Zeremi 48:36 - NYANMIƐN NDƐ'N 1998

³⁶ Moab nin Kir-Erɛsfuɛ'm be wun ngwlɛ bɔ n yi i kɛ blo yɛ be su bo sa'n, i bo'n yɛlɛ kɛ like nga be nyɛnnin i'n kwlaa ɔ'a fi be sa.

Zeremi 48:36 ပူးပေါင်းရင်းမြစ်များ

2 Famiɛn Mun 3:25

Be sacili klɔ mun. Be kwlakwla be fali yɛbuɛ fa guali fie kpakpa'm be kwlaa be su, ɔ man yɛbuɛ'n truli fie'm be nun sɔ trutrɛɛ. Be tanninnin nzue ti'm be ngba. Be kpɛli waka kpakpa nga be di be su mma'm be kwlaa bé bo. Klɔ kunngba nga i talɛ'm be kali lɛ'n yɛlɛ Kir-Erɛs, sanngɛ kpafloko tofuɛ'm be sin yiɛli i nan b'a bubu i. Klɔ sɔ'n, yɛbuɛ ngunmin yɛ ɔ kali su-ɔ.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 13:22

Klun-ufuefuɛ'n i osu aja'n ɔ ti i anunman'm be liɛ. Klunwifuɛ'm be ninnge'm be kaci sran kpa'n i liɛ.

Nyanndra Mun 18:11

Sikafuɛ'n ɔ bu kɛ i anyanbeun'n ti i fiawlɛ kpa. I akunndan'n nun'n i waan ɔ ti kɛ talɛ sa yɛ ɔ sɛsɛ i-ɔ.

Ezai 15:5

N koko Moabfuɛ mun, be wanndi kɔ lele Zɔar, be wanndi kɔ lele Eglat-Sɛlisiza. Kɛ be ´fu Lisit oka'n, wuun be ´sun, afin sa kekle o be su. Kɛ be ´fa Kɔrɔnaim atin'n be ´kɔ'n, wuun be ´kpan kekle kpa.

Ezai 15:7

I sɔ'n ti, bé bo ninnge nga be kali lɛ'n, bɔ be kwla sieli be kpa'n, be fa be kɔ mmua kpa nzue ba nga peplie waka'm be sɔnnin i nuan lɛ'n i sin lɔ.

Ezai 16:11

I sɔ'n ti, min anwlɛn'n ɔ keje min klun kɛ jru nyanman sa Moabfuɛ'm be ti. Min anwlɛn'n kpɛ min klun Kir-Erɛsfuɛ'm be ti.

Ezai 63:15

Kɛ a o ɔ sua klanman'n nun nyanmiɛn su lɔ'n, nian sa bɔ be ju e su'n. ?Ɔ klolɛ dan'n nin ɔ fanngan'n be o nin? Ɔ wun b'ɔ usu wɔ ye ti'n, yɛ aunnvuɛ bɔ a si ye'n, e wun-mɛn i sɔ kun.

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Zeremi 4:19

N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Zeremi 48:31

Nga ti yɛ kɛ mín nyin kpɛn Moab su'n, n to aunnvuɛ jue nin-ɔn. Nga ti yɛ n sun flɛ Moab nvle wunmuan nin-ɔn. Nga ti bɔ n sun Kir-Erɛsfuɛ mun'n yɛ ɔ o lɛ-ɔ.