Zeremi 48:6 - NYANMIƐN NDƐ'N 1998

⁶ An `wanndi wa be wɔ. Sran ng'ɔ kwla wanndi-ɔ, ɔ `kpli i bɔbɔ i ti. Amun `wɔ aawlɛ flɛnnɛn'n nun lɔ kɛ blo aflunmun sa.

Zeremi 48:6 ပူးပေါင်းရင်းမြစ်များ

Bo Bolɛ 19:17

Kɛ be fali be ko sieli i lɔ'n, kun seli Lɔt kɛ: «Wanndi kɔ nan w'a nyan ɔ́ ti. Ɔ kɔlɛ su'n, nán nian ɔ sin, nán jran lika fi wa asa'n su. Wanndi kɔ oka'n bo lɔ nan w'a wu-man.»

Jue Mun 11:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman i nun yɛ n kunndɛ fiawlɛ-ɔ. ?Ɔ yo sɛ ti yɛ amun se min kɛ: «Wanndi kɔ oka'm be nun lɔ ko fia kɛ anunman wie yɛ ɔ su tu sa nin-ɔn?»

Zeremi 17:6

I sɔ sran liɛ'n i agualiɛ'n yo kɛ susrɛ kan wie b'ɔ o lika kee'n nun'n sa. Ɔ ´minndɛ muae'n lele ɔ ´fɛ ngbɛn. Afin i sɔfuɛ'n ɔ'a yo kɛ ɔ ko trannin aawlɛ flɛnnɛn'n nun kan lika'n ti yrawa lɛ'n nun sa, ɔ ti kɛ njin asiɛ bɔ sran fi tran-man lɔ'n sa.

Zeremi 51:6

An `wanndi Babilɔni lɔ be bla. Amun kwlaa be `wanndi. Nán be kun amun ngbɛn bé sa tɛ'n ti. Anannganman i klunngbɔ tulɛ blɛ'n yɛ ɔ'a ju yɛ. Sa nga Babilɔni fa yoli i wiengu mun'n, Anannganman ɔ ´yi be mɛn i .

JÉSUS-CHRIST I DYASIN FE'N BO LUC KLELI'N 3:7

I sɔ'n ti, ɔ seli sran kpanngban bɔ be bɛli i wun lɛ kɛ ɔ ´yo be batɛm'n be kɛ: «?Ɔnda mma mun, wan yɛ ɔ seli amun kɛ Nyanmiɛn i ya'n ɔ wa jao nan an wanndi i nyrun-ɔn?

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.