Zeremi 48:40 - NYANMIƐN NDƐ'N 1998

⁴⁰ Anannganman'n wan yoo: ‹Like'n tu sin kɛ anunman nyin sa. Ɔ trɛtrɛ i ndɛwa'n nun Moab su.›

Zeremi 48:40 ပူးပေါင်းရင်းမြစ်များ

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 8:8

Ɔ ´kata Zida mɛn'n i su, ɔ ´yi lele ɔ di lika'n, ɔ ´ju be kɔmin nun. Ee! Emaniɛl, be su wun-man nzue'n i cenje'n kun, nzue'n ɔ ´di ɔ mɛn'n wunmuan'n.»

Zeremi 4:13

«Amun `nian, e kpɔfuɛ'n yɛ ɔ ´fu kɔ kɛ nyanmiɛn ble'n sa yɛ. I kakaklolo'm be tu kɛ seke sa, i nnɛn kpanngɔ'm be wanndi tra anunman nyin. Be `de ye o! Y'a wie mlin!»

Zeremi 49:22

Like'n ɔ'a trɛtrɛ i ndɛwa'n nun kɛ anunman nyin sa ɔ su tu sin Bɔzra lika'n su. I le kun sɔ nun'n, Edɔm lɔ sonja'm be nun kpakpa'm be anwlɛn'n ɔ ´si kpukpukpu kɛ wunnzɛfuɛ wie bɔ i klun su yo i ya'n sa.»

Ngwlɛ Yilɛ 4:19

E yalɛ klefuɛ'm bé wun yo mmlɛ tra anunman nyin b'ɔ tu sin nglo lɔ'n. Be fuan e sin oka'm bé su. B'a sua-sua e wun aya aawlɛ flɛnnɛn nun sa trutrɛɛ.

Ezekiɛl 17:3

Se be kɛ: ‹Anannganman Nyanmiɛn'n wan yoo: Anunman nyin dan bɔ i ndɛwa'm be ti dandan vugba-vugbaa, bɔ i ndrɛ'm be ti tɛnndɛn'n, b'ɔ ti klanman toto nun'n, ɔ ɔli lele juli Liban yɛ ɔ ko kpɛli waka nga be flɛ kɛ sɛdri i ti'n su.

Daniɛl 7:4

Klikli'n ti kɛ asɔmɔli sa, kusu ɔ lɛ ndɛwa kɛ anunman nyin'n sa. Kɛ n ´niɛn i'n, kpɛkuun be tutuli i ndɛwa mun. Be mɛnnin i su be jrɛnnin i i sin ja'm bé su. Ɔ jin lɛ kɛ klɔ sran sa. Kpɛkuun be mɛnnin i sran ngwlɛlɛ.

Ndɛ Nga Nyanmiɛn I Nuan Ijɔfuɛ Oze Kannin'n 8:1

An `bo awɛ be bo sran'm be jɔ. Anannganman i sran'm be kpɔfuɛ'm bé su tɔ bé su, kɛ anunman nyin tɔ like wie su'n sa. «Sa ti bɔ be tɔ bé su sɔ'n, yɛlɛ kɛ aenguɛ nga min nin be e trali'n, b'a saci i'n. I bo'n kun ekun yɛlɛ kɛ b'a bu-man min mmla'n i like fi kun.

Abakik 1:8

Be nnɛn kpanngɔ'm be kwla wanndi be tra kangale. Be wun yo mmlɛ tra blo alua'm bɔ be di kɔnguɛ koniɛn'n. Kɛ be nnɛn kpanngɔ fufuɛ'm be fin mmua lɔ be ´ba'n, be tu sa bɛiin, kpɛkuun be jra lɔ kli! Be nnɛn kpanngɔ'm be fin mmua lɔ be tu kɛ anunman nyin b'ɔ su fuan i nnɛn'n sa.

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.