Zeremi 48:29 - NYANMIƐN NDƐ'N 1998

²⁹ Moab i wun tulɛ ng'ɔ tu, i wun ng'ɔ nyinmɛn-nyinmɛn i'n, i wun blɔlɛ ng'ɔ blɔ'n, i wun dandan nin i wun kpakpa ng'ɔ yo'n, e tili.

Zeremi 48:29 ပူးပေါင်းရင်းမြစ်များ

Jue Mun 138:6

Anannganman o nglo lɔ, sanngɛ ɔ wun be nga be kan bé wun ase'n mun. Sran nga be yo bé wun dandan'n, ɔ o mmua lɔ ɔ wun be .

Nyanndra Mun 18:12

Tutre'n man be di yalɛ, sanngɛ wun ase kanlɛ'n ɔ man be anyrunnyan.

Nyanndra Mun 21:24

Sran nga b'ɔ bu-man sran fi sran'n, bɔ i nuan nun ndɛ'n ti tɛtɛ'n, i sɔ sran liɛ'n, be flɛ i kɛ sran finfin yofuɛ. Ɔ tu i wun sa kwlaa nun.

Nyanndra Mun 30:13

Sran'n wie o lɛ'n, ɔ yo-mɛn i wun kpakpa ngowa. Sran fi ti-man sran i nyrun.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 16:6

E tili Moabfuɛ'm bé wun tulɛ ndɛ'n. E tili bé wun kpakpa yolɛ ndɛ'n, ɔ nin bé wun dandan yolɛ'n, nin be nuan dilɛ'n, ɔ nin be wun ngbli-ngbli yolɛ'n.

JÉSUS-CHRIST I DYASIN FE'N BO LUC KLELI'N 14:11

Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»