Zeremi 5:17 - NYANMIƐN NDƐ'N 1998

¹⁷ Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Zeremi 5:17 ပူးပေါင်းရင်းမြစ်များ

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Ezai 62:9

Sanngɛ be nga be ´kpɛ ble'n, be yɛ be ´di ble sɔ nin-ɔn, yɛ be ´manman Anannganman-an. Yɛ be nga be ´ti vinyi'n i su mma'n be yɛ be ´nɔn nzan'n min sua'n i awlo'n klun nun lɔ-ɔ.»

Ezai 65:22

Be su kplan-man sua be yaci man-man sran wie kɛ ɔ tran nun. Be su ta-man waka be yaci man-man sran uflɛ kɛ ɔ di i su mma. Afin min nvle'n nunfuɛ'm be ´cɛ cɛcɛcɛcɛ. Yɛ min sran kpa'm be ´di be bɔbɔ bé sa nuan ninnge'm be su.

Zeremi 1:15

Nian, n wa flɛ famiɛn diwlɛ ng'ɔ o Izraɛl mɛn'n i nglo lɔ'n i nun nin akpasua kunngun'm be nun sran mun kɛ be bla. Be wa kpɛ be ngblaliɛ mun Zerizalɛm anuan'n nun Zerizalɛm klɔ'n i talɛ'm be wun sɛsɛsɛ ɔ nin Zida klɔ'm be talɛ'm be wun.

Zeremi 25:37

Anannganman'n i ya dan'n b'ɔ fali'n ti, bua'm be tuin'n nglanman'm b'a tɔ bliin.

Zeremi 4:26

Mɛn'n bɔ laa lɔ asiɛ'n yo like ye'n, siɛn'n ɔ'a kaci aawlɛ flɛnnɛn. I klɔ'm be ngba b'a wie nunnun Anannganman'n b'ɔ su ba'n ti, Anannganman i ya dan'n ti.

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Zeremi 5:18

Sanngɛ Anannganman waan: ‹I blɛ sɔ'n nun bɔbɔ'n, n su nunnun-man amun ngba.›

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Zeremi 50:7

Be bɔ be nin be yia nun'n, be di be. Be kpɔfuɛ'm be se kɛ: ‹Be bɔbɔ yɛ be yoli bé wun-ɔn, afin be fɔnnin Anannganman'n i wun. I bɔ yɛ man be ko nyan bé ti'n, i bɔ yɛ bé nannan'm be fa cici bé wla'n, be fɔnnin i wun.›

Zeremi 8:13

«N klo kɛ n ´nunnun be. N nian-nian vinyi'n su, n wun-mɛn i mma. Man nian figie'n su, n wun-mɛn i mma. I nnya'n ɔ'a blo. M'an fa m'an man sran nga be sin mun .»

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Ngwlɛ Yilɛ 2:12

Be usa bé nin'm be kɛ: «Ninfan yɛ e ´nyan like kan e ´di-ɔ?» Kpɛkuun b'a glɔ gua'n su lɛ. A ´nian-an, b'a jɔ be nin'm bé sa nun.

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ezekiɛl 36:4

Nan yo, Izraɛl oka mun, amun `tie Anannganman Nyanmiɛn i ndɛ'n b'ɔ kan kle amun. Oka mun, kpɔlɛ mun, nin nzue kanngan mun, kongo mun, lika buebue mun, klɔ bɔ be fɛnnin amun nun ninnge mun bɔ amun yoli nvuɛn'n, bɔ be srili amun'n, Anannganman Nyanmiɛn kan ndɛ kle amun.

Ndɛ Nga Nyanmiɛn I Nuan Ijɔfuɛ Oze Kannin'n 2:12

N wa sokpɛ i i soman'm be nyrun, n wun-man sran kun nga b'ɔ ´ko de i mín sa nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Zoɛl 2:3

Like kwlaa nga be to i'n, be saci i, kpɛkuun bé sin wa lika wlolo'n ngbɛn yɛ ɔ ka lɛ kɛ sin wie bɔ ɔ'a yra lika ɔ'a sin'n sa. I blɛ nga bɔ be nian sin-man'n, asiɛ'n su lika'n ɔ ti bo kɛ Edɛni liɛ'n sa. Sanngɛ kɛ be sinnin'n, be sin wa'n ɔ yoli nyrɛnnɛn ngbɛn. Afin lika ng'ɔ kali bé sin, ɔ yoli kɛ aawlɛ flɛnnɛnnɛn sa. B'a yaci-man like fi lɛ.

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Sofoni 3:6

«N nunnunnin nvle wie mun mlɔnmlɔnmlɔn, be sasawlɛ sua mun bɔ be ti nglo sua'n, bɔ be o klɔ'm be cɔnjɔ'm be su'n, m bubuli be. Be akpɔ'm be tɔli srololo, m bubuli be klɔ mun, sran fi ijɔ-man be su kun.

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .