Zeremi 5:21 - NYANMIƐN NDƐ'N 1998

²¹ ‹Sran sinnglinfuɛ'm bɔ be wun-man sa wlɛ, bɔ be nyinma'n wo lɛ ngbɛn, be wun-man ase'n, be su'm be o lɛ ngbɛn, be ti-man sa'n, an `sie amun su .›

Zeremi 5:21 ပူးပေါင်းရင်းမြစ်များ

Jue Mun 94:8

Sinnglinfuɛ tɛ mun, amun `nian amún wun kpa. ?Komofuɛ mun, blɛ onin ko yɛ amun ´si ngwlɛlɛ-ɔ?

Nyanndra Mun 17:16

?Sinnglinfuɛ'n i sa nun sika'n, ɔ fa yo nguɛ ye? ?Ɔ fa to ngwlɛlɛ-ɔ ɔ yo ye? Kannzɛ be to bɔbɔ-ɔ, i sinnzin'n ti ɔ kwla to-man.

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Ezai 43:8

Nvle bɔ i nunfuɛ'm be nyinma'm be o lɛ bɔ sanngɛ be wun-man ase'n, bɔ bé su'm be o lɛ bɔ sanngɛ be ti-man sa'n, man be yi be fite wa.

Ezai 44:18

Be nga be yo sɔ'n, be si-man sa fi, be lɛ-man ngwlɛlɛ fi. Be nyinma'n ti katawa, i ti be wun-man ase. Be akunndan'n su ti katawa, i ti be wun-man sa wlɛ.

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 5:20

«Be `kan ndɛ nga nan Zakɔb i osu nunfuɛ'm be ti. Be `bo i jɔ Zida lɔ be `se kɛ:

Zeremi 5:4

N waan: «Sran nga be ti-man nanndoliɛ mun-ɔn. Be si-man sa, afin be si-man Anannganman i atin'n, mmla ng'ɔ ti i cinnjin'n, be si-mɛn i.

Zeremi 6:10

?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Zeremi 7:13

Amun kusu, sa nga amun yoli i lɛ'n ti'n, m boli amun ndɛ kan klelɛ'n bo nglɛmun nun. N kan n flannin nun lelele, nán tielɛ yɛ an ko tie-ɔ. N flɛli amun lelele, nán min su yɛ an ko tɛ-ɔ.

Zeremi 8:7

Anunman'n bɔbɔ b'ɔ tu sin'n, ɔ si i bo tulɛ blɛ. Crikoli, nin alialia'n, ɔ nin nannin anunman'n, be kusu be sie lika'n nzɔliɛ, be si be sin salɛ blɛ, sanngɛ min sran'm be si-man min Anannganman min mmla mun.› »

Ezekiɛl 12:2

«Klɔ sran, a o sran bɔ bé nyin su ti kekle'n be afiɛn. Be lɛ nyinma, ɔ fata kɛ be wun ase, sanngɛ be wun-man ase, be lɛ su kɛ be ´fa ti sa, sanngɛ be su sɔ'n wo lɛ ngbɛn ɔ ti-man sa. Afin be ti sran bɔ bé nyin ti kekle .

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.

Zakari 7:11

Sanngɛ b'a sie-man be su, be yoli nyin kekle.

Marc 4:12

nan kɛ be niɛn i kpa'n, b'a wun-mɛn i, yɛ kɛ be ti i kpa'n, b'a wun-mɛn i wlɛ nan b'a sa-man be sin Nyanmiɛn wun, nan ɔ'a yaci-man bé wun sa'n ɔ'a cɛ-man be .»

Marc 8:18

?Amun nyinma'n wo lɛ ngbɛn, an wun-man ase? ?Amún su'n wo lɛ ngbɛn, an ti-man sa ?

Jean 12:40

«Nyanmiɛn kacili be anyansifuɛ, ɔ man be keteli. Ɔ yoli sɔ nan be nyinma a wun-man ase, nan b'a wun-man sa wlɛ, nan b'a sa-man bé sin min wun nan m'an yo-man be juejue.»

Sa nga bé yôli'n 28:26

ɔ seli kɛ: ‹Kɔ sran sɔ'm be sin, se be kɛ: Amun wa ti i kpa, sanngɛ an su wun-mɛn i wlɛ le. Amun wa niɛn i kpa, sanngɛ an su wun-mɛn i mlɔnmlɔn.

Rɔmfuɛ Mun 1:20

Sran nyinma wun-man Nyanmiɛn'n, sanngɛ kɛ ɔ fin cɛn ng'ɔ yili mɛn'n, ninnge kwlaa ng'ɔ yo be bɔ be wun be'n, ɔ man be wun i wlɛ weiin kɛ Nyanmiɛn o lɛ yɛ ɔ kwla sa'n kwlaa yo. I sɔ'n ti be lɛ-man ndɛ fi .

Mmla'n 29:3

Sanngɛ kɛ ɔ fɛ i lele b'ɔ ´fa ju ndɛ'n, Anannganman nian man-man amun ngwlɛlɛ kɛ amun fa wun sa sɔ'm be wlɛ. Amun nian wun-man ase, amún su'm be nian ti-man sa.

Mmla'n 29:4

Ɔ dunnin amun nyrun mmua aawlɛ flɛnnɛn'n nun, amun tralɛ'm b'a titi-man amún wun, amun ngbabua'm b'a kpɛkpɛ-man amun ja bo.

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?