Zeremi 5:10 - NYANMIƐN NDƐ'N 1998

¹⁰ Be `fu Zerizalɛm i vinyi'm be su be saci be, sanngɛ nán be nunnun be mlɔnmlɔn. Be `kpɛ vinyi sa mun, afin be ti-man min liɛ.

Zeremi 5:10 ပူးပေါင်းရင်းမြစ်များ

2 Be Nyoliɛ 12:4

Be fali Zida klɔ nga be sili bé wun'n, be ɔli lele be juli Zerizalɛm.

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Zeremi 2:21

Kusu n kpali wɔ kɛ be kpa vinyi mma kpa'n sa yɛ n tali wɔ-ɔ. N tali wɔ kɛ vinyi wie bɔ fiɛn kaan sa nun-mɛn i wun'n sa. ?Ɔ yo sɛ yɛ man a wa kaci yoli blo vinyi nin-ɔn?

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 30:11

Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»

Zeremi 39:8

Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Zeremi 4:27

Anannganman'n kannin kɛ yoo: «Mɛn wunmuan'n ɔ ´wie saci, sanngɛ n su wie-mɛn i nunnun mlɔnmlɔn.

Zeremi 46:28

Anannganman waan: ‹Izraɛlfuɛ mun, bɔ amun ti min sufuɛ mun, nán srɛ kun amun. Mɛn nga n yoli man amun bo sanndili be nun'n, n ´nunnun be. Amun liɛ'n, n su nunnun-man amun. Sa ng'ɔ fata kɛ n fa yo amun'n yɛ n ´fa yo amun-ɔn. Afin n yaci cɛ amun sɔ-ɔ ɔ yo-man ye.› »

Zeremi 5:11

Yɛlɛ kɛ i Zida nvle nin o, i Izraɛl nvle nin o be nin min b'a nanti-man klanman.» Anannganman yɛ ɔ kan sɔ-ɔ.

Zeremi 5:18

Sanngɛ Anannganman waan: ‹I blɛ sɔ'n nun bɔbɔ'n, n su nunnun-man amun ngba.›

Zeremi 5:9

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu be su-ɔ?

Ezekiɛl 12:16

Sanngɛ n ´yo man sran wie'm be fin alɛ'n nun be fite, awe nin tukpacɛ b'ɔ sa ndɛndɛ'n be su kun-man be. Be sɔfuɛ'm be ´ko kan be tete sa nga be yoli i ndɛ ´kle nvle nga be ´tran be nun mun, kpɛkuun nvle sɔ'm be nunfuɛ'm be kusu be wa si jrɛiin kɛ min yɛ n ti Anannganman nin-ɔn.› »

Ezekiɛl 14:17

«Sɛ n fa alɛ n yi mɛn sɔ'n su'n, nan n se alɛ kunfuɛ'm be kɛ be `tɔ mɛn'n i lika kwlaa su be `saci i nan be `nunnun sran nin nnɛn mun'n,

Ndɛ Nga Nyanmiɛn I Nuan Ijɔfuɛ Oze Kannin'n 1:9

Anannganman seli Oze kɛ: «Flɛ i kɛ Aofuɛ, afin nán min sran yɛlɛ amun kun, amun kusu nán amun like fi yɛlɛ min kun.»

Amɔs 9:8

Anannganman Nyanmiɛn b'ɔ sie mɛn wunmuan'n i nyin ta Izraɛl famiɛn'm be kwlaa bɔ sa tɛ'n yɛ ɔ ti be like yɛ be yo'n, ɔ ´nunnun be asiɛ'n su. Sanngɛ ɔ'a se-man kɛ ɔ ´nunnun Zakɔb anunman'm be ngba.

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.