Zeremi 48:44 - NYANMIƐN NDƐ'N 1998

⁴⁴ «Sran ng'ɔ wanndi nan sa sroesroe'n ɔ'a nyɛn-mɛn i'n ɔ ´tɔ kunman'n nun. Sran ng'ɔ fin kunman'n nun fite'n, ɔ ´tɔ zɔ'n nun. Blɛ nga e nin Moab e wa yia nun'n, sa nga bɔ m man ɔ ´tɔ i su'n yɛ ɔ o lɛ-ɔ.» Anannganman'n yɛ ɔ kan sɔ-ɔ.

Zeremi 48:44 ပူးပေါင်းရင်းမြစ်များ

1 Famiɛn Mun 19:17

I liɛ'n, sran nga Azaɛl ɔ'a nyɛn-mɛn ɔ'a kun-mɛn i'n, Zei ɔ ´kun i. Sran nga Zei ɔ'a nyɛn-mɛn ɔ'a kun-mɛn i'n, Elize ɔ ´kun i,

1 Famiɛn Mun 20:30

Be akpi-akpi ablaɔn-nin-nso (27.000) nga be kali'n be wanndi ɔli Afɛk lɔ, kpɛkuun talɛ b'ɔ sisi klɔ sɔ'n i wun'n bu tɔli bé su. Bɛn-Adad wanndi wluli klɔ'n nun. Ɔ ko fiali sua kun i nun ba kun i longo kpa'n nun.

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 24:17

Asiɛ'n su sufuɛ mun, srɛ'n ɔ'a kun amun kpo. Kunman wo amun bo, b'a gua tɛ b'a sin b'a yia amun.

Ezai 24:18

Sran ng'ɔ wanndi srɛ b'ɔ kun i ti'n, ɔ ´tɔ buɛ'n nun. Sran ng'ɔ fin kunman'n nun fite b'ɔ nyɛn i ti'n, ɔ ´tɔ tɛ bɔ b'a gua'n nun. Afin nyanmiɛn su lɔ nzue'n, sɛ e ´kwla se'n, e se kɛ b'a tike i anuan. Yɛ asiɛ'n ɔ keje lele ju i bo lɔ.

Zeremi 10:15

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 11:23

Nyrɛnnɛn nga n wa fa yi i Anatɔtfuɛ'm be su'n, be nun kun sa su fite-man nun.»

Zeremi 16:16

Anannganman waan: «N wa sunman jue trafuɛ kpanngban kɛ be ko tra be. I sin n ´sunman koniɛn difuɛ kpanngban kɛ be di be wun koniɛn oka mun, nin kpɔlɛ'm be su, ɔ nin yɛbuɛ buɛ'm be kwlakwla be nun.

Zeremi 23:12

I sɔ'n ti atin nga be nanti su'n, ɔ wa yo ndrɔn, aosin'n ɔ wa wla su, afin blɛ nga e nin be yia nun'n, n ´fa nyrɛnnɛn'n n ´yi be su, bé ja'n ´seli, be ´tɔ.› » Anannganman'n yɛ ɔ kan sɔ-ɔ.

Zeremi 46:21

Sonja nga Eziptfuɛ'm be fali be bɔ be tannin be kalɛ'n, be nian-man be lika ngɔwi. Sanngɛ b'a ju-man nun, be kacili bé ja sin wie. Ɔ lɛ-man be nun kun. Cɛn kekle nun'n, kɛ e nin be e yiali nun'n, be jrannin min nyrun-ɔn ɔ'a yo-man ye.

Zeremi 49:8

Dɛdanfuɛ mun, an `kaci amun ja sin be `wanndi! An `ko tran yɛbuɛ buɛ'm be nun. N su fa nyrɛnnɛn'n n ´yi Ezau i osu'n nunfuɛ'm be su. Be fɔ tulɛ blɛ liɛ'n ɔ'a ju.

Zeremi 50:24

Babilɔni, n suali ɔ wun aya. W'a si-man sɔ kpɛkuun a wa tɔli nun. Wɔ yɛ b'a tra wɔ yɛ. Afin a nin Anannganman'n yɛ be boli su-ɔ.»

Zeremi 50:27

Be `kun be sonja kpakpa mun. Be `kpɛ be kɔmin kɛ be kpɛ nnɛn kɔmin nnɛn kunwlɛ lɔ'n sa. Be blɛ liɛ'n juli, be liɛ wieli. Be fɔ tulɛ blɛ'n juli.

Zeremi 51:18

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ngwlɛ Yilɛ 3:47

E liɛ'n, nga be yaci i nin ye'n, yɛlɛ sa sroesroe'm bɔ be kun srɛ'n, nin kunman'm be nun tɔlɛ'n, nin e mɛn'n i sacilɛ'n, ɔ nin sa yalɛ b'ɔ tɔ é su'n.

Ndɛ Nga Nyanmiɛn I Nuan Ijɔfuɛ Oze Kannin'n 9:7

Amun fɔ tulɛ nga Anannganman'n kɛnnin i ndɛ'n, i blɛ'n ɔ'a wie ju. Yɛ amun kalɛ tualɛ blɛ'n kusu ɔ'a wie ju. I sɔ blɛ nun'n, Izraɛl wa si kɛ sa ti-ɔ. An ko se kɛ: «Nyanmiɛn nuan ijɔfuɛ'n ɔ'a bo fia, sran sɔ'n b'ɔ nin Nyanmiɛn be ijɔ'n i ti ɔ'a saci.» Sɛ ɔ bo fia'n, ɔ fin amun sa tɛtɛ beblebe'n, ɔ fin abɔlɛ kpɔlɛ nga amun kpɔ i'n .

Amɔs 5:19

Amun ´yo kɛ sran wie bɔ i waan ɔ su wanndi asɔmɔli i nyrun kpɛkuun ɔ'a kɔ fu kangale su'n sa. Kɛ ɔ fɛ i lɛ ju i awlo lɔ, ɔ ´fɛ i sa fua talɛ wun-ɔn, wuo ɔ'a kɛ i.

Mise 7:4

Be nun kun ng'ɔ flunman kan'n, i like b'ɔ fɛ i'n yɛlɛ ako owie. Be nun nanwlɛfuɛ'n i gblɛ'n i tɛ'n tra agualɛ. Amun fɔ tulɛ cɛn nga amun klɔ sasafuɛ'm be kɛnnin i ndɛ'n kusu yɛ ɔ ´ba lɛ. Nanwlɛ, kɛ e ´se yɛ'n, amun klun titi amun.