Zeremi 5:27 - NYANMIƐN NDƐ'N 1998

²⁷ Bé sua'n ti kɛ anunman sua bɔ anunman'm b'a yi i'n sa. Awie ninnge'm b'a yi bé sua'n. Nga be fa nyannin bé wun'n b'ɔ man b'a yo sran dan'n yɛ ɔ o lɛ-ɔ.

Zeremi 5:27 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:6

Sran nga be bu-man Nyanmiɛn like fi'n, be awlo'n ti fɔuun! Be bɔ be klɔklɔ Nyanmiɛn'n, be klun ti-man be. Be Nyanmiɛn liɛ'n yɛlɛ be fanngan bɔ be lɛ i'n.

Ezai 3:14

Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 8:5

?Yɛ ɔ yo sɛ ti yɛ Zerizalɛmfuɛ'm be nyin kekleke'n ti tantrantan sa-a? B'a fa bé wun b'a mantan ato ninnge mun saa, nán bé wun kpɔcilɛ yɛ be ko kpɔci-ɔ.

Zeremi 9:6

I sɔ'n ti Anannganman b'ɔ sie mɛn wunmuan'n wan yoo: «N wa yi be nun fiɛn'n kɛ sika tɔnfuɛ'n fa yo'n sa. N ´sa be n ´nian. Afin be sa tɛ'n ti san i sɔ like cɛ yɛ n ´fa yo be-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:9

Efraimfuɛ'm be ko se kɛ yoo: ‹Nanwlɛ, e ti kpa, y'a nyan e wun, y'a nyan ninnge kpanngban, sanngɛ i kwlaa sɔ'n ti ye junman'n su mmlusuɛ. ?Yɛ mmlusuɛ nyanlɛ'n, wan yɛ i waan ɔ ti tɛ-ɔ ?›

Mise 1:12

Marɔtfuɛ'm bé wun usu be afin be wun-man kɛ be yo nan b'a di alaje-ɔ. Afin nyrɛnnɛn nga Anannganman fa ba'n ɔ'a tɔ Zerizalɛm su wie. Anannganman'n yɛ ɔ nin i ba-a.

Sofoni 1:9

I sɔ cɛn liɛ nun'n, be bɔ be ju Nyanmiɛn sua'n i anuan'n nun bɔ be tu be tra i tiaan nga be fa wlu nun lɔ su'n, kɛ sran bɔ be si-man Nyanmiɛn'n be sa'n, n ´tu be fɔ. Be nga bɔ b'a fa awie'n nin sa tɛtɛ yolɛ'n b'a fa nyan bé wun, bɔ i sɔ ninnge'm b'a yi be amuɛn sua mun piɛ'n, n ´tu be fɔ.

Sa nglô yile 18:2

Ɔ kpan seli kɛ: «Babilɔni klɔ dan'n ɔ'a saci, ɔ'a saci! Ɔ'a kaci asiɛ usu'm be tranwlɛ, ɔ'a kaci mmusu nin tete anunman bɔ sran'm be kpɔ be'n bé sua,