Zeremi 5:19 - NYANMIƐN NDƐ'N 1998

¹⁹ Sɛ be usa kɛ: ‹?Sanngɛ ɔ yo sɛ ti yɛ Anannganman e Nyanmiɛn'n yoli ye sa-a?› Tɛ be su kɛ: ‹I nun bɔ amun wo amun bɔbɔ amun mɛn'n nun lɔ'n, amun yacili min lɛ ko suli nvle uflɛ'm be nun amuɛn mun, i sɔ'n ti kusu yɛ man amun wa kɔ mɛn uflɛ nun amun ´ko su sran uflɛ mun nin-ɔn.› »

Zeremi 5:19 ပူးပေါင်းရင်းမြစ်များ

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 16:13

I sɔ'n ti, n ´to amun n ´guɛ i mɛn wie nun. Amun ´kɔ mɛn kun bɔ amún si'm b'a si-mɛn i bɔ amun kusu amun si-mɛn i'n nun. Amun ´su like wie mun lɔ kɔnguɛ nin wia su, afin n su si-man amun aunnvuɛ kun.› »

Zeremi 17:4

Aja nga n fa mannin amun'n, amun bɔbɔ ti man ɔ ´fi amun sa. N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n amu'an sɔ i nuan. Ɔ ´jue lele be yo i like fi-ɔ ɔ su yo-man ye.

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Zeremi 2:14

«?Izraɛl ti kanga? ?Ɔ ti afanniɛn ba? ?Cɛcɛ, yɛ ɔ yo sɛ ti yɛ man be trɛ i be kɔ kɛ be su di afɛn sa nin-ɔn?

Zeremi 2:35

Sanngɛ a blu sa ng'ɔ o lɛ'n su a ko se kɛ: «M'an yo-man sa, nán ɔ fa mín wun ya sɔ. Selɛ nga a seli kɛ w'a yo-man tɛ'n ti e nin wɔ y'a nyɛn i.»

Zeremi 5:18

Sanngɛ Anannganman waan: ‹I blɛ sɔ'n nun bɔbɔ'n, n su nunnun-man amun ngba.›

Zeremi 5:20

«Be `kan ndɛ nga nan Zakɔb i osu nunfuɛ'm be ti. Be `bo i jɔ Zida lɔ be `se kɛ:

Zeremi 9:12

Anannganman'n waan: «Be yili mmla nga n fa mannin be'n i ase'n ti-ɔ. B'a tie-man min aniɛn'n ti-ɔ. B'a nian-man su b'a nanti-man'n ti-ɔ.

Zeremi 9:13

Baal bɔ bé si'm be kleli be'n, be waan i su cɛ yɛ be ´su-ɔ.»

Ngwlɛ Yilɛ 5:8

Kanga'm b'a kaci e min, e nyan-man sran nan ɔ'a de e bé sa nun .