Zeremi 5:9 - NYANMIƐN NDƐ'N 1998

⁹ Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu be su-ɔ?

Zeremi 5:9 ပူးပေါင်းရင်းမြစ်များ

Nyanndra Mun 6:29

I kunngba'n yɛlɛ sran i yi bɔ sran uflɛ ko kunndɛ i'n. Sran ng'ɔ kunndɛ i wiengu yi'n, ɔ lɛ-man kɛ be ko tu-mɛn i fɔ.

Ezai 1:24

I sɔ'n ti, Izraɛlfuɛ mun, amun nun-man min sin, amun ti min kpɔfuɛ, n wa kle amun nun, n ´tu n klunngbɔ amun su, amun yako! Min bɔbɔ min Anannganman bɔ n sie mɛn wunmuan'n, bɔ n ti Izraɛl Nyanmiɛn'n bɔ be su min-ɔn ɔ su-man'n, min yɛ n kan sɔ-ɔ.

Ezai 57:6

Izraɛlfuɛ mun, nzue ba'm be nun yɛbuɛ mlɔnnɔn-mlɔnnɔn'm be yɛ be ti amun like kpa nin-ɔn. Amun like liɛ'n yɛ o lɛ-ɔ. Be yɛ amun gua nzan ase man be-ɔ. Tɛ nga be yra be nnɛn'n kɔlikɔli'n, be yɛ amun yi man be-ɔ. ?Kɛ b'ɔ ti sɔ nin-ɔn, n ´fɔnvɔ mín wun sɛ cɛ yɛ ɔ ´yo ye-ɔ?

Zeremi 23:2

Anannganman b'ɔ ti Izraɛl Nyanmiɛn'n waan: «Min nvle'n i atin klefuɛ mun, kɛ ɔ ´yo bɔ amu'an nian-man min bua'm be lika b'ɔ amun yoli man be bo sanndili'n, bɔ amun man be mlinnin'n ti'n, amun aeliɛ tɛtɛ sɔ'n ti min kusu e nin amun e wa yia nun.

Zeremi 32:31

Anannganman kɛnnin ekun kɛ: «Kɛ ɔ fin cɛn bɔ be kplannin klɔ'n yɛ be sɔtɔli min ya kunlɛ nin min anwlɛn fɔkɔlɛ lele yɛ ɔ'a fa ju ndɛ yɛ. I sɔ'n ti, man klɔ'n ɔ sin jaso lɛ nan n `wun ase .

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Zeremi 5:10

Be `fu Zerizalɛm i vinyi'm be su be saci be, sanngɛ nán be nunnun be mlɔnmlɔn. Be `kpɛ vinyi sa mun, afin be ti-man min liɛ.

Zeremi 5:29

?Sran kɛ nga sa'n, nán fɔ cɛ yɛ n ´tu be-ɔ? ?Nvle kɛ nga sa'n, klunngbɔ ng'ɔ o min klun'n, nɛ́n i tulɛ cɛ yɛ n ´tu i be su-ɔ?

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Zeremi 9:8

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu i be su-ɔ?»

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Ngwlɛ Yilɛ 3:42

E yoli sa tɛ, e yoli nyin kekle dan. Kɛ ɔ yoli sɔ'n kusu w'a yaci-man a cɛ-man ye.

Ngwlɛ Yilɛ 4:22

Siɔnfuɛ mun, amun sa tɛ'n i nuan akatua'n ɔ'a wie yia. Be su tra-man amun lomuɛn kɔ-man mɛn wie nun kun. Edɔmfuɛ mun, amun sa tɛ liɛ'n i nuan akatua i manlɛ blɛ'n yɛ ɔ'a ju-ɔ. Sa tɛtɛ nga amun yoli'n, be ´bo i jɔ .

Ezekiɛl 7:9

N su si-man amun aunnvuɛ. N su yo-man amun blɛblɛ. N ´yo man amun ´fɛ nantilɛ tɛtɛ nga amun nantili'n bé su afɛ'n. Amun tete sa nga amun yoli'n be wa tɔ amun bɔbɔ amún ti su. Kpɛkuun amun wa si jrɛiin kɛ min yɛ n ti Anannganman bɔ n tu sran fɔ nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:13

N ´yo man i aklunjuɛ'n ɔ ´wie, ɔ su di-man cɛn kun. I anglo le kun o, i wunmiɛn-delɛ-cɛn o, ɔ nin cɛn uflɛ mun'n ɔ su di-man be kun.

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Saun Yolɛ 18:25

I sɔ fiɛn liɛ'n, ɔ sacili be mɛn'n, ɔ man min nin mɛn sɔ'n i nunfuɛ mun y'a nyɛn i lele san n ´kan bé bo be mɛn sɔ'n nun.

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Naɔm 1:2

Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Mmla'n 32:35

Cɛn nga be nunnunlɛ blɛ'n ko ju'n, m bɔbɔ n ´tu n klunngbɔ'n, yɛ n ´tua be kalɛ. Sa yalɛ blɛ sɔ'n nun-man mmua kun. Be tɔlɛ blɛ'n ɔ'a mantan koko.»

Mmla'n 32:43

Nvle-nvle mun, amun `bo ndɛ man Anannganman i nvle'n. Anannganman su tu i sufuɛ nga be kunnin be'n bé klunngbɔ'n. Ɔ su tu i kpɔfuɛ'm be fɔ. Ɔ'a yaci i mɛn'n i nunfuɛ'm bé wun sa'n ɔ'a cɛ be.»