Zeremi 49:1 - NYANMIƐN NDƐ'N 1998

¹ Amɔnfuɛ'm be jasin liɛ yɛ. Anannganman'n usa kɛ yoo: «?Ɔ ju sɛ ti yɛ man amuɛn nga be flɛ i Milkɔm ko fa Gadi fa yoli i liɛ nin-ɔn? ?Ɔ ju sɛ ti yɛ man Milkɔm i nvle'n ko fa Izraɛl klɔ mun fa yoli i liɛ nin-ɔn? ?Wuun wielɛ yɛ Izraɛl lɔfuɛ'm b'a wie ti-ɔ? ?Izraɛlfuɛ'm be ajalɛ nunfuɛ'm b'a wie ti-ɔ?»

Zeremi 49:1 ပူးပေါင်းရင်းမြစ်များ

Bo Bolɛ 19:38

Kaan'n kusu wuli ba yasua kun nan ɔ'a tɔn i dunman kɛ Bɛn-Ami. I yɛ ɔ ti Amɔnfuɛ nga be o lɛ ndɛ yɛ'n be nannan nin-ɔn.

2 Famiɛn Mun 10:33

Galaad mɛn'n nin Bazan mɛn'n, be o Zurdɛn'n i wia afiliɛ'n lɔ. Be kunngba'n be o Arɔɛr b'ɔ o Arnɔn i nuan'n i nglo lɔ'n nun. Lika sɔ'm be kwlaa be ti Ribɛn akpasua'n, ɔ nin Gad akpasua'n, ɔ nin Manase akpasua'm be liɛ. I kwlakwla sɔ'n fili Izraɛlfuɛ'm bé sa.

2 Famiɛn Mun 24:2

Yɛ Anannganman man Babilɔni sonja akpasua wie mun, nin Siri sonja akpasua wie mun, ɔ nin Amɔn sonja akpasua wie'm be fali alɛ wlali Zozakim nin Zidafuɛ'm be sin. Be sacili Zida mɛn'n kɛ Anannganman fa wlɛli i sufuɛ bɔ be ti i nuan ijɔfuɛ'm be nuan bɔ be kannin'n sa.

2 Be Nyoliɛ 20:1

Kɛ ɔ yoli sɔ'n, Moabfuɛ mun nin Amɔnfuɛ mun, be nin Zozafat be bali alɛ kunlɛ. Maɔnfuɛ'm be uka be su.

2 Be Nyoliɛ 20:23

Amɔnfuɛ mun nin Moabfuɛ'm be tɔli Edɔmfuɛ'm be su be kunnin be lele be wieli weiin. I sin be blili bé nyin be kunnin be bɔbɔ bé wun.

Neemi 2:19

Kɛ Sanbalat b'ɔ ti Ɔrɔnfuɛ'n, ɔ nin i ukafuɛ Tɔbiza b'ɔ ti Amɔnfuɛ'n, ɔ nin Gesɛm b'ɔ ti Arab'n be tili ndɛ sɔ'n, be srili ye, yɛ be yoli ye fiaan. Be waan: «?Nguɛ yɛlɛ nga amun ´yo i lɛ'n? ?Kɛ ɔ o yɛ'n amun su jaso famiɛn'n i wun?»

Neemi 4:7

Yɛ n fali Izraɛlfuɛ mun n siesieli be talɛ'n i sin, lika tɔnun'm be nun, ɔ nin asiɛ kee'm be su. N siesieli be awlobo-awlobo. Be tokofi nin be cua, nin be ta'm be o bé sa nun.

Jue Mun 83:7

I Edɔmfuɛ mun o, i Ismaɛlfuɛ mun o, i Moabfuɛ mun o, i Agarenfuɛ mun o, i Gɛbalfuɛ mun o,

Jue Mun 9:6

A tu be bɔ be su-man wɔ'n be fɔ. A nunnun sa tɛ yofuɛ sɔ mun. A yo man be dunman'n ɔ mlin mlɔnmlɔnmlɔn.

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 25:21

N fa mannin Edɔmfuɛ mun, nin Moabfuɛ mun, ɔ nin Amɔnfuɛ mun.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 27:3

Kpɛkuun sunmanfuɛ nga be bali famiɛn Sedesias wun wunlɛ Zerizalɛm'n, fa man be man be fa ko man Edɔm famiɛn'n, nin Moab famiɛn'n, nin Amɔnfuɛ'm be famiɛn'n, nin Tir famiɛn'n, ɔ nin Sidɔn famiɛn'n.

Zeremi 48:1

Moab liɛ'n yɛ. Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Nɛbofuɛ'm be yako. Be yako, sa bɔ n ´yo be'n yɛlɛ be klɔ b'ɔ ´nunnun'n. B'a fa Kirzataim, i nunfuɛ'm be si-man wie se kun. Fiawlɛ klɔ sɔ'n, i nunfuɛ'm be si-man wie se kun. Be sa sin ɔ'a bubu be.

Zeremi 49:23

«Amat nin Arpad be si-man wie se kun. Jasin nga be tili'n ti-man kpa. Srɛ'n ɔ'a kun be kpo. Be akunndan'n ɔ'a sanngan sa nán sa fi yolɛ-ɔ.

Zeremi 49:28

Klɔ nga Babilɔni famiɛn'n kwlali be'n be liɛ yɛ. Anannganman'n wan yoo: «Amun `jaso. Amun nin Kedar be `ko kun! Be `ko saci aawlɛ flɛnnɛn nun lɔfuɛ'm be lika'n.

Zeremi 49:7

Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Ezekiɛl 21:25

Babilɔni sonja'm be ´fa atin sɔ'n kun su be ´ju Raba b'ɔ ti Amɔnfuɛ'm be klɔ'n su. Yɛ be ´fa kun ekun su be ´ju Zerizalɛm b'ɔ ti Zida klɔ dan bɔ be sili i wun'n su.

Ezekiɛl 25:1

Anannganman seli min kɛ yoo:

Sofoni 1:5

Sran nga be fu sua'm bé ti'n su be koto nzraama'm be bo'n, ɔ nin be bɔ be koto Anannganman'n bo be tɛ i nda kpɛkuun be kunngba'n be ta amuɛn Milkɔm nda'n, n ´nunnun be.

Mmla'n 2:19

Amun ´kpɛn Amɔnfuɛ'm be mɛn'n i nyrun ndɛnman su, sanngɛ nán amun klɔklɔ be, nán amun se kɛ amun nin be ´kun alɛ. N su fa-man be osu nunfuɛ'm be mɛn'n nun lika'n wie m man-man amun. Lika sɔ'n ɔ ti Lɔt i osu nunfuɛ'm be liɛ, n fa mannin be.»

Mmla'n 23:3

Tekle ba'n, nán man ɔ wlu Anannganman i nvle'n nun. I osu nunfuɛ nga be ´jaso su lele b'ɔ ´fa ju i anunmannunman'm be akpasua blu su'n, nán be tran Anannganman i nvle'n nun.

Mmla'n 23:4

Amɔnfuɛ mun nin Moabfuɛ mun'n, nán be wlu Anannganman i nvle'n nun. Nán be wlu nun lele nan kɛ ɔ yo-ɔ ɔ'a yo-ɔ. Be osu nunfuɛ nga be ´jaso su lele b'ɔ ´fa ju be anunmannunman'm be akpasua blu su'n, nán be wlu nun.