Zeremi 48:26 - NYANMIƐN NDƐ'N 1998

²⁶ «Sɛ Moab ti sran'n, wuun n ´se kɛ ɔ yoli i wun dandan. Ɔ yoli Anannganman'n finfin. Be `mɛn i nzan man ɔ nɔn bo nan ɔ `fi nan ɔ `la kondo i fiɛ'n nun nan be `yo i finfin wie .

Zeremi 48:26 ပူးပေါင်းရင်းမြစ်များ

Zɔb I Nyrɛnnɛn Wunlɛ 15:25

Afin sran sɔ'n ɔ kunndɛli Nyanmiɛn i utre. Ɔ wɔli Nyanmiɛn b'ɔ kwla like kwlaa yo'n i safle.

Zɔb I Nyrɛnnɛn Wunlɛ 9:4

Nyanmiɛn i ngwlɛlɛ'n ɔ lɛ-man sin, yɛ ɔ kwla like kwlaa yo. Sran ng'ɔ jaso i wun'n, Ɔ yaci-mɛn i lɛ, ɔ tu i fɔ.

Jue Mun 2:4

Kɛ be kɛn i sɔ'n, ɔ kle Anannganman i srilɛ. Ɔ o nyanmiɛn su lɔ ɔ to be mma.

Jue Mun 59:8

Ndɛ tɛtɛ'm be kanlɛ'n cɛ yɛ ɔ o be nuan-an. Bé nuan'n ti kɛ kue sa. Be ko se kɛ: «?Wan li cɛ yɛ ɔ o lɛ b'ɔ kwla ti ndɛ nga e kan nin-ɔn?»

Jue Mun 60:3

Ee Nyanmiɛn, a yili e blo, a sanngannin e nun, a fali é wun ya sɔ, sanngɛ fa e sie e osu'n nun.

Jue Mun 75:8

Afin jɔlɛ difuɛ'n yɛlɛ Nyanmiɛn. Sran nga i waan ɔ ´kɛn i ase'n, ɔ kɛn i ase, nga i waan ɔ ´mɛn i su'n, ɔ mɛn i su.

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezipt Lɔ Tulɛ'n 9:17

Sanngɛ, ɔ nin i sɔ'n ngba'n, a tɛ si i nvle'n i nyrun ce, ɔ waan a yaci-mɛn i sran'm be nun man be kɔ-man.

Ezai 10:15

?Kpɛliɛ'n ɔ tu i wun gua sran ng'ɔ fɛ i di junman'n i su? ?Annzɛ bese'n ɔ yo i wun kpakpa sran ng'ɔ fɛ i kpɛ like'n i su? ?Ngble'n kwla fa sran ng'ɔ trɛ i nun yo like? Kannzɛ e fa sran sunnzun waka'n, sanngɛ nyantiaan'n ɔ kwla mɛn-mɛn i su.

Ezai 19:14

Anannganman ɔ'a fa sannganlɛ wawɛ'n ɔ'a yi Eziptfuɛ'm be afiɛn, kɛ ɔ ´yo nan b'a wun-man sa nga be yo'n be wlɛ, nan b'a yo kɛ sran b'ɔ nɔn nzan bo kpɛkuun kɛ ɔ ´nanti'n ɔ bo nvaka'n, wuun ɔ ´fi'n sa.

Ezai 28:8

Be tabli nga be tran be su be di like'n, be ti fiɛ ngunmin kokoko, b'a yo sa kain kain kain. Be wun-man lika kun b'ɔ ti weiin-ɔn.

Ezai 29:9

Man amún nuan'n `bo amún wun, yɛ man srɛ kun amun. Kɛ ɔ yo nan amu'an wun-man ase'n, amun `kata amun nyin. Amun yo kɛ nzan ɔ'a bo amun sa. Amun `nanti dadaada kɛ nzanboɛfuɛ mun sa.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Ezai 63:6

Kɛ n fali ya'n, n wɛtɛli sran wie mun. N fali ya dan, i ti n yoli man be kacili kɛ sran bɔ nzan ɔ'a bo be sa. Yɛ n guali be mmoja'n i ase.»

Zeremi 48:39

«Amun `kpɛ Moab wun sɛ jue be se `kɛ: ‹Cuekee! Moab yɛ ɔ'a tɔ yɛ! Moab yɛ ɔ'a kaci i sin yɛ ɔ ´wanndi kɔ yɛ. ?Nguɛ nyannzuɛn ndɛ liɛ yɛlɛ nga?› Moab ɔ'a kaci flɛn like be nga be mɛntɛn i'n be sa nun. Kɛ be wun i'n, ɔ yo sro.

Zeremi 48:42

Moab nunnunnin. Kɛ b'ɔ buli i wun dan tra Anannganman'n ti yɛ man be kɛ-mɛn i wla-man nvle'm be nun kun nin-ɔn.

Zeremi 50:29

An `flɛflɛ ta tofuɛ'm be ngba man be nin Babilɔni ko kun. Man be ko tran Babilɔni anuan'n i nyrun lɛ. Nán be man sran kun sa sinwlɛ. Sa ng'ɔ fa yoli i wiengu mun'n, man be fa yo i wie. Sa ng'ɔ fa wlali be nun'n, man be fa wlɛ i nun wie. Yɛlɛ kɛ ɔ yoli i wun kpakpa Anannganman'n su. Ɔ yoli i wun kpakpa Izraɛl i Nyanmiɛn'n su.

Zeremi 51:39

Kɛ awe'n ko ti be'n, n wa man be aliɛ fɛfɛ kpa man be ´di. Be ´di, be ´nɔn nzan'n lele be ´bo. Kpɛkuun lafilɛ nga be lafi-ɔ be tinnge-man'n yɛ be wa lafi-ɔ.» Anannganman'n yɛ ɔ kan sɔ-ɔ.

Zeremi 51:57

Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Zeremi 51:7

Babilɔni o Anannganman'n i sa nun laa kɛ sika ɔkwlɛ klowa sa. Klowa sɔ'n nun nzan'n, ɔ boli asiɛ wunmuan'n. Nvle-nvlefuɛ nga be nɔnnin i sɔ nzan liɛ'n, be boli sa, be wun-man sa wlɛ kun .

Ngwlɛ Yilɛ 1:21

Kɛ n ´fɛfɛ'n be tili, sanngɛ sran kun sa ɔ'a fɔnvɔ-man min. Min kpɔfuɛ'm be kwlakwla be tili i kɛ sa ɔ'a nyan min. Sa nga wɔ man ɔ nyannin min'n, kɛ be tili'n, be klun'n jɔli dan. Cɛn nga a kɛnnin i ndɛ'n, yo mɛn i sɔ cɛn liɛ'n ɔ ju. Man ɔ ju nan be `yo kɛ min sa .

Ngwlɛ Yilɛ 3:15

Klunngbɔ nin aklunfian ɔ'a fa kun min kpo.

Ngwlɛ Yilɛ 4:21

Edɔmfuɛ mun, amun li man amun klun jɔ, amun `bo sro. Sanngɛ fɔ bulɛ'n ɔ wa tɔ amun su wie. Ɔ ´yo kɛ nzan sa, amun ´nɔn ´bo. Amun ´kpɛ bé bo nyanman nun .

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Daniɛl 8:10

Ɔ ti nyanman lele toli nyanmiɛn su lɔfuɛ'm be lɔ, ɔ yili be nun kpanngban be ase. Ɔ yili nzraama wie'm be ase. Ɔ tiatiali lɔfuɛ ɔ nin nzraama sɔ'm be su .

Naɔm 3:11

Niniv, sa kunngba sɔ'n, ɔ ´nyan wɔ wie. Sa yaya sɔ'n ɔ ´ju wɔ sɛsɛ man a ´yo kɛ ɔ ti yɛ ɔ'a saci sa. Ɔ blɛ liɛ su'n, a ´kunndɛ a wanndi ɔ kpɔfuɛ'm bé bo ´ko fia.

Abakik 2:16

?Anyrunnyan like yɛlɛ sɔ'n? ?Nán nyannzuɛn like-ɔ? Amun bɔbɔ amun `nɔn wie nan an yi amun wun kplɛn. Anannganman i ya klowa'n, ɔ wa fa tannin amún ti. Sɛ n ´kwla se'n, amun ´nɔn i ya sɔ'n weiin. Amun anyrunnyan bɔ amun waan amun ´nyɛn i'n, nyannzuɛn yɛ amun wa wun i-ɔ .

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .

Sa nglô yile 16:19

Klɔ dan'n bubuli nun nsan. Yɛ mɛnmɛn'm be kwlaa be nun klɔ'm be sacili. Nyanmiɛn wla a fi-man Babilɔni klɔ dan'n su, ɔ man ɔ nɔnnin nzan b'ɔ o i klowa'n nun'n kɛ sran sa. Nzan sɔ'n yɛlɛ i ya dan'n.