Kɛ ɔ ko yo sɔ'n, wuun ninnge fɛnlɛ'n ɔ'a ju. A wun ninnge fɛnfuɛ mun sa-a ɔ waan lalo mun-ɔn. Be tɔ ninnge'm be su gblu wuun be su fɛn, be ti kɛ aɛcɛ kpanngban wie mun sa.
N ´fa ninnge kpakpa bɔ be o asiɛ'n nun'n, m ´man wɔ, n ´fa anyanbeun ninnge bɔ be ti fiawa'n m ´man wɔ kɛ ɔ ´yo nan w'a si kɛ n ti Anannganman, yɛ n ti Izraɛl Nyanmiɛn bɔ n fa ɔ dunman'n yɛ n fa flɛ wɔ'n ti.
Anannganman waan: ‹Kɛ afuɛ ableso sɔ'n ko wie'n, e nin Babilɔni famiɛn'n nin i mɛn'n nunfuɛ mun e ´yia nun. Yialɛ bɔ e nin be e ´yia nun'n, be sa tɛ bɔ be yo'n ti-ɔ. N ´yo man Kaldefuɛ sɔ'm be mɛn'n ´nunnun mlɔnmlɔn.
Man Babilɔnifuɛ'm be kpɔfuɛ mun be fin wa be fin wa, be `kpuke be tanngannin'm be nun. Be `isa ninnge'm be bo i kofie. Be `nunnun klɔ'n, nán like fi ka lɛ.
Be `fa alɛ fuan be nnɛn kpanngɔ mun, be ´fa saci be alɛ kakaklolo mun. Be ´fa tu nvle-nvle nga be nin be ju be kun'n. Man be kaci kɛ bla sin sa. Man sran'm be `tɔ be bo ninnge kpakpa'm be su be fa.
Sanngɛ andɛ, an `ko nian Babilɔni lɔ be `nian. An `ko nian Kalde mɛn'n nunfuɛ mun be `nian. Sa nga be fa yoli Siɔn'n, m'an yi i kwlakwla'n m'an man be kpan!»
Sa nga Babilɔni fa wlali ye nun'n, man i su sa'n tɔ i bɔbɔ i ti'n su. Kunlɛ nga be kunnin ye'n, man i su sa'n tɔ Kaldefuɛ sɔ'm be su.» Kɛ Zerizalɛmfuɛ'm be kan sa.
Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.