Zeremi 5:2 - NYANMIƐN NDƐ'N 1998

² Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Zeremi 5:2 ပူးပေါင်းရင်းမြစ်များ

Ezai 48:1

Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Zeremi 44:26

Ndɛ nga Anannganman'n kusu kan'n yɛ ɔ o yɛ. Amun kwlaa amun `sie amún su tie. I waan: N kan m bɔbɔ min Nyanmiɛn kpli'n min ti kɛ yoo: amun Zidafuɛ nga amun wo Ezipt wa yɛ'n, nán amun fa min dunman be ta nda kɛ n kan Anannganman Nyanmiɛn kpli'n kun.

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Zeremi 9:2

«B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 10:4

Be yia be ijɔ lelele ngbɛn, be ta ato nda mun, be nin nvle wie'm be tra aenguɛ yɛ be kpɛ anuansɛ'm be ba. Sanngɛ sa ndɛnman su yolɛ'n ɔ'a yo bé sa nun kɛ ijre tɛ wie sa. Kɛ a nian-an, lika weiin ɔ'a fu.

Ndɛ Nga Nyanmiɛn I Nuan Ijɔfuɛ Oze Kannin'n 4:15

Izraɛl, sɛ a ´si ɔ tekle'n, nán man Zida si wie. Min lika ng'ɔ o Gilgal lɔ'n, nán an wɔ lɔ, nán an wɔ be ju Bɛt-Avɛn lɔ, be ko ta nda se kɛ: «N kan Nyanmiɛn!»

Saun Yolɛ 19:12

Sɛ amun ´kan ndɛ-ɔ, nán an bo min dunman liɛ'n sa ngbɛn kɛ wie-ɔ: n kan Nyanmiɛn, bɔ amun fa i sɔ'n kpɛ gblɛ-ɔ. I sɔ'n ti min dunman'n i finfin yolɛ. Min yɛ n ti Anannganman amun Nyanmiɛn nin-ɔn.

Sofoni 1:5

Sran nga be fu sua'm bé ti'n su be koto nzraama'm be bo'n, ɔ nin be bɔ be koto Anannganman'n bo be tɛ i nda kpɛkuun be kunngba'n be ta amuɛn Milkɔm nda'n, n ´nunnun be.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

2 Timote 3:5

be ´yo bé wun kɛ be sro Nyanmiɛn sa, sanngɛ be su lafi-mɛn i su kɛ ɔ kwla sa yo. Nán fa ɔ́ wun mantan sran sɔ mun.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.