti kɛ Galaad bo nglanman mun annzɛ kɛ Liban oka mun sa min nyrun, sanngɛ n ´yo man a ´kaci kɛ aawlɛ flɛnnɛn sa. Sran fi su tran-man ɔ nun kun.

Zeremi 25:12

Anannganman waan: ‹Kɛ afuɛ ableso sɔ'n ko wie'n, e nin Babilɔni famiɛn'n nin i mɛn'n nunfuɛ mun e ´yia nun. Yialɛ bɔ e nin be e ´yia nun'n, be sa tɛ bɔ be yo'n ti-ɔ. N ´yo man Kaldefuɛ sɔ'm be mɛn'n ´nunnun mlɔnmlɔn.

Zeremi 25:26

N fa mannin mɛn'n i nglo lɔ famiɛn nga be o koko o, nga be o mmua o, be kwlakwla. N fa mannin asiɛ'n su famiɛn diwlɛ be nunfuɛ'm be kwlakwla. Sesak famiɛn'n yɛ ɔ kasiɛn nɔnnin-ɔn.

Zeremi 49:2

I sɔ'n ti Anannganman waan: «Cɛn kun m man alɛ awɛ'n ´tɛ Rabat b'ɔ ti Amɔnfuɛ'm be klɔ dan'n su. Klɔ sɔ'n ´saci mlɔnmlɔn! I asa'n su klɔ mun'n, sin ´di be kwlaa kpan! Kpɛkuun be bɔ be sieli Izraɛl'n, be ´kaci yo i kanga.» Anannganman'n yɛ ɔ kannin-ɔn.

Zeremi 51:43

Babilɔni klɔ'n, b'a bubu i sa flɛnnɛnnɛn! Ɔ'a kaci kɛ aawlɛ flɛnnɛn sa. Sran ba kun sa ijɔ-man su kun. Sran ba kun sa sin-man su.

Zeremi 51:47

Nan yoo: Cɛn wie lele e nin Babilɔni amuɛn mun e ´yia nun. Ɔ man Babilɔni mɛn wunmuan'n ɔ ´wun nyannzuɛn. Lɔfuɛ nga be wu'n, be fuɛn'n ´yo wannzo.

Galasifuɛ Mun 4:26

Sanngɛ Zerizalɛm ng'ɔ o nyanmiɛn su lɔ'n, ɔ ti kɛ bla'n b'ɔ ti diewa'n sa, i yɛ ɔ ti e nin nin-ɔn.

Sa nglô yile 17:5

Be klɛli dunman kun bɔ be si-mɛn i bo'n i ngban su. Be klɛli i kɛ: «Babilɔni klɔ dan'n, tekle bla'm be nin asiɛ'n su tete sa yofuɛ'm bé nin'n.»