Zeremi 48:39 - NYANMIƐN NDƐ'N 1998

³⁹ «Amun `kpɛ Moab wun sɛ jue be se `kɛ: ‹Cuekee! Moab yɛ ɔ'a tɔ yɛ! Moab yɛ ɔ'a kaci i sin yɛ ɔ ´wanndi kɔ yɛ. ?Nguɛ nyannzuɛn ndɛ liɛ yɛlɛ nga?› Moab ɔ'a kaci flɛn like be nga be mɛntɛn i'n be sa nun. Kɛ be wun i'n, ɔ yo sro.

Zeremi 48:39 ပူးပေါင်းရင်းမြစ်များ

Zeremi 48:13

Kɛ Izraɛl awlofuɛ'm be fali bé wla guali Betɛl lɔ amuɛn'n su bɔ bé nyin guali ase'n, yɛ Moabfuɛ'm bɔ be fa bé wla gua Kɛmɔs su'n bé nyin wa gua ase sɔ-ɔ .»

Zeremi 48:17

Nvle nga amun mɛntɛn i lɛ'n, amun bɔ amun si i'n, an `yo i yako, an `se kɛ: ‹Ee! ?Nan sɛ ti yɛ nvle sroesroe nga i liɛ wieli sɔ-ɔ? ?Ɔ yo sɛ ti yɛ like klanman nga i liɛ wieli sɔ-ɔ?›

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ngwlɛ Yilɛ 2:1

E Min'n fali ya ti ɔ fali aosin tuun yili i Zerizalɛm klɔ'n su. Cuekee! Like nga bɔ man Izraɛl nvle i nyrun ba nyan'n, ɔ finndin i nglo lɔ yili i asiɛ'n su wa. Kɛ ɔ fali ya'n, i wla fili su kɛ Izraɛl'n yɛ ɔ ti i ja takatakawlɛ-ɔ!

Ngwlɛ Yilɛ 4:1

Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!