Zeremi 5:23 - NYANMIƐN NDƐ'N 1998

²³ sanngɛ amun ti amun liɛ nvle kun bɔ amun ti-man lowa, amún nyin ti kekle. Sa'n i kan-an, wuun amu'an kaci amun sin, amun yɛ an ´kɔ lɛ.›

Zeremi 5:23 ပူးပေါင်းရင်းမြစ်များ

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Jue Mun 95:10

I sɔ'n ti, min konvi tuli be su lele afuɛ ablanan, ɔ man n seli kɛ: ‹Minniɛn nga b'a mlin mlɔnmlɔnmlɔn. Atin nga n kle be'n be fa-man su.›

Ezai 1:5

?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Ezai 31:6

Izraɛlfuɛ mun, amun `sa amún sin bla Anannganman bɔ amun kacili amún sin sili i'n i sin.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 4:17

Be bo sin yia Zerizalɛm kɛ fie sunianfuɛ wie mun yɛ b'a bo b'a sin a yia fie'n sa. Nyin kekle b'ɔ yoli i min su'n ti yɛ be yoli i sɔ-ɔ.› » Anannganman'n yɛ ɔ kan sɔ-ɔ.

Zeremi 5:5

Man n sin n wɔ sran kaklaakla'm be sin ke! Be liɛ'n, be si Anannganman i atin'n. Mmla ng'ɔ ti i cinnjin'n be si i.» Kannzu be kusu b'a yi bé ti ɔ́ bo wie. Be nin wɔ b'a bu.

Zeremi 6:28

Be kekleke liɛ'n ti kɛ aaba annzɛ blalɛ sa, ɔ lɛ-man be nun kun. Be ti abla difuɛ, be kwlaa be ti sa tɛ yofuɛ.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 4:8

Like nga bɔ min sran'm be yo-mɛn i kpa'n, bɔ be ko yi i nuan tɛ be man min'n, i sɔ tɛ ninnge liɛ'n, yɛ ɔ ti min nyrun jranfuɛ sɔ'm be aliɛ yɛ be di-ɔ. I ti be akunndan liɛ kunngba ng'ɔ o be klun'n, yɛlɛ kɛ man min sran'm be yo sa tɛ'n tititi.

Sofoni 3:1

Nyin kekle klɔ, klɔ saciwa, klɔ bɔ i su kpɛnngbɛn'm be mianmian sran'n, n ´yo i yako!

Mmla'n 21:18

Sɛ sran kun i wa'n i nyin ti kekle'n, bɔ i nyin yi-man sran'n, bɔ i si nin i nin be kan ndɛ kle i-ɔ ɔ ti-man'n, bɔ be tu i fɔ-ɔ ɔ fa-man'n,

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.