Zeremi 5:1 - NYANMIƐN NDƐ'N 1998

¹ Anannganman waan: «An `wlan-wlan Zerizalɛm akpɔ'm be su. An `nian-nian, an `usa usa. An `nian anyia lika'm be nun. Sɛ amun wun sran wie b'ɔ fa mmla su bɔ nanwlɛ atin'n yɛ ɔ kunndɛ fa'n, n ´yaci Zerizalɛm i wun sa'n n cɛ i .»

Zeremi 5:1 ပူးပေါင်းရင်းမြစ်များ

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

2 Be Nyoliɛ 16:9

Afin ɔ nian-nian asiɛ wunmuan'n su nan ɔ ´suan be nga be fa bé wla'n kwlaa guɛ i su'n bé bo. A nin Izraɛl famiɛn'n be afiɛn ndɛ nga nun liɛ'n, a yoli sinnzin. I ti kɛ ɔ fin ndɛ'n, be ´fa alɛ wla wɔ sin sa tititi.»

Jue Mun 12:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru ng'ɔ lɛ nyanman mɔcuɛ'n. I waan:

Jue Mun 14:2

Anannganman o nyanmiɛn su lɔ ɔ nian sran mun nian sɛ ngwlɛlɛfuɛ wie o be nun b'ɔ ´fɛ i wun mɛntɛn i o!

Jue Mun 14:3

Be kwlaa b'a yaci atin kpa'n, be kwlaa b'a saci. Be nun wie fi yo-man sa kpa bɔ kun. Ɔ lɛ-man be nun bɔ kun .

Jue Mun 94:16

?N ´nyan wan yɛ ɔ nin klunwifuɛ'm be ´kun man min-ɔn? ?N ´nyan wan yɛ ɔ nin sa tɛ yofuɛ'm be ´yia nun man min-ɔn?

Nyanndra Mun 20:6

Sran'm be pɛ lika be yi be bɔbɔ bé wun ayɛ. Sanngɛ sran ng'ɔ ti kpa'n be kunndɛ i-ɔ, be nyɛn-mɛn i.

Nyanndra Mun 23:23

Sɔnnzɔn nanwlɛ dilɛ'n, sɔnnzɔn akunndan bulɛ'n, kunndɛ sa silɛ'n, yo sa cɛcɛ yofuɛ, i sɔ ninnge kpakpa liɛ mun'n, kɛ bé ti ko sin ko yia wɔ'n, nán ɔ́ nyin kpa wie fi su.

Nyanndra Mun 8:3

Klɔ'm be anuan'm be nun yɛ ɔ tran-an, awlo'm be nun nin akpɔ dandan'm bé nuan yɛ ɔ jran yɛ ɔ kpan-an.

Ngɔjue Fɛfɛ Kpa'n 3:2

Yɛ n waan n wa jaso m bo sin yia klɔ'n, min waan n ´sin akpɔ'm bé su kan sran'm be yia lɛ'n, min waan n ´ko kunndɛ n sran bɔ n klo i'n. Kɛ n kunndɛli i lele'n, m'an wun-mɛn i.

Ezai 59:4

Gblɛ sa'm be su yɛ amun kwlaa amun jran be sanman be wiengu-ɔ. Yɛ amun kwlaa amun bua ato jɔlɛ difuɛ'm be nyrun. Amun lafi ninnge ngbɛn-ngbɛn'm be su yɛ amun kan ndɛ bɔ ti-man ndɛ nin-ɔn. Amun bu klunwi yolɛ'n i akunndan, kpɛkuun i agualiɛ su'n, sa tɛtɛ'n yɛ amun yo-ɔ.

Zeremi 2:29

Anannganman'n usa kɛ: «?Ɔ ju sɛ ti yɛ man min yɛ amun nin min lɛ i-ɔ? Amun kwlakwla amu'an fɔnndɔn min.

Zeremi 44:15

Kɛ Zeremi kannin i sɔ ndɛ liɛ'n, yasua nga be o lɛ bɔ be si jrɛin kɛ bé yi'm be yra ansans be man amuɛn mun'n, ɔ nin bla kpanngban nga be o lɛ'n, man e kpɛ kpo e se kɛ be kwlaa nga be ko trannin Patrɔs Ezipt mɛn nun'n, be tɛli i su kɛ:

Zeremi 8:6

N sie mín su kpa n ti nga be kan'n. N wun kɛ ɔ ti-mɛn i su. Be nun kun sa koko-mɛn i sa tɛ'n ti, ɔ se-man kɛ: ?Nguɛ sa yɛ n yo i sɔ-ɔ? Be kwlaa be wanndi kɔ be nyrun ndɛnman su kɛ nnɛn kpanngɔ wie b'ɔ su wanndi kɔ alɛ kunlɛ sa.

Zeremi 9:2

«B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Zeremi 9:7

Bé nuan'n ti kɛ cua bɔ duwlɛ wo i ti'n sa. Gblɛ ndɛ mun yɛ be kan-an. Be fa bé nuan'n be fa fɔnvɔ be wiengu mun. Kusu wuun be bu bé wun akunndan tɛ be sua-suali be wun aya.»

Ezekiɛl 22:30

N kunndɛ sran kun b'ɔ ´kwla kplan talɛ kun sin yia mɛn'n, annzɛ b'ɔ ´kwla jran talɛ'n i buebue'n nun kpli mɛn'n i ti nan m'an saci-mɛn i. Sanngɛ n wun-man sran bɔ kun sa.

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.

Daniɛl 12:4

Wɔ Daniɛl, fa ndɛ nga sie ɔ klun, nán yi fluwa nga i nun ndɛ'n i nglo kle sran fi ka nan awieliɛ blɛ'n ɔ'a ju. Blɛ sɔ nun'n, sran kpanngban kpa be ´kanngan nun, yɛ be silɛ'n ɔ ´uka su .»

Zoɛl 2:9

Be sanndi klɔ'n nun. Be fu klɔ'n i wun talɛ'n su be wanndi su. Klɔ'n wun talɛ'n, be fu su. Be wluwlu sua'm be nun, be sin fenɛtri'm be nun kɛ awiefuɛ'm be sa.

Amɔs 8:12

Be ´wlan mɛn nun sa daan ngbɛn. Be ´fɛ i ngua lɔ lele be ´ko guɛ i wia atɔliɛ lɔ. Be ´fɛ i nglo lɔ lele be ´ko guɛ i wia afiliɛ lɔ. Be ´wlan kunndɛ Anannganman'n i nuan bo ndɛ be ´ti, sanngɛ be su ko nyɛn-mɛn i be ko ti-mɛn i le.

Zakari 2:4

N usɛli i kɛ: «?Be wa yo nguɛ?» Ɔ tɛli min su kɛ: «Nvle sroesroe nga be kejeli Zidafuɛ'm be nun b'ɔ man be fite be bie-man'n, blalɛ bofuɛ sɔ'm be bali be wlanwlanlɛ. Be wɛ bɔ be fa sanngan Zidafuɛ'm be nun'n be bɛli i bubulɛ.»

JÉSUS-CHRIST I DYASIN FE'N BO LUC KLELI'N 14:21

Kɛ sran sɔ'n sɛli i sin awlo lɔ'n, ɔ kannin be ngbata sɔ'n kleli i min'n. Yɛ awlo bo kpɛn sɔ'n fali ya ɔ seli i sran'n kɛ: ‹Kɔ guasu lɔ nin klɔ'n nun atin-atin'm be su ndɛndɛ, ko flɛ yalɛfuɛ mun nin be bɔ bé sa nin bé ja ti wuwa'n, nin anyansifuɛ mun, ɔ nin cɛcɛwafuɛ mun man be bla.›

2 Tɛsalonikfuɛ Mun 2:10

Ɔ ´fa sa tɛtɛ wafa'n kwlaa lakalaka be. Be nga be su mlin'n, ndɛ nanwlɛ b'ɔ man be kwla nyan bé ti'n bɔ be klo-mɛn i, bɔ b'a fa-man su'n ti.