Zeremi 5:6 - NYANMIƐN NDƐ'N 1998

⁶ I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 5:6 ပူးပေါင်းရင်းမြစ်များ

2 Be Nyoliɛ 36:14

I kunngba'n, Nyanmiɛn nyrun jranfuɛ kpɛnngbɛn mun, be nin sran'm be kwlaa be yoli tete sa nga nvle kun nga mun be nunfuɛ'm be yo'n i kwlaa'n wie. Nyanmiɛn i sua'n b'ɔ o Zerizalɛm lɔ'n, b'ɔ yoli i saun'n, be yoli i fiɛn.

Ɛsdras 10:10

Ɛsdras b'ɔ ti Nyanmiɛn nyrun jranfuɛ'n jasoli, nan ɔ'a se be kɛ: «Amu'an fɔn Nyanmiɛn i wun nvle nun bla bɔ amun jali'n ti. Amu'an fa sa tɛ b'a uka Izraɛlfuɛ'm be sa tɛ'n su.

Ɛsdras 9:6

Yɛ n srɛli i n seli kɛ: «Min Nyanmiɛn, nyannzuɛn'n ti dan, m man mín ti'n su n nian ɔ nyrun-ɔn, ɔ yo-man ye. E sa tɛ'm b'a sɔn dan, b'a tra e su fuun! E fɔnlɛ'n ɔ'a tra fɔnlɛ su ɔ'a fu lele ɔ'a ju nyanmiɛn su lɔ.

Zɔb I Nyrɛnnɛn Wunlɛ 10:16

Sɛ m man min ti'n su kaan sa'n, wuun a su min su, a fuan min kɛ asɔmɔli su fuan like wie sa. Kpɛkuun a fa sa uflɛ mun yi min su ekun.

Jue Mun 104:20

Kɛ a yo bɔ kɔnguɛ'n ɔ'a ba'n, kpɛkuun lika'n lu tuun, wuun ɔ'a ju bo'n nun nnɛn'm be wlanlɛ,

Jue Mun 80:13

?Ɔ yo sɛ ti yɛ a kpɛli fie sɔ'n i wun awa nun toklo nin-ɔn? Ɔ man sran'm be kwlaa bɔ be sin'n be saci i.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 59:12

Afin Anannganman, a wun e sa tɛtɛ kpanngban bɔ e yo be'n. E sa tɛ sɔ'm be bu e fɔ, sɛ be ti sran'n, wuun n ´se kɛ be mantan e wun. E si e fɔnlɛ bɔ e fɔn'n.

Zeremi 14:7

«Kɛ e nian e sa tɛ mun'n, e si kɛ y'a fɔn, sanngɛ Anannganman, nian ɔ dunman'n ti uka ye. E yoli nyin kekle'n sunman. E fɔnnin ɔ wun.

Zeremi 2:15

I ti asɔmɔli'm be kpan sa-a, nán sa yolɛ-ɔ. B'a nunkun i mɛn'n mlɔnmlɔn. B'a wɔ i klɔ'm be nun, sin su di be, sran fi tran-man be su kun.

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 25:38

Ɔ'a yi i sa i nvle'n su kɛ asɔmɔli ɔ'a tu i mma'm be sin sa. Nyrɛnnɛn b'ɔ alɛ'n fa ba n ti'n, yɛ Anannganman'n i ya dan'n ti'n, be mɛn'n ɔ'a wie nunnun.

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 30:15

?Ɔ yo sɛ yɛ a fɛfɛ ɔ kannin sroesroe'n b'ɔ wu-ɔ ɔ yo-man ye'n ti-ɔ? Ɔ sa tɛ nga a yoli'n sɔnnin ngboko. I ti yɛ n yoli wɔ sɔ-ɔ.

Zeremi 30:24

Anannganman i ya dan ng'ɔ fali'n, ɔ ´yo i kwlaa ng'ɔ guguli kɛ ɔ ´yo'n kwlaa nan ɔ'a wie. Cɛn kun amun ´wun i sɔ'n i wlɛ.»

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Zeremi 49:19

«N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn nzue ti lika'n i ndɛnman trele'n sa. Be nyinma bulɛ kun nun'n, n ´fuan Edɔmfuɛ mun sekeseke. N ´fa min sran liɛ'n n ´sie Edɔm su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› ?Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Zeremi 8:5

?Yɛ ɔ yo sɛ ti yɛ Zerizalɛmfuɛ'm be nyin kekleke'n ti tantrantan sa-a? B'a fa bé wun b'a mantan ato ninnge mun saa, nán bé wun kpɔcilɛ yɛ be ko kpɔci-ɔ.

Zeremi 8:7

Anunman'n bɔbɔ b'ɔ tu sin'n, ɔ si i bo tulɛ blɛ. Crikoli, nin alialia'n, ɔ nin nannin anunman'n, be kusu be sie lika'n nzɔliɛ, be si be sin salɛ blɛ, sanngɛ min sran'm be si-man min Anannganman min mmla mun.› »

Ngwlɛ Yilɛ 1:5

Zerizalɛm i kpɔfuɛ'm be yɛ b'a kwla-a. B'a nyan manndran. I sa tɛ beblebe b'ɔ yo be'n ti, Anannganman ɔ'a kɛn i ase. I mma'm be yɛ be kpɔfuɛ'm be ´kankan be ´dun mmua be nyrun yɛ, be ´ko fa be yo be kanga .

Ezekiɛl 16:25

Klɔ'n nun'n, i sin nan b'a fa atin su'n, san be dun mmua ´wun sraka yiwlɛ lika sɔ'n nga a kplannin be mun. A yoli ɔ klanman'n i finfin, yɛlɛ kɛ a fali ɔ́ wun a mannin sran kwlaa b'ɔ ´sin'n, ɔ blɔdɛ'n yoli dan.

Ezekiɛl 22:27

Bé famiɛn i awlo lɔ sran dandan'm be liɛ be ti kɛ gboklo bɔ be di nnɛn'n sa. Be akunndan nga be bu'n yɛlɛ sran kunlɛ. Be kun sran be fa kunndɛ sika.

Ezekiɛl 23:19

Sanngɛ ɔ wa wlɛli wun ase ɔ boli tekle'n. Ɔ nantili tekle bolɛ'n nun kɛ ɔ fa boli i talua nun Ezipt lɔ'n sa.

Daniɛl 7:4

Klikli'n ti kɛ asɔmɔli sa, kusu ɔ lɛ ndɛwa kɛ anunman nyin'n sa. Kɛ n ´niɛn i'n, kpɛkuun be tutuli i ndɛwa mun. Be mɛnnin i su be jrɛnnin i i sin ja'm bé su. Ɔ jin lɛ kɛ klɔ sran sa. Kpɛkuun be mɛnnin i sran ngwlɛlɛ.

Daniɛl 7:6

Kɛ i sɔ liɛ'n sinnin'n, n ´nian-an nnɛn kun ekun yɛ, ɔ fa kangale. Ndɛwa o i wia sin kɛ anunman wie sa, i ndɛwa sɔ'm be ti nnan. Ɔ lɛ ti nnan. Be mɛnnin i kwlalɛ kɛ ɔ `sie ninnge'n kwlaa.

Ndɛ Nga Nyanmiɛn I Nuan Ijɔfuɛ Oze Kannin'n 5:14

Afin m bɔbɔ min n ´kaci kɛ asɔmɔli sa Efraimfuɛ'm bé wun, n ´kaci kɛ asɔmɔli bɔ ɔ'a kpɛ cro'n sa Zidafuɛ'm bé wun, n ´titi be nun kpɛkuun n su kɔ min nyrun. Kɛ n ´kɔ'n, n ´fa be m ´bo min je nun n ´kɔ, sran fi sa su kwla-man be mín nuan nun de.

Abakik 1:8

Be nnɛn kpanngɔ'm be kwla wanndi be tra kangale. Be wun yo mmlɛ tra blo alua'm bɔ be di kɔnguɛ koniɛn'n. Kɛ be nnɛn kpanngɔ fufuɛ'm be fin mmua lɔ be ´ba'n, be tu sa bɛiin, kpɛkuun be jra lɔ kli! Be nnɛn kpanngɔ'm be fin mmua lɔ be tu kɛ anunman nyin b'ɔ su fuan i nnɛn'n sa.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Kalɛ 32:14

?Siɛn'n, amun bɔ amun ti sa tɛ yofuɛ'n, amun waan amun ´fa amún si'm be ajalɛ kunngba sɔ'n nan amun ´yo nan Anannganman fa ya dan Izraɛlfuɛ'm bé wun?

Sa nglô yile 13:2

Nnɛn sɔ'n bɔ n wunnin i'n, ɔ fa kangale, i ja'n fa nnɛn nga be flɛ i urs'n i liɛ'n, i nuan'n fa asɔmɔli'm be liɛ'n. Dragɔn'n tinnin i, ɔ fɛli i bia'n nin i kwlalɛ dan'n mɛnnin i.