Zeremi 50:1 - NYANMIƐN NDƐ'N 1998

¹ Ndɛ nga Anannganman'n fa wlɛli i nuan ijɔfuɛ Zeremi nuan kɛ ɔ kan man Babilɔni nin i mɛn mun'n yɛ:

Zeremi 50:1 ပူးပေါင်းရင်းမြစ်များ

Bo Bolɛ 10:10

Klɔ nga ɔ dun mmua sieli be'n yɛlɛ Babɛl, nin Erɛk, nin Akad yɛ Kalne. Klɔ sɔ'm be o Babilɔni mɛn'n nun lɔ,

Bo Bolɛ 11:31

Terak fɛli i wa Abram nin i anunman Lɔt b'ɔ ti Aran i wa'n, ɔ fɛli i wa Abram i yi Sarai wie nan b'a jaso Ir b'ɔ o Babilɔni mɛn'n nun lɔ'n b'a to bé ti Kanaan. Be ko juli Aran nan b'a tran lɛ.

Bo Bolɛ 11:9

I sɔ'n ti yɛ be flɛli klɔ sɔ'n kɛ Babɛl nin-ɔn. Afin lɛ yɛ Anannganman sanngannin asiɛ'n sufuɛ'm be kwlaa be aniɛn nun-ɔn. Lɛ yɛ ɔ man be boli be bo sanndilɛ'n bo asiɛ wunmuan'n su-ɔ.

2 Samiɛl 23:2

«Anannganman i Wawɛ'n su mín bo kɛ n `kan ndɛ. Ɔ fɛ i ndɛ'n wla mín nuan.

2 Famiɛn Mun 17:24

Asiri famiɛn'n fali sran mun Babilɔni, nin Kita, nin Ava, nin Amat, ɔ nin Sɛfarvaim lɔ bali. Ɔ man be trannin Izraɛlfuɛ'm be osu Samari klɔ'm bé su. Samari klɔ'n nin i sasu'n kwlaa be yoli be liɛ.

Zɔb I Nyrɛnnɛn Wunlɛ 1:17

I nuan nian tɔ-man, kpɛkuun sran kun ekun ɔ'a a to Zɔb, i waan: «Kaldefuɛ akpasua nsan be wa tɔli ɔ nyɔnngɔnmɛn'm bé su, be trali be ɔli, be kunnin ɔ sufuɛ mun. N kunngba yɛ n nyannin n ti n wanndili-ɔ, yɛ m ba ɔ kan klelɛ-ɔ.»

Ezai 14:4

amun `sro jue ng'ɔ o yɛ'n wɔ Babilɔni famiɛn'n. Amun `se kɛ: Ai! ?Sran ng'ɔ sie sran mun bɔ tin be su'n, i liɛ a wie? ?Mianlɛ bɔ be mian sran mun kplɔlɔlɔ'n, i blɛ'n ɔ'a sin?

Ezai 23:13

Amun `nian, Kaldefuɛ'm be lɛ-man nyrun kun, Asirifuɛ'm be fali bé mɛn'n mannin aawlɛ flɛnnɛn'n nun nnɛn mun. Kaldefuɛ sɔ'm be su kplan like fleinflein mun nan be ´jran su be kun alɛ. Be su saci Tir lɔ sua kpakpa mun, be su bubu be weiin.

Zeremi 25:12

Anannganman waan: ‹Kɛ afuɛ ableso sɔ'n ko wie'n, e nin Babilɔni famiɛn'n nin i mɛn'n nunfuɛ mun e ´yia nun. Yialɛ bɔ e nin be e ´yia nun'n, be sa tɛ bɔ be yo'n ti-ɔ. N ´yo man Kaldefuɛ sɔ'm be mɛn'n ´nunnun mlɔnmlɔn.

Zeremi 27:7

Nvle'm be kwlaa be ´su i nin i wa'n, ɔ nin i anunman'n. Be ´su be lele san nvle nga b'a tin'n nin famiɛn dandan mun be ´fa be mɛn liɛ'n kusu.

Daniɛl 1:1

Kɛ Zozakim b'ɔ ti Zida famiɛn'n ɔ trannin bia'n su'n, i afuɛ nsan su'n, Nɛbikadnɛzar b'ɔ ti Babilɔni famiɛn'n, ɔ nin i sonja'm be bali kɛ be nin Zerizalɛmfuɛ'm be ´kun. Be kpɛli be ngblaliɛ'n sin yiali klɔ'n.

Sa nga bé yôli'n 7:4

Yɛ ɔ tuli i bo Kaldefuɛ'm be mɛn'n nun ko trannin Karan-an. Kɛ i si wuli'n, Nyanmiɛn fɛ i lɛ bali mɛn nga an tran nun yɛ'n nun.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.

Sa nglô yile 14:8

Anz kun ekun suli i su, ɔ se kɛ: «Babilɔni klɔ dan'n ɔ'a saci, ɔ'a saci! Ɔ man nvle-nvlefuɛ'm be kwlaa b'a nɔn i nzan'n. I nzan sɔ'n yɛlɛ i tekle bolɛ dan'n .»