Zeremi 5:26 - NYANMIƐN NDƐ'N 1998

²⁶ Sran wie'm be o min nvle'n nun, be bu-man min like fi, be bu-man min ndɛ'n i like fi. Be ti kɛ anunman wun koniɛn difuɛ mun sa. Be bu be sa, be sua sran'm be wun aya.

Zeremi 5:26 ပူးပေါင်းရင်းမြစ်များ

Jue Mun 64:5

kɛ be su wa to i sran kpa'm bé wun nvialiɛ nun'n sa. Sran'm bé nyin bɔ be ´bo i bla-a, b'a to, srɛ bɔ kaan sa kun-man be.

Nyanndra Mun 1:11

Sɛ be se wɔ kɛ: «Bla e wɔ e `ko sua sran'm bé wun aya nan e `kun be, nan sran nga bɔ ɔ'a yo-man e sa'n e `kun i ekun,

Ezai 32:7

Gblɛfuɛ'n i ninnge ng'ɔ yo be'n be ti tɛtɛ ngunmin. Sa ng'ɔ ko yo be nan yalɛfuɛ'm b'a wun-man bé wun fɛ'n yɛ ɔ yo-ɔ. Ɔ kan gblɛ ndɛ mun kle be. Kannzɛ nyrɛnnɛnfuɛ sɔ'm be ndɛ yo fɛ'n, ɔ yo man be wun-man bé wun fɛ.

Ezai 58:1

Anannganman wan yoo: «Kpan kpanlɛ kpa, nán mian wɔ alowa'n!» Kpan kekle kɛ nnɛn wɛ bɔ be fita nun b'ɔ tɛ kekle'n sa, kan min nvle nunfuɛ'm bé sa tɛ'm bɔ be yo'n kle be, kan Zakɔb i osu'n nunfuɛ'm bé sa'm bɔ be yo'n kle be.

Zeremi 18:20

?Be fa tɛ be tua kpa kalɛ? B'a kpɛ min bo kunman nan n `tɔ nun nan n `wu. Man ɔ wla kpɛn su kɛ min yɛ n jran ɔ nyrun n kannin bé ti ndɛ yɛ man a yacili ya nga a fɛli i bé wun nin-ɔn.

Zeremi 18:22

Kɛ bɔ b'a kpɛ min bo kunman kɛ be ´tra min'n, bɔ b'a sua aya min bo nan n `tɔ nun'n ti, sunman sonja mun man be ko fu be nun nan be ti kpankpanlɛ be awlo'm be nun.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 9:8

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu i be su-ɔ?»

Mise 6:10

Ninnge nga sran tɛtɛfuɛ'm be wuali b'ɔ si bé sua'm be nun'n, ɔ nin be toe bɔ be kpɛ i kilo'n su'n, i sɔ tete like liɛ'n, n su yaci cɛ-man be.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

JÉSUS-CHRIST I DYASIN FE'N BO LUC KLELI'N 5:10

Zebede wa yasua nnyɔn'n, Zak nin Zan bɔ be ti Simɔn wiengu junman difuɛ'n, be kusu bé nuan boli bé wun wie. Yɛ Jésus seli Simɔn kɛ: «Nán srɛ kun wɔ, kɛ ɔ fin ndɛ'n, sran yɛ a wa trɛ i kɛ a fa tra kpatra'n sa-a.»