Zeremi 48:14 - NYANMIƐN NDƐ'N 1998

¹⁴ «?Ɔ ju sɛ yɛ man amun ko se kɛ yoo: ‹E ti safunyrɛn, e si alɛ kun nin-ɔn?›

Zeremi 48:14 ပူးပေါင်းရင်းမြစ်များ

Jue Mun 11:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman i nun yɛ n kunndɛ fiawlɛ-ɔ. ?Ɔ yo sɛ ti yɛ amun se min kɛ: «Wanndi kɔ oka'm be nun lɔ ko fia kɛ anunman wie yɛ ɔ su tu sa nin-ɔn?»

Jue Mun 33:16

Kɛ famiɛn kun ɔ ´kun alɛ b'ɔ ´fite nun'n, nán sonja kpanngban b'ɔ lɛ i'n be fanngan nun ti-ɔ. Kɛ safunyrɛn'n ɔ ´nyɛn i ti lɛ'n, nán fanngan dan b'ɔ lɛ i'n ti-ɔ.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Ezai 10:13

Afin Asiri famiɛn'n seli kɛ: «Min bɔbɔ min wunmiɛn'n yɛ n fa n dili junman ng'ɔ o lɛ'n kwlakwla-a. Min ngwlɛlɛ'n yɛ n fa yoli i kwlakwla-a, afin n ti akunndanfuɛ. N sieli nvle-nvle'm be anyialiɛ'm be uflɛ. N fali nvle-nvle'm be nunfuɛ'm bé anwlɛn su ninnge mun. Kɛ bɔ n lɛ nyrun'n ti'n, n yoli man famiɛn'm be tɔli.

Ezai 10:16

I sɔ'n ti, Nyanmiɛn Kpli'n, Anannganman b'ɔ sie mɛn wunmuan'n, ɔ man Asiri famiɛn'n i sran mun bɔ be wunnɛn o nun'n, be ´yo koklo, yɛ i sran kpakpa mun'n, like wie ɔ ´jue be afiɛn, ɔ ´yra kɛ sin sa.

Ezai 16:6

E tili Moabfuɛ'm bé wun tulɛ ndɛ'n. E tili bé wun kpakpa yolɛ ndɛ'n, ɔ nin bé wun dandan yolɛ'n, nin be nuan dilɛ'n, ɔ nin be wun ngbli-ngbli yolɛ'n.

Zeremi 49:16

A nyinman-nyinman ɔ́ wun, a yo ɔ́ wun dandan sran'm be su ngbɛn. Wɔ bɔ yɛbuɛ buɛ'm be nun yɛ a wo'n, wɔ bɔ kpɔlɛ'm be su nglo-nglo lɔ yɛ a tran'n, ɔli man a yo ɔ́ sua'n nglo mmua lɔ kɛ anunman nyin'n sa, n ´ti wɔ lɔ n ´to yi wɔ ase.› » Anannganman'n yɛ ɔ kan sɔ-ɔ.

Zeremi 8:8

«An tɔn amún wun suɛn se kɛ: ‹E si ngwlɛlɛ. Anannganman i mmla'n, é sa nun yɛ ɔ wo-ɔ.› Kusu wuun mmla'n i klɛfuɛ'm b'a kpɛ i wun lele siɛn'n ɔ'a kaci ato .

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Ezekiɛl 30:6

Anannganman wan yoo: ‹Be nga be suan Ezipt'n i bo'n, be ´tɔ yɛ i wunmiɛn ng'ɔ fa tu i wun'n ɔ ´kpɛ. Kɛ ɔ fɛ i Migdɔl lele fa ju Siɛni'n, alɛ'n ɔ ´di lɛ lika mun.› Anannganman Nyanmiɛn yɛ ɔ kan sɔ-ɔ.

Sofoni 2:10

Be tutre bɔ be dili'n, ɔ nin nzowa nga be kpɛli Anannganman b'ɔ sie mɛn wunmuan'n i sran mun'n, i su sa nga be ko nyɛn i'n, yɛ ɔ o lɛ-ɔ.