Zeremi 48:13 - NYANMIƐN NDƐ'N 1998

¹³ Kɛ Izraɛl awlofuɛ'm be fali bé wla guali Betɛl lɔ amuɛn'n su bɔ bé nyin guali ase'n, yɛ Moabfuɛ'm bɔ be fa bé wla gua Kɛmɔs su'n bé nyin wa gua ase sɔ-ɔ .»

Zeremi 48:13 ပူးပေါင်းရင်းမြစ်များ

1 Famiɛn Mun 11:33

Sa ti bɔ n ´yo sɔ'n, yɛlɛ kɛ be kacili be sin sili min, be ko sɔli Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. B'a fa-man min atin'n su b'a yo-man nga n klo i'n. B'a fa-man min mmla fanunfanun'm bé su kɛ Salomɔn i si David liɛ'n sa,

1 Famiɛn Mun 11:7

Salomɔn kplannin sraka yiwlɛ lika kun oka ng'ɔ o Zerizalɛm i ndɛnman lɛ'n i su. Ɔ kplan mannin Moabfuɛ'm be amuɛn bɔ be flɛ i Kɛmɔs'n. Amuɛn sɔ'n ti tete like dan. Ɔ kplannin kun ekun mannin Amɔnfuɛ'm be amuɛn bɔ be flɛ i Mɔlɔk'n. I kusu ti tete like dan.

1 Famiɛn Mun 18:40

Yɛ Eli seli be kɛ: «Amun `tra Baal i nuan ijɔfuɛ mun, nán ba kun sa wanndi!» Yɛ be trali be-ɔ. Eli fali be ɔli Kizɔn nzue ba'n nuan lɔ nan ɔ'a kpɛ be kɔmin.

2 Be Nyoliɛ 25:15

Anannganman fɛli i wun ya. Ɔ sunmɛnnin i nuan ijɔfuɛ'n kun i sin. Anannganman nuan ijɔfuɛ'n usali Amazia kɛ: «?Ɔ yo sɛ ti yɛ w'a kpɛ ɔ́ nyin amuɛn nga b'a kwla de-man be sran mun ɔ́ sa nun'n be su-ɔ?»

Ezai 16:12

Moabfuɛ'm be fu kɔ sraka yiwlɛ lika mun bɔ be o kpɔlɛ'm be su'n be nun lɔ, be ko kle bé wun yalɛ ngbɛn. Be kɔ amuɛn sua'n nun be ko srɛ, sanngɛ ngbɛn-ɔn .

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 45:16

Be nga be yo amuɛn mun'n, nyannzuɛn'n ɔ'a kun be kpo, bé nyin'n ɔ'a gua ase, be kan bé ti ase yɛ be kɔ-ɔ.

Ezai 45:20

Nvle-nvle'm be nunfuɛ mun, amun nga amun kali lɛ'n, amun `tian amun nuan nan amun `bla, amun `wunnge wa likawlɛ. «Be nga be sua be waka sran'n, bɔ be srɛ amuɛn b'ɔ kwla de-man be'n, be sɔfuɛ'm be si-man ngwlɛlɛ.»

Zeremi 48:12

Ɔ man i ti Anannganman'n wan yoo: «Cɛn wie lele'n, n wa sunman sran kɛ be wɔ be ko kaci be gua tomua uflɛ nun nan be `bobo tomua klikli'n.

Zeremi 48:39

«Amun `kpɛ Moab wun sɛ jue be se `kɛ: ‹Cuekee! Moab yɛ ɔ'a tɔ yɛ! Moab yɛ ɔ'a kaci i sin yɛ ɔ ´wanndi kɔ yɛ. ?Nguɛ nyannzuɛn ndɛ liɛ yɛlɛ nga?› Moab ɔ'a kaci flɛn like be nga be mɛntɛn i'n be sa nun. Kɛ be wun i'n, ɔ yo sro.

Zeremi 48:46

Ɔo! Moab yako! Kɛmɔs i nvle'n yɛ ɔ'a nunnun yɛ. I mma'm b'a kaci kanga. Be yɛ be ´sua be kɔ yɛ.

Zeremi 48:7

Moabfuɛ mun, kɛ bɔ amun amuɛn nin amun ninnge'm be su yɛ amun lafi'n, i ti be wa fa amun mɛn'n. Be ´fa amun amuɛn bɔ be flɛ i kɛ Kɛmɔs'n, be ´fɛ i be ´kɔ mɛn uflɛ nun. Amun amuɛn nyrun tranfuɛ nin amun famiɛn i awlo lɔ sran dandan'n be kwlaa'n, be ´fa be ´kɔ mɛn uflɛ nun.

Jɔlɛ Difuɛ Mun 11:24

?Lika nga Kɛmɔs b'ɔ ti wɔ amuɛn'n fa man wɔ kɛ a tran nun'n, nɛ́n i yɛ a tran nun-ɔn? ?Yɛ e li yɛ lika kwlaa nga Anannganman b'ɔ ti e Nyanmiɛn'n fa man e kɛ e tran nun'n yɛ e su tran-man nun-ɔn?