Zeremi 49:7 - NYANMIƐN NDƐ'N 1998

⁷ Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Zeremi 49:7 ပူးပေါင်းရင်းမြစ်များ

Bo Bolɛ 25:30

Ɔ seli Zakɔb kɛ: «Zakɔb, yaci man n di wɔ akpesi nyrun zoun nga wie, m'an fɛ ngboko.» (I ti yɛ be flɛli i kɛ Edɔm nin-ɔn.)

Bo Bolɛ 27:41

Bé si i nuan b'ɔ yrali mannin Zakɔb'n ti, Ezau i nyin cili Zakɔb. Ɔ seli i klun lɔ kɛ: «Baba su cɛ-man kun. Sɛ ɔ wu'n, n ´kun Zakɔb.»

Bo Bolɛ 32:3

Kɛ Zakɔb wunnin be'n, ɔ kpan seli kɛ: «Yoo! Nyanmiɛn i ngblaliɛ yɛ!» Nan ɔ'a tɔn lika sɔ'n i dunman kɛ Maanaim. I bo'n yɛlɛ ngblaliɛ nnyɔn.

Bo Bolɛ 36:11

Elifaz kusu wuli Teman, nin Ɔmar, nin Zɛfo, nin Gaɛtam yɛ Kɛnaz.

Bo Bolɛ 36:15

Ezau i osu'n nun awlobo kpɛnngbɛn mun yɛ: nannan Teman, nannan Ɔmar,

Bo Bolɛ 36:34

Kɛ Zɔbab wuli'n, Isam b'ɔ fin Temanfuɛ'm be akpasua'n su'n yɛ ɔ sinnin i osu-ɔ.

Bo Bolɛ 36:8

Kɛ Ezau i Seir oka'n su tranlɛ'n yoli sa. Ezau kunngba'n yɛ be flɛ i kɛ Edɔm nin-ɔn.

1 Be Nyoliɛ 1:53

Kɛnaz, nin Teman, nin Mibzar, nin

Zɔb I Nyrɛnnɛn Wunlɛ 2:11

Zɔb i janvuɛ nsan be tili nyrɛnnɛn ng'ɔ tɔli i su'n i kwlaa, yɛ be fin be mɛn'm be nun lɔ be bali-ɔ. I janvuɛ sɔ mun yɛlɛ Elifaz b'ɔ fin Teman'n, yɛ Bildad b'ɔ fin Siak'n, yɛ Zɔfar b'ɔ fin Naama'n. Bé bo yoli kun kɛ be wa koko Zɔb nan be ´fɔnvɔ i.

Zɔb I Nyrɛnnɛn Wunlɛ 4:1

Elifaz b'ɔ fin Teman'n waan:

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Ezai 21:11

Dima i wun ndɛ. Be kpan flɛ min Seir lɔ, be usa min kɛ: «?Wɔ bɔ a sasa lika'n kɔnguɛ'n, kɔnguɛ'n i nun ndɛ ti sɛ? ?Wɔ bɔ a sasa lika'n kɔnguɛ'n, kɔnguɛ'n i nun ndɛ ti sɛ?»

Ezai 29:14

I sɔ'n ti, n wa yo man bé nuan'n ´bo bé wun. N wa yi atrɛ mun yɛ n ´yo abonuan sa mun. Akunndanfuɛ'm be akunndan'n ɔ ´mlin, yɛ ngwlɛlɛfuɛ'm be ngwlɛlɛ'n ɔ ´fia .»

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 25:21

N fa mannin Edɔmfuɛ mun, nin Moabfuɛ mun, ɔ nin Amɔnfuɛ mun.

Zeremi 25:23

N fa mannin Dɛdanfuɛ mun, nin Temafuɛ mun, nin Bizfuɛ mun, ɔ nin be nga be yi be fuka'n su akanza'n mun .

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 49:20

Edɔm wun akunndan nga Anannganman ɔ'a fa'n, an `tie. Temanfuɛ'm be wun gugulɛ nga ɔ'a gugu'n, an `tie. Ɔ ti nanwlɛ weiin, be ´fa be kɔ kɛ bua mun sa, ba kun sa su ka-man lɛ. Ɔ ti nanwlɛ weiin, be ´saci be tranwlɛ'n mlɔnmlɔn.

Zeremi 8:9

Ngwlɛlɛfuɛ'm b'a wun nyannzuɛn. Srɛ'n ɔ'a kun be kpo, b'a mian. Yɛlɛ kɛ be yoli Anannganman i ndɛ'n i finfin. ?Yɛ wuun kɛ ɔ o lɛ'n, be si ngwlɛlɛ?»

Ngwlɛ Yilɛ 4:21

Edɔmfuɛ mun, amun li man amun klun jɔ, amun `bo sro. Sanngɛ fɔ bulɛ'n ɔ wa tɔ amun su wie. Ɔ ´yo kɛ nzan sa, amun ´nɔn ´bo. Amun ´kpɛ bé bo nyanman nun .

Ezekiɛl 32:29

Nian, Edɔmfuɛ'm be famiɛn mun nin be wlengbi mun be o lɛ wie. Ɔ nin be yakpa nga be ti'n i ngba'n, be yoli be kɛ sran kun nga alɛ'n ɔ dili be'n be sa. Be sieli be asiɛ'n i bo lɔ kɛ be sieli be nga b'a wla-man be klɛn'm be sa.

Daniɛl 11:41

Ɔ ´fa mɛn ng'ɔ ti klanman tra mɛn'm be kwlakwla'n, ɔ ´kun lɛ sran kpanngban kpa. Sanngɛ Edɔmfuɛ mun, nin Moabfuɛ mun, ɔ nin Amɔnfuɛ'm be safunyrɛn dandan'm be ´nyan bé ti, ɔ su nyan-man be.

Abakik 3:3

Nyanmiɛn fin Teman lɔ ba. Nyanmiɛn bɔ i nzuɛn nin klɔ sran liɛ'n ti-man kun'n, ɔ fin Paran oka'm be su lɔ ba. Nglo lɔ'n, i nyɛnmɛn b'ɔ ti'n, ɔ fite su lika'n kwlaa, yɛ asiɛ'n sufuɛ'm be kwlaa be mɛnmɛn i.

Mmla'n 23:7

Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.