Zeremi 48:7 - NYANMIƐN NDƐ'N 1998

⁷ Moabfuɛ mun, kɛ bɔ amun amuɛn nin amun ninnge'm be su yɛ amun lafi'n, i ti be wa fa amun mɛn'n. Be ´fa amun amuɛn bɔ be flɛ i kɛ Kɛmɔs'n, be ´fɛ i be ´kɔ mɛn uflɛ nun. Amun amuɛn nyrun tranfuɛ nin amun famiɛn i awlo lɔ sran dandan'n be kwlaa'n, be ´fa be ´kɔ mɛn uflɛ nun.

Zeremi 48:7 ပူးပေါင်းရင်းမြစ်များ

2 Samiɛl 5:21

Filistifuɛ'm be yacili be amuɛn'm be lɛ nan David nin i sran'm b'a isa be b'a wɔ.

1 Famiɛn Mun 11:33

Sa ti bɔ n ´yo sɔ'n, yɛlɛ kɛ be kacili be sin sili min, be ko sɔli Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. B'a fa-man min atin'n su b'a yo-man nga n klo i'n. B'a fa-man min mmla fanunfanun'm bé su kɛ Salomɔn i si David liɛ'n sa,

1 Famiɛn Mun 11:7

Salomɔn kplannin sraka yiwlɛ lika kun oka ng'ɔ o Zerizalɛm i ndɛnman lɛ'n i su. Ɔ kplan mannin Moabfuɛ'm be amuɛn bɔ be flɛ i Kɛmɔs'n. Amuɛn sɔ'n ti tete like dan. Ɔ kplannin kun ekun mannin Amɔnfuɛ'm be amuɛn bɔ be flɛ i Mɔlɔk'n. I kusu ti tete like dan.

Jue Mun 40:4

Ɔ'a fa jue uflɛ-uflɛ kun ɔ'a wla min nuan kɛ n `sro. Ɔ ti i manmanlɛ jue. Sran sunman be ´wun sa sɔ'n nun, yɛ be nyin ´yi Anannganman. Be ´fa be wla'n guɛ i su.

Jue Mun 52:7

Nga, Nyanmiɛn ´nunkun wɔ mlɔnmlɔnmlɔn. Ɔ ´fuan wɔ wɔ awlo'n nun, ɔ ´yi wɔ mɛn nga e o nun yɛ'n nun.

Zeremi 13:25

Zerizalɛm, sa ng'ɔ wa ju ɔ su'n yɛ ɔ o lɛ-ɔ. Ɔ liɛ nga m'an fa m'an sie wɔ'n yɛ ɔ o lɛ-ɔ. Afin a yili ɔ́ wla min su. A ko fali ɔ́ wla'n guali ato ninnge'm be su.» Anannganman'n yɛ ɔ kan sɔ-ɔ.

Zeremi 43:12

N ´yo man be yi Ezipt amuɛn'm bé sua'n nun sin be ´yra be. Nɛbikadnɛzar ´wɔ amuɛn mma'm be nun, nga ɔ'a wɔ-man be nun'n, ɔ ´fa be kɔ i mɛn'n nun. Ɔ ´yiyi Ezipt mɛn'n nun ninnge mun flɛnnvlɛnnvlɛnnvlɛn kɛ bua kankanfuɛ fa yiyi i tralɛ'n su sɔsɔwa mun sa. Kpɛkuun ɔ ´kɔ bɔ cɛ.

Zeremi 48:13

Kɛ Izraɛl awlofuɛ'm be fali bé wla guali Betɛl lɔ amuɛn'n su bɔ bé nyin guali ase'n, yɛ Moabfuɛ'm bɔ be fa bé wla gua Kɛmɔs su'n bé nyin wa gua ase sɔ-ɔ .»

Zeremi 48:46

Ɔo! Moab yako! Kɛmɔs i nvle'n yɛ ɔ'a nunnun yɛ. I mma'm b'a kaci kanga. Be yɛ be ´sua be kɔ yɛ.

Zeremi 49:3

«Ɛsbɔnfuɛ mun, amun `sun, b'a nunkun Ai klɔ'n. Rabat asa'n su klɔ mun, an `kpan kɛ: ‹Be `de ye o, be `de ye o! Amun `wla bajɛ tralɛ, amun `yi ngwlɛ sɛ b'ɔ o amun su'n ti.› Be su fa Milkɔm nin i nyrun tranfuɛ, ɔ nin i famiɛn i awlo lɔ sran dandan mun be ´kɔ kanga. An `wanndi wɔ wa, an `wanndi wɔ wa, amun `san talɛ'n.

Zeremi 49:4

Nyin keklefuɛ mun. ?Nán amun yɛ an fa amun kongo mun di amún nuan nin-ɔn? ?Amun kongo'n nun asiɛ klanman'n, nán amun yɛ amun fa di amún nuan nin-ɔn? Amun fa amun wla gua amun anyanbeun ninnge'm be su, i ti amun ko se kɛ yoo: ‹?Kɛ wan sa cɛ yɛ ɔ nin ye wa ba kunlɛ-ɔ?›

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 10:13

Sanngɛ an luali sa tɛ'n, ɔ man kusu an tili abɔlɛ'n i mma kpɛkuun an dili gblɛ'n i mma. Izraɛlfuɛ mun, amun lafili amun bɔbɔ amun wunmiɛn'n su, amun safunyrɛn kpanngban'm be su yɛ amun fali amun wla'n guali-ɔ.

Kalɛ 21:29

Ɔo, Moab yako! W'a mlin. Kɛmɔs i sufuɛ mun, amun lɛ-man manndran kun. Moab yacili i mma'm be lɛ be yoli Siɔn b'ɔ ti Amɔr famiɛn'n i bisuafuɛ mun.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

Sa nglô yile 18:7

Tutre nin mɛn ng'ɔ dili'n, an `fɛ i wunsu nyrɛnnɛn'n kle i, man ɔ wun i nyin su! Afin ɔ se kɛ: ‹N su di famiɛn, n ti-man angboti, n su yo-man sɛnvuɛ le.›

Jɔlɛ Difuɛ Mun 11:24

?Lika nga Kɛmɔs b'ɔ ti wɔ amuɛn'n fa man wɔ kɛ a tran nun'n, nɛ́n i yɛ a tran nun-ɔn? ?Yɛ e li yɛ lika kwlaa nga Anannganman b'ɔ ti e Nyanmiɛn'n fa man e kɛ e tran nun'n yɛ e su tran-man nun-ɔn?