Zeremi 5:4 - NYANMIƐN NDƐ'N 1998

⁴ N waan: «Sran nga be ti-man nanndoliɛ mun-ɔn. Be si-man sa, afin be si-man Anannganman i atin'n, mmla ng'ɔ ti i cinnjin'n, be si-mɛn i.

Zeremi 5:4 ပူးပေါင်းရင်းမြစ်များ

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Ezai 29:12

Annzɛ kusu, ɔ ti kɛ fluwa bɔ be fa man sran b'ɔ si-man kanngan'n kɛ ɔ kanngan'n sa. Kpɛkuun be se i kɛ: «Kanngan!» Yɛ ɔ tɛ su kɛ: «N si-man fluwa kanngan.»

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 7:8

Sanngɛ amun liɛ'n, ndɛ finfin ng'ɔ yo-man like fi ye'n i su yɛ amun lafi-ɔ.

Zeremi 8:7

Anunman'n bɔbɔ b'ɔ tu sin'n, ɔ si i bo tulɛ blɛ. Crikoli, nin alialia'n, ɔ nin nannin anunman'n, be kusu be sie lika'n nzɔliɛ, be si be sin salɛ blɛ, sanngɛ min sran'm be si-man min Anannganman min mmla mun.› »

Zeremi 9:3

«An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .