Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremi 5:31 - NYANMIƐN NDƐ'N 1998

31 Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

အခန်းကိုကြည့်ပါ။ ကော်ပီ




Zeremi 5:31
37 ပူးပေါင်းရင်းမြစ်များ  

Izraɛl famiɛn'n yiali i wunnzue yifuɛ ko ju ya nnan mun. Ɔ usali be kɛ: «?N wɔ Galaad mɛn'n nun lɔ n ko kun alɛ Ramɔt lɔ annzɛ nán n wɔ?» Be tɛli i su kɛ: «Kɔ! Anannganman ´fa Ramɔt klɔ'n man wɔ!»


Sran ng'ɔ ´kunndɛ yo sa tɛ'n, san sran nga i nuan nun ndɛ'n ɔ ti-man kpa'n, i nuan bo yɛ i su'n wo-ɔ. Ato buafuɛ'm be kusu abla difuɛ'm bé nuan bo yɛ be sie bé su nin-ɔn.


?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?


I blɛ sɔ nun'n, be nga be tran jenvie'n i bue nga su wa'n be ´se kɛ: «Be nga e fa é wla gua be su'n, bɔ e waan e ´fa é nyin e ´fia be sin nan be uka ye'n, nan be `de ye Asiri famiɛn'n i sa nun'n, be `nian sa bɔ ɔ'a ju be su-ɔ. ?Yɛ e ´yo i sɛ siɛn'n nan y'a fite nun?»


Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»


Laa amun nannan klikli'n ɔ yoli sa tɛ, yɛ be nga be ijɔ amun nuan'n, be jasoli mín wun.


A seli kɛ: ‹N ´sie mɛn'n tititi. A bu-man ninnge nga a yo be'm be akunndan, ɔ'a kpɛn-man ɔ klun kɛ cɛn kun be ´wie.


?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»


Yɛ Anannganman'n tɛli min su kɛ: «I sɔ sran liɛ'm be tɔn be wun suɛn ngbɛn, nán min yɛ n sunmannin be-ɔ. M'an fa-man ndɛ m'an sie-man be nyrun, m'an kan-man ndɛ m'an kle-man be. Bé ti nun ninnge nga be wun i'n, ɔ ti ato. Sa nga be kɛn i kɛ ɔ wa ju'n, finfin ndɛ yɛ be kan-an. Be kpɛ bé ti nun yɛ be kan-an.»


Nyanmiɛn nyrun jranfuɛ mun nin Nyanmiɛn nuan ijɔfuɛ mun, ɔ nin sran nga be o lɛ'm be kwlaa be tili ndɛ nga Zeremi kɛnnin i Anannganman i sua'n i awlo klun nun lɔ'n.


I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»


Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.


Sa yalɛ'n b'ɔ juli'n, ɔ fin Nyanmiɛn i nuan ijɔfuɛ'm bé sa tɛtɛ'n nin Nyanmiɛn i nyrun jranfuɛ'm be aeliɛ tɛtɛ'n. Afin sran nga be ti sran kpa mun'n, Nyanmiɛn i sran sɔ'm be trali be klɔ'n nun be kunnin be.


Be nian e su. E lɛ-man atin e fite kɔ-man e klɔ. Kannzu e blɛ liɛ'n ɔ'a mantan, yɛ ɔ'a ju yɛ, awieliɛ'n ɔ'a wie ye!


Be nga be tɔn be wun suɛn kɛ be ti min nuan ijɔfuɛ'n be laka min sran mun, be se be kɛ: ‹Aunjuɛ'n su ba!› Kusu wuun aunjuɛ nun-man lɛ. Min nvle'n i nun sran'm b'a kplan talɛ kun, kpɛkuun be nga be tɔn be wun suɛn sɔ'm be liɛ nga be si i'n yɛlɛ i ayre kanlɛ'n bɔ ngunmin cɛ.


Be aolia nun sa nga be wun be'n be ti ngbɛn-ngbɛn, wunnzue nga be yi'n ɔ ti ato. Be se kɛ: Ndɛ nga Anannganman kan'n yɛ, kusu wuun nán Anannganman'n yɛ ɔ sunmannin be-ɔ. Be yo man sran'm be fa bé wla gua su kɛ be ndɛ'n i nuan wa yia.


?Blɛ nga bɔ e nin amun e wa nyɛn i'n, amun anwlɛn'n ´kwla sɔ yɛ amun ´kwla jran kekle? Afin min Anannganman'n min sa nga min waan n ´yo, n ´yo.


Sanngɛ sa ng'ɔ ´nyan min nyrun jranfuɛ mun'n, ɔ ´nyan min nvlefuɛ mun be wie. Be nzuɛn'n ti n ´kle be nun. Bé sa tɛ nga be yoli'n, be ´fɛ i su afɛ'n.


N wunnin sa tɛtɛ'n wie Izraɛl mɛn'n nun. Lɛ yɛ Efraim sili i tekle nin-ɔn, yɛ man fiɛn'n kannin Izraɛl-ɔ.»


?Anyia cɛn'n b'ɔ ti Anannganman'n i cɛn'n, sɛ ɔ ju'n, amun ´yo i sɛ?


Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»


Sran wie'm be ko se kɛ yoo: «Ndɛ finfin nga be kɛn i kɛ yoo: ‹San sa yalɛ ´tɔ e su'n,› i sɔ ndɛ finfin liɛ'n be `yaci i kanlɛ man e ti sa.


sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»


I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .


Yɛ i waan: «N ´kaci n sin si be, yɛ n wa nian sa ng'ɔ wa ju be su'n. Be nyin yi-man min.


Sɛ ɔ ti kɛ be si ngwlɛlɛ'n, wuun be ´fa sunnzun ase be ´wun sa ng'ɔ wa ju'n.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ