Zeremi 49:8 - NYANMIƐN NDƐ'N 1998

⁸ Dɛdanfuɛ mun, an `kaci amun ja sin be `wanndi! An `ko tran yɛbuɛ buɛ'm be nun. N su fa nyrɛnnɛn'n n ´yi Ezau i osu'n nunfuɛ'm be su. Be fɔ tulɛ blɛ liɛ'n ɔ'a ju.

Zeremi 49:8 ပူးပေါင်းရင်းမြစ်များ

Ezai 2:21

Anannganman i ya dan'n nin i nyrun b'ɔ yo sro'n ti'n, sran'm be ´wlu yɛbuɛ buɛ'm be nun, be ´wanndi. Afin Anannganman ɔ wa jaso, ɔ ´wlanwlan asiɛ'n sufuɛ mun.

Ezai 21:13

Arab mɛn'n i wun ndɛ. Dɛdanfuɛ mun, amun bɔ amun wlan-wlan sin'n, kɔnguɛ amun la Arabfuɛ'm bé bo'n nun.

Ezai 34:5

Anannganman'n waan i tokofi'n ɔ'a bo kɛ sran bɔ ɔ'a nɔn nzan'n ɔ'a bo'n sa. Nian, ɔ wa tɔ Edɔm mɛn'n su. Afin Anannganman waan be `nunnun nvle sɔ'n .

Zeremi 25:23

N fa mannin Dɛdanfuɛ mun, nin Temafuɛ mun, nin Bizfuɛ mun, ɔ nin be nga be yi be fuka'n su akanza'n mun .

Zeremi 46:21

Sonja nga Eziptfuɛ'm be fali be bɔ be tannin be kalɛ'n, be nian-man be lika ngɔwi. Sanngɛ b'a ju-man nun, be kacili bé ja sin wie. Ɔ lɛ-man be nun kun. Cɛn kekle nun'n, kɛ e nin be e yiali nun'n, be jrannin min nyrun-ɔn ɔ'a yo-man ye.

Zeremi 48:28

An `yaci klɔ'm be lɛ, an `ko tran yɛbuɛ-yɛbuɛ'm be nun. An `yo kɛ auble'm be sa. Amun `yo kɛ auble'm bɔ be yo be sua yɛbuɛ ng'ɔ seli piaa i wun'n sa.

Zeremi 48:44

«Sran ng'ɔ wanndi nan sa sroesroe'n ɔ'a nyɛn-mɛn i'n ɔ ´tɔ kunman'n nun. Sran ng'ɔ fin kunman'n nun fite'n, ɔ ´tɔ zɔ'n nun. Blɛ nga e nin Moab e wa yia nun'n, sa nga bɔ m man ɔ ´tɔ i su'n yɛ ɔ o lɛ-ɔ.» Anannganman'n yɛ ɔ kan sɔ-ɔ.

Zeremi 48:6

An `wanndi wa be wɔ. Sran ng'ɔ kwla wanndi-ɔ, ɔ `kpli i bɔbɔ i ti. Amun `wɔ aawlɛ flɛnnɛn'n nun lɔ kɛ blo aflunmun sa.

Zeremi 49:30

Azɔrfuɛ mun, an `wanndi, an kan amun wun. An `ko fia yɛbuɛ kunman'm be nun. Babilɔni famiɛn Nɛbikadnɛzar ɔ'a bu amun wun akunndan tɛ. Gugulɛ nga ɔ'a gugu amun wun'n ti-man blɛblɛ.» Anannganman'n yɛ ɔ kan sɔ-ɔ.

Zeremi 49:32

Be kpɔfuɛ'm be `fa be nyɔnngɔnmɛn mun nin be nnɛn'm be kwlakwla be `fa yo be liɛ. N ´kpaja be kɛ ble bɔ be kpaja bɔ aunngban'n fa tru lika'n nun'n sa. N ´kpaja be kwlaa sɔ nga be yi be akanza'n lele kpɛn lɔ'n. N ´yo man nyrɛnnɛn ´fin wa ´fin wa yɛ ɔ ´tɔ be su-ɔ .» Anannganman'n yɛ ɔ kan sɔ-ɔ.

Zeremi 50:27

Be `kun be sonja kpakpa mun. Be `kpɛ be kɔmin kɛ be kpɛ nnɛn kɔmin nnɛn kunwlɛ lɔ'n sa. Be blɛ liɛ'n juli, be liɛ wieli. Be fɔ tulɛ blɛ'n juli.

Zeremi 6:1

«Bɛnzamɛn i osu nunfuɛ mun, an `jaso Zerizalɛm be ko fia. An `bo awɛ Tekoa lɔ. An `sie nzɔliɛ kun Bɛt-Akerɛm lɔ. Nyrɛnnɛn dan kpa kun fin mɛn'n i nglo lɔ su ba.

Ezekiɛl 25:13

I sɔ'n ti'n, Anannganman Nyanmiɛn wan yoo: N ´yi min kwlalɛ bɔ n kwla'n i nglo yɛ e nin Edɔm e ´nyɛn i. N ´nunnun sran nin nnɛn nga be o mɛn sɔ nun'n. Kɛ ɔ fɛ i Teman klɔ'n su lele b'ɔ ´fa ju Dɛdan klɔ'n su'n, n ´yo man lɛ lika'n ɔ kaci aawlɛ flɛnnɛn. Alɛ ´di i nun sran mun.

Malasi 1:3

kpɛkuun m'an klo-man Ezau sa wie. A kpɛn i lika'n nun oka'm be su sa'n, ɔ ti nyrɛnnɛn ngbɛn, n fɛli i lika'n m mannin aawlɛ flɛnnɛn'n nun nsoso mun.

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.

Sa nglô yile 6:15

Yɛ asiɛ'n su famiɛn mun, nin sran kaklaakla mun, nin sonja sasufuɛ mun, nin anyanbeunfuɛ mun, nin yakpafuɛ mun, nin sran'm be kwlaa, kanga mun o, diewa mun o, be wanndi fiali buɛ'm be nun nin oka'm be su yɛbuɛ dandan'm be bo .

Jɔlɛ Difuɛ Mun 6:2

Kɛ Madianfuɛ'm be ko kle Izraɛlfuɛ'm be yalɛ'n yɛ be kleli be-ɔ. Kɛ ɔ ko yo nan Izraɛlfuɛ'm b'a nyan bé ti Madianfuɛ'm bé sa nun'n ti be fia oka'm be kɔtɔka'm be nun, nin yɛbuɛ buɛ'm be nun, ɔ nin oka be su yɛbuɛ godogodo'm be nun.

1 Samiɛl 13:6

Izraɛlfuɛ'm be ´nian-an, Filistifuɛ mun b'a mantan be koko kpa, kɛ be wun-man bé wun fɛ'n, be ko fiali yɛbuɛ buɛ'm be nun, wie'm be ko fiali susrɛ'm be nun, nin yɛbuɛ dandan'm be afiɛn, nin lika nga be sisili bé wun'n be nun, ɔ nin nzue gbo'm be nun lɔ.