Zeremi 48:21 - NYANMIƐN NDƐ'N 1998

²¹ Anannganman'n i fɔ tulɛ'n tɔli lika kpɛtɛkplɛɛ'n nun lɔ nvle'n i su, yɛ ɔ tɔli Ɔlɔn, nin Zaaz, ɔ nin Mefat be su wie.

Zeremi 48:21 ပူးပေါင်းရင်းမြစ်များ

Ezai 15:4

Ɛsbɔnfuɛ mun nin Elealefuɛ mun be kpan, be ti be ngan Zaaz lɔ. I sɔ'n ti yɛ Moab lɔ sonja'm be bo awuyomo dan nin-ɔn, be wawɛ'n ɔ'a tɔ blo.

Zeremi 48:22

Ɔ tɔli Dibɔn, nin Nɛbo, ɔ nin Bɛt-Biblataim be su wie.

Zeremi 48:34

Ɛsbɔnfuɛ'm be ngwlɛ'n, be ti i Eleale lɔ. Ɔ kɔ lele ju Zaaz. Kɛ ɔ fɛ i Zɔar'n, ɔ ju Kɔrɔnaim, ɔ kɔ lele ju Eglat-Sɛlisiza. Ɔliɛ Nimrim nzue'm b'a wie nun.

Zeremi 48:8

Like sacifuɛ'n ´wlu amun klɔ'n kwlaa be nun. Klɔ kun sa su ka-man lɛ. Ɔ ´funndan kongo'm be nun. Ɔ ´saci lika kpɛtɛkplɛɛ'n.» Anannganman'n yɛ ɔ kannin-ɔn.

Ezekiɛl 25:9

I sɔ'n ti, klɔ nga bɔ be ti yɛ be kwla wlu-man Moab mɛn'n nun'n, e nin be e wa nyɛn i. Be ´bubu, be ´su be wiengu'm be su. Be nun klɔ klanman kpa mun, i Bɛt-Zɛsimɔt o, i Baal-Mɛɔn o, i Kiriataim o, be ´bubu wie.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

Kalɛ 21:23

Siɔn ɔ'a kplin-man su kɛ Izraɛlfuɛ'm be sin i mɛn'n nun. Ɔ yiɛli i sonja mun, be ko buli Izraɛlfuɛ'm be nyrun nan be nin be ´kun alɛ aawlɛ flɛnnɛn'n nun lɔ. Be juli Zaaz yɛ be nin Izraɛlfuɛ mun be kunnin-ɔn.

Kalɛ 32:38

Nɛbo, Baal-Mɛɔn, yɛ Sibma. Be tɔnnin wie'm be dunman uflɛ.

Zozie 13:17

ɔ nin Ɛsbɔn'n, nin lika kpɛtɛkplɛɛ i su klɔ ngba: Dibɔn, nin Bamɔt-Baal, nin Bɛt-Baal-Mɛɔn, nin

Zozie 13:18

Zaaz, nin Kɛdemɔt, nin Mefat, nin