Zeremi 49:5 - NYANMIƐN NDƐ'N 1998

⁵ Anannganman b'ɔ sie mɛn wunmuan'n wan yoo: ‹Sa nga n ´fa yi amun su'n su yo-man blɛblɛ. Ɔ fin wa ɔ fin wa yɛ ɔ ´tɔ amun su-ɔ. Amun ´bo je, sran kun sa su sɔ-man amun nun.

Zeremi 49:5 ပူးပေါင်းရင်းမြစ်များ

2 Famiɛn Mun 19:7

Nian, Asiri famiɛn'n wa ti ndɛ kun, kpɛkuun n ´fa akunndan kun n ´wlɛ i ti nun. Ɔ ´sɛ i sin i mɛn'n nun, kpɛkuun n ´yo man be ´fa tokofi be ´kun i lɔ.› »

Zɔb I Nyrɛnnɛn Wunlɛ 15:21

Nganniɛn ng'ɔ ti'n, ɔ yo sro. Ɔ ti i tilɛ lɛ, kpɛkuun abɔlɛfuɛ wie ɔ'a fu i nun ɔ'a tɔ i su.

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Ezai 16:3

Moab bla'm be se Zerizalɛmfuɛ'm be kɛ: «E waan amun man ye afɔtuɛ. Amun `yo sa wie man ye. Wia klengle kpa nun'n, amun `kata e su kɛ lika tuun'n ɔ kata ninnge'm be su kɔnguɛ'n sa. Be nga mianlɛ ti be su kunndɛ sikewlɛ'n, be nga be su wanndi be kunndɛ fiawlɛ'n, nán amun yi be man.

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 16:16

Anannganman waan: «N wa sunman jue trafuɛ kpanngban kɛ be ko tra be. I sin n ´sunman koniɛn difuɛ kpanngban kɛ be di be wun koniɛn oka mun, nin kpɔlɛ'm be su, ɔ nin yɛbuɛ buɛ'm be kwlakwla be nun.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Zeremi 46:5

«?Nguɛ sa-a? ?Nguɛ yɛ n sun i-ɔ? Be wawɛ yɛ ɔ'a wanndi bé wun yɛ. B'a kaci bé ja sin. Be alɛ kunfuɛ'm b'a gua flɛnnɛnnɛn! Be ´wanndi be ´kɔ siɛn nin-ɔn be nian-man bé sin kun. Lika'n kwlaa ɔ'a sanngan.» Anannganman yɛ ɔ kan sɔ-ɔ.

Zeremi 49:29

Be `fa bé tannin sua nin be nnɛn mun. Be `fa bé sua nin bé bo trɔ mun. Be `fa be nyɔnngɔnmɛn mun wɔ. Be `bo awuyomo be su be `se kɛ: ‹Nyrɛnnɛn'n fin wa fin wa›

Zeremi 6:25

Nán amun fite be wɔ blo lɔ. Nán an wɔ atin'm be su. E kpɔfuɛ'm be o lɔ, be ´ko kun amun. Ɔ lɛ-man lika kun nga nyrɛnnɛn'n nun-man lɛ-ɔ.

Ngwlɛ Yilɛ 4:15

Kɛ be ´tɔtɔ be ba'n, sran'm be kpan kɛ: «Amun `cia bé wun! Sran nga be ´ba lɛ'n be ti fiɛn. Amun `cia bé wun ! Nán amun kan be!» Be wanndi sa ngbɛn be wun-man lika nga be wɔ-ɔ. Sɛ be ju nvle wie nun'n, lɛfuɛ'm be se kɛ: «Sran kɛ nga sa mun'n nán e mɛn liɛ nun wa yɛ be ka-a.»

Amɔs 4:3

Be ´fa amun sin klɔ'n i wun talɛ toklotoklo'm be nun, be ´fa amun kɔ amun nyrun ndɛnman su trelele be ´ko gua amun blo Ɛrmɔn oka bue liɛ'n su lɔ.» Anannganman'n yɛ ɔ kan sɔ kle amun-ɔn.

Zozie 2:9

nan ɔ'a se be kɛ: «N si kɛ Anannganman fali mɛn nga mannin amun. Kɛ e kwlaa e ti amun ngan'n, kɛ e usu sa. Srɛ'n kun-man ye blɛblɛ.